الموضوع: قال الياريس احسن من لانسر

المشاركة الأصلية كتبت بواسطة salehgharib

http://www.toyota.com/yaris/vehicle-tour.html

هذا الرابط يوضح الفرق
وعلى فكرة تم النقاش قبل ذلك مع موزع تويوتا على الفروق قل بنفسة السيارة الموجودة للشرق الأوسط كذالك قال لو السيارة نذلت بنفس الشكل والكماليات هيكون سعرها عالى

ولكن كما وضحت قبل ذلك إن الأنسر الموجودة فى مصر هيا هيا الموجودة على النت وفى أى مكان تانى

http://www.alhabtoor-motors.com/mits...dan/lancer.htm

ما عدا موديل لانسر الأردنى وكانت بتتباع 78000 جنية بكماليات أقل

وشكرا

أستاذ صالح فيه فرق بين الإختلافات فى الأوبشنز و الإختلاف فى الشكل و المواصفات
حضرتك اللينك إللى إنت جايبه فيه الياريس الهاتشباك و إللى بتنزل مصر السيدان
بالنسبة للشكل و مواصفات الياريس السيدان المصرى هى نفسها بالظبط الموجودة بالخليج و تقدر حضرتك تراجع الليينكات إللى بعتهالك عن موقع تويتا بتاع السعودية و الإمارات
يبقى كده الياريس المصر و الخليجى مطابقان فى الشكل و الموتور تماما و برضه تقدر تروح معرض إسمه موتور سيتى فى شارع النزهة فى مدينةنصر دا بيبيع الياريس الخليجى و حتتأكد من المعلومة دى طالما حضرتك مش مصدق الموجود فى مواقع توكيلات تويوتا فى الخليج.

بالنسبة للأوبشنز فعلا فيه فرق بين الياريس المصرى و الخليجى و هو :
1- المصرى بها عداد RBM الخليجى مافيهوش.
2- الخليجى فيها مسند تالت فى الكنبة الخلفية المصرى مافيهوش.
3- الخليجى فيه زمارة لما بتعدى الـ 100 كم المصرى مافيهوش .

هى دى حضرتك الفروقات إللى موجودة بين الياريس المصرى و الخليجى و على فكرة حضرتك طبيعى جدا إن الأوبشنز يختلف من بلد لأخرى و دا حضرتك موجود برضه فى لانسر الخليجى و المصرى و الأردنى لكن الشكل و موتور الياريس المصرى و الخليجى واحد .

المشاركة الأصلية كتبت بواسطة salehgharib

فى حاجة غريبة جدا إن الى بيقول إن العربيتين من الداخل ذى بعض وبيكررها

أنا متأكد إنه مركبش واحدة منهم عشان يقارن يا إما مركبش لانسر أو العكس

لان الفرق واضح جدا مش محتاج مناقشة

واضح إن حضرتك مقرتش المداخلة بتاعتى كويس يا فندم أنا كان معايا لانسر و بقول لحضرتك إن الإتنين من جوا تقريبا متساويين و بكرر تانى الياريس قعدتها ورا أحسن من اللانسر اعدم وجود المقب الخلفى يعنى بتاخد 3 ورا مرتاحين و إللى قاعد فى النص بيبقى قاعد براحتة لعدم وجود المقب .
واضح إن حضرتك ماقعتش فى الياريس ياريت حضرتك تخش تقعد فيها و ماتحكمش عليها من الصور أو من شكلها الخارجى فقط

أستاذ صالح معظم أعضاء المنتدى أجمعوا إن الياريس 1300 سى سى أفضل كثيرا من اللانسر 1300 سى سى فى السحب و الإعتمادية و النعومة و العفشة و إستهلاك البنزين

المشاركة الأصلية كتبت بواسطة salehgharib

--------------------------------------------------------------------------------

يا ريت بعض المشاركين يحسسك انه يملك يارس ويجزم بمميزاتها وفى ركن اليارس لسا بيستفسر وينقض أيضا

http://www.nilemotors.net/Nile/showthread.php?t=669

أستاذ صالح ما فيش مانع أبدا إن أى حد ينقض عربيته لإن أكيد مافيش عربية كاملة لكن مش معنى كده إنه ما يذكرش مميزاتها و إنه لما تكون فيه مقارنة بين الياريس و اللانسر مانقارنهاش بيها علشان الياريس فيها عيب

