الموضوع: قال الياريس احسن من لانسر

استاذ حسن خليل
اعتقد ان اعربيه المصريه 1300 مفيهاش اير باج لا للسائق ولا الراكب الامامى
الخليجى بس هيه الى فيها اير باج للسائق وكمان فيها كاسيت او cd اصلى +ايموبليزر +مفتاح +الطاره الجديده بس مفيهاش اير باج
سعرها اقل من كده بكثير حوالى 94 او 95 ده المانوال مش اكثر من كده ده للعربيه الكويتى
1600 مصريه وبعض الهاف سبورت (الكويتى ) فيها abs بس الكلاسيك خليجى مفيهاش

انا شايف حضرتك ميال للاوتوماتيك فانا لو مكانك هجيب الياريس لاسباب التاليه
1-وجود فرامل abs (فى رأى مهمه جدا )
2-لانسر ال1300 اوتوماتيك ضعيف
انا مركبتش الياريس الاتوماتيك بس ركبت الكورولا ال1300 اوتوماتيك وكانت احسن من الانسر
بما ان الاثنين نفس المتور وتقريبا نفس الفتيس فاعتقد ان الياريس هتكون افضل .(ولو حد عنده رأى تانى ياريت يقولك فى النقطه ده )
معلش لو الياريس ب110 فيها (فوج وجنوط وقاعه زراير الزجاج الكهرباء نيكل -وكاسيت سى دى ) انا اورح اجيب لانسر 1600 هاف سبورت احسن

المشاركة الأصلية كتبت بواسطة limo

استاذ حسن خليل
اعتقد ان اعربيه المصريه 1300 مفيهاش اير باج لا للسائق ولا الراكب الامامى
الخليجى بس هيه الى فيها اير باج للسائق وكمان فيها كاسيت او cd اصلى +ايموبليزر +مفتاح +الطاره الجديده بس مفيهاش اير باج
سعرها اقل من كده بكثير حوالى 94 او 95 ده المانوال مش اكثر من كده ده للعربيه الكويتى
1600 مصريه وبعض الهاف سبورت (الكويتى ) فيها abs بس الكلاسيك خليجى مفيهاش

السعر اللي حاضرتك ذكرته مضبوط .. و ده للعربية المانوال الخليجي الاماراتي .. الكويتي بتبقي اغلي حوالي 1500 او 2000 لان بيبقي فيها السي دي و الريموت .
.....
الاسعار اللي انا ذكرتها في المشاركة كانت كلها لل 1300 الاوتوماتيك
........
الياريس بالاضافات فعلا سعرها اصبح عالي جدا .. هي كانت بـ 108 .. و مع الزيادة الاخيرة زادت 2000 هي و كل موديلات الياريس .. و الياريس الفل اوبشن اوتوماتيك دلوقتي بـ 101900 بـ abs,ebd و اتنين ايرباج ..و سبويلر اصلي و كاسيت اصلي شرايط .. و اذا حبيت تاخد الـ mp3 + cassete+radio بتزود 1500 .
.........
اللانسر الهاف دلوقتي ب 115000 و الاسبورت ب 123000 ( اسعار الوكيل )
.........
و شكرا لحضرتك اخ ليمو علي المشاركة و النصيحة :)

بس بينى وبينك انا اجيب الهاف سبورت ب115000 ولا اجيب الياريس ب110000
على فكره الهاف سبورت خليجى فقط

المشاركة الأصلية كتبت بواسطة timo_crosswind

مرحب ياحسان باشا بس بالنسبه لموضوع abs هو فعلا بينزل دلواقتي في اللنسر 1300 مانيوال واكيد الاتوماتيك بس بصراحه معرفش فيها abd ولالا والكلام ده لعربيات الوكيل ووصل سعر 1300 مانيوال 100 الف جنيه والاتوماتيتك 104 الف جنيه ...بالمره لانسر 1600 مانيوال جميع الكماليات 109 الف جنيه ...لانسر 1600 سبورت 123 الف جنيه....لانسر 1600 sam عامله 126 الف جنيه....ودي اسعار الوكيل ...بالنسبه للخليجي فاسعاره متفواته من مكان للتاني واعتقد انه وصل 95 الف جنيه ويمكن اكتر بس بصراحه مش متاكد لاني اللي اعرفه ان الخليجي بيفرق عن الوكيل من 3 الي 5 الف جنيه مع العلم ان الخليجي انواع افضلهم الكويتي ثم السعودي ثم الاماراتي وفي لانسر اردني ودي اقل فئه في اللنسر .
بالنسبه لموضوع cd اللي نازل في عربيتي وهيا خليجي 1300 مكتوب عليه كينوود وعلي مستره cd مكتوب ميتسوبيشي موتورز بالاضافه ان كتالوج cd اللي نازل مع العربيه مكتوب عليه بالخط الكبير ميتسوبيشي موتورز وكيين وود يعني العربيه جايه بيه من المصنع.
انا بشكرك علي معلومه الياريس اللي بينزل فيها جنوط لاني بصراحه مشفتهاش قبل كدا. اللي اعرفه موضوع الفوجات والاسبيويلر وده في الاتوماتيك بس

