الموضوع: أبني موتوسيكل من الألف للياء

بص يا عمر باشا . انا احييك اولا علي افكارك و اشجعك و لكن...
1 حيكلفك الموضوع دة ضعف تمن الموتسيكل لو انت اشتريتوه.
2 ايه الفايدة لو انت حتجمع واحد نفس الستوك اللي طالع من الشركة . انت لازم تعدل فيه علشان يكون حاجة مختلفة و مميزة و يكون بصمتك علية . و دة تكلفة تانية دة غير ان مافيش ورشة في مصر عندها الامكانيات الفنية لكدة .
3 حاجات كتير لازم تبعت تجيبها من علي النت من برة و دة شمط موت . اديك مثال . فردتين كاوتش لموتيسيكلي عاملين علي النت 1320 جنية . عبال ما وصلوا عندي كان سعره 2550 جنية مجرد اشحن و الجمرك دة طبعا منغير عمولة لان لو حد بيطلبهملك من النت حياخد حوال 20% نسبة ربح.
انا راي انك تشتري متسيكل صيني مستعمل و تفكه مسمار مسمار و ترجع تلمو تاني و حتا لو ما بعتوش يبقا ما خسرتش كتير . الف او الفير جنيه احسن من 20 او 30 الف

شكرا يا hotshot على اهتمامك, انت فعلا عندك حق في حتة اني أجمعه وخلاص, لازم أعدل فيه. هو عموما مسألة النعديل ده قشطة سهلة مفيهاش حاجة, هي آخرها قطع ولحام, وكده كده أنا مش لازم أجيب الحاجات من برة, يعني اللي اقدر أجيبه مستعمل من هنا أجيبه, حتى لو كان فرد كاوتش.
المشكلة مش في استيراد الحاجات, الحمد لله أعرف ناش ممكن يخلصولي الحاجات دي.
الحاجات اللي ممكن أجيبها من هنا بايظة وأصلحها أجيبها, وأظن الموضوع أبسط من كده يعني.
عموما يا ريت لو تعرف حد عنده الشاسيهات دي تقول لي عليه, أو لو تعرف حد يعرف حد عنده شاسيها وكده.

شكرا

ربنا معاك. بس التعديل مش بس شاسيه . اللعب بيكون كمان في الوتور . نظام الحقن او الكاربوريتر . السلندرات . العادم . تعديل في جسم الموتيسكل . استعمال جنوط كبيرة . .
مثلا انا ممكن يركب عندي جنط 250 بدل من 180 لكن التعديل دة يكلفني من 10 - 14 الف جنيه. طبعا فشخ موت. تاني اتمنالك التوفيق لاكن لا اعتقد انك ممكن تلاقي شاسيه هوندا مثلا الا لو كان عامل حادثة . و السؤال هوا مين و فين العدة اللي حترجع الشاسيه زي ما كان .
دور علي عناوين و ارقام ميكانيكية موتسيكلات هنا في الموقع و كلمهم يمكن تلاقي حاجة قديمه متكهنه. و لو حصل لازم نعرف و نشوف انتاجك يمكن ربنا يكرم و تعمل egyptian chopper
بالتوفيق انشاء الله

ربنا يوفقك ويبقى عندك مصنع موتوسيكلات بعد كدة.

أنا مش ناوي أعمل أي تعديلات في المواتير في الوقت ده. أنا اللي مركز عليه التعديل في الشاسيه.
أخليه طويل مثلا أو كده.
بس الفكرة في التصميم. المهم شكرا على اهتمامك. وان شاء الله هتشوف أول Egyptian Chopper.
انت لو دخلت على النت هتلاقي ناس معدلة شاسيهات لكوتوسيكلات 150 سي سي. وشكلها بيكون جامد أوي (طبعا مش زي أما يكون راكب عليه موتور 400 أو أكتر) بس اللي عايز أقوله, اني انا عايز أعرف وأعمل تعديل لأي شاسيه بحيث يكون شكله أجمد.