المشاركة الأصلية كتبت بواسطة borgelharm

مش عارف ليه الاخوة الافاضل في المنتدي دايما حاطين الياريس امام اللانسر
مع ان دي شريحة و دي شريحة ..دي فئة و دي فئة تانية
يعني لما تقعد مع اي صاحب معرض سيارات مش ممكن يخيرك ما بين الياريس و اللانسر ابدا
اللانسر تتقارن بالكورولا ..كده تبقي المقارنة مقبولة
شوف النهاردة سعر الياريس (83500 ) و اللانسر (94000)
فبالطبع فرق السعر بيفسر بقية الفروق
جرب حضرتك و اسأل السؤال ده لأي صاحب معرض سيارات اختار اللانسر و لا الياريس و شوف رده حيكون ايه
فعشان ما نظلمش اي عربية يبقي بلاش نقارن ما بينهم لانهم مش نفس الفئة
و علي فكرة كل اللي اعرفهم راكبين ياريس كان نفسهم يشتروا لانسر و ابدوا اعجبهم الشديد باللانسر

مش عايز حد ياخد الامور بحساسية انا قصدي نناقش الامور بموضوعية اكتر عشان الفايدة تعم علي الكل

محمد فهمي

محمد باشا مرحبا عودتك للمنتدى إسمحلى نتكلم شوية فى تعليقك :
1- دي شريحة و دي شريحة ..دي فئة و دي فئة تانية
دا كلام مظبوط فعلا اللانسر المفروض تتقارن مع الكرولا لكن المقارنة إللى إحنا بنقولها دلوقتى بين اللانسر القديمة مش الجديدة و الياريس ليه لإن الياريس موتور الكورلا 2007 إللى كانت بتتقارن بالانسر 2007 و فى نفس الوقت المساحة الداخلية للإتنين تقريبا واحدة و سعة الموتور واحدة فبالتالى دا إللى مخلينا نعمل المقارنة بين الياريس 1300 و اللانسر 1300

2-جرب حضرتك و اسأل السؤال ده لأي صاحب معرض سيارات اختار اللانسر و لا الياريس و شوف رده حيكون ايه
طبعا حيقول لانسر لكن دا مش عيب فى الياريس لكن علشان اللانسر منتشرة عن الياريس لنزولهه قبلها بسنتين و لإحساسهم إن اللانسر أكبر من الياريس

3-و علي فكرة كل اللي اعرفهم راكبين ياريس كان نفسهم يشتروا لانسر و ابدوا اعجبهم الشديد باللانسر
حضرتك أنا كان معايا لانسر و جبت ياريس و أبديت إعجابى الشديد بالياريس عن اللانسر و فيه زميل لينا فى المنتدى مش عاجبها اللانسر و عايز يجيب الياريس الجديدة .

المشاركة الأصلية كتبت بواسطة borgelharm

ثانيا : انا بحكم عملي بهتم قوي بعامل الامان يعني ( الثبات- الوسائد الهوائية - الاكصدامات ) و ده اللانسر تتفوق فيه علي الياريس
كذلك ابعاد اللانسر مش معقدة يعني بسهولة او مناول ركوبة تتعود عليها
ثالثا اللي انا اعرفه ان كان فيه تلاتة صحابي معاهم ياريس كان نفسهم يركبوا اللانسر و انت تعرف اتنين منهم و التالت معايا في الشغل
رابعا : كرم التوكيل يعني بصراحة مجدي شاهين يحسسك فعلا انها عربيته و كمان مش ماديين و بيعمل حبة مواقف يخليك تتمسك به اكتر يعني مثلا النمر التجارية المجانية + بيبعت واح يرخصلك بدون مقابل الا لو انت عايز تكافئه من عندك+ بيديك العربية كاملة ما بياخدش منها حاجة يعني طقم الاسعافات و مثلث الانتظار و طقم دواسات هدية و بتروح مركز الصيانة بتلاقي كل حفاوة و عندهم ضمير عالي قوي يعني لو المفروض يغير بوجيهات او فلتر هوا او اي شيء اخر حسب الجدول و كشف عليه و لاقاه حالته كويسة بيأجله للصيانة الجاية لان استعمالي غير استعمالك غير استعماله

الياريس عربية محترمة جدا و بدأت تنتشر بغزارة و ده مؤشر طيب جدا انما يظل فرق السعر لصالح اللانسر و ده واقع لانه فيه فرق حوالي 8000 جنيه
ربنا يباركلك فيها يا رب
محمد فهمي

1-انا بحكم عملي بهتم قوي بعامل الامان يعني ( الثبات- الوسائد الهوائية - الاكصدامات ) و ده اللانسر تتفوق فيه علي الياريس
دا كلام غير واقعى تماما لإن الياريس واخدة درجات أعلى من لانسر فى إختبارات EURO NACP يعنى الياريس أأمن من اللانسر مش العكس .

مين مجدى شاهين ؟