حسان باشا ده كان ردي علي سؤالك بالظبط اولا انت مسئلتش علي الايرباج وبالتالي انا ماجوبتش. انت ستلتني علي abs abd وكان ردي 1300 مانيوال فيها بس بالنسبه لموضوع abd قولت انا مش متاكد وكمان كان الطبيعي ان abs موجود في الاتوماتيك....بالنسبه لمصدر المعلومه انا قراتها في احدي المجلات المتخصصه في السيارت وكان مكتوب ضمن المواصفات abs بصراحه انا قولت يمكن غلطه مطبعيه بعدها بفتره واحد بيسئلني علي عربيتي وبيقوالي هيا فيها abs قولته لا لاني مفيش لانسر 1300 خليجي او مصري بتنزل فيها فصدمني واكدلي ان 1300 المانيوال الوكيل بينزل فيها abs والكلام ده في 2008 بس طبعا مكدبتش خبر وسئلت كذا حد وبردو الكدولي الخبر....فياريت بعد اذنك تسئل حد تاني لاني انا كنت بروح معارض كتير وكنت بلاقي ناس ملهاش في البطيخ ومش عارفين حاجات كتير في العربيه اللي هما بيبعوها......بالنسبه لموضوع الخليجي انا هكيلك موقف بسيط حصل معايا وانا برخص العربيه بس قبل ما احكيه احنا متفقين ان الخليجي اعلي فئه الكويتي ثم السعودي ثم الامارتي واقلهم كماليات الاردني مع العلم ان الاردني مميز في الشكل عن الخليجي بالاتي...الفوانيس الخلفيه لونها احمر اما الخليجي كريستال ...الاردني اريل قايم اما الخليجي اريل سقف ...الاردني فيه الطاره القديمه بدون اير بااااج اما الخليجي الطاره الجديده وفيها ايربااااج...ودي الاختلافات الجوهريه وفي اختلافات تانيه بس مش هتكلم فيها دلواقتي....نيجي للموقف لقيت اتنين عاملين يلفو حوالين عربيتي وبيبصو بره وجوه ومستغربيين روحت سئلتهم خير جماعه في ايه فسئلوني هيا العربيه دي وكيل قولت لالالالا خليجي قالو ازاي دي فيها اختلاف عن عربيتا وكانت معهم لانسر 1300 اتوماتيك وقالولي دي بضمان الروااااااس وكانت فيها كل المواصفات اللي قولتها عن الاردني بفارق وجود ضماااااااان الرواس بس وبصراحه معرفش الرواس بيبيع فئات تانيه من الخليجي ولا لا...........انا ماقولتش خالص ان 1300 فيها اتنين ايرباج انا قولت فيها ايرباج واحد بس للسائق ومعرفش الاخ حسان جاب منين اني قولت اتنين ايرباج بالضافه اني بردو مذكرتش موضوع لايرباج خالص للسيارات الوكيل .....ياريت ياخ حسان لما تقرا كلامي تقراه كويس عشان متقولش كلام علي لساني انا مقولتوش...............
واخيرا ياحسان انا اسف جدا اذا كنت تعبتك ونزلتك من بيتك عشان تتاكد من موضوع abs

تامر باشا
ممكن تتأكد إن اللانسر 1300 مافيها ABS من الموقع بتاع مصرية وكيل ميتسوبشى إللى أنا حطيطه لحضرتك فى مشاركاتى فوق أو من م/ طارق زويل (مصراوى جدا)

يا جماعه انا شوفت ال1300 مانوال مو2008 ضمان مصريه مكنش فيها ايرباج ولا حتى فرامل abs
الكلام ده كان شهر يناير معرفشى بعد كده غيروا النظام ولا ايه

النظام زى ماهو يا ليمو لا تغير فيه و مكتوب كده على موقع مصرية وكيل ميتسوبشى

يا تامر يا خويا ...
انا نزلت سألت في المعرضين النهارده ( مصرية و الرواس ) ..مش علشان ارد عليك و اقولك دي فيها و دي مفيهاش ...يا راجل احنا مبنعملش كده .. انا نزلت علشان زي ما قولت في الاول ... انا عايز اشتري عربية .. و لذلك كان لازم اسأل علي كل كبيرة و صغيرة .. و كل كلمة باسمعها او بقرأها ...
*******
رد حضرتك تعبني شوية في القراءة لان الكلام مشبك في بعضه .. لكن انا حاريحك .. انا شايف ان الموضوع اتقال و اتعاد فيه .. و باستفاضة .. و الحمد لله الفائدة عمت علي الكل ..و كل واحد زاد اعتزازه بعربيته عن الاول .. الا اخوك :) .. لأنه لسه مش لاقي عربيته .. ربنا يسهل .
*********
شخصيا .. انا شاكر لحضرتك و لكل اللي شاركوا في الموضوع من اصحاب اللانسر و الياريس .. و ربنا يباركلكم جميعا في عربياتكم .
تحياتي