الموضوع: قال الياريس احسن من لانسر

طبعا اليارس احسن

اليارس انعم واحسن في السحب

وكفايه ان اسمها تيوتا

.ايه علاقه ردك باللي انا قولته في البند ده ...انا بقول ان الياريس انعم ومعروف ان محركات تويوتا اقوي من ميتسوبيشي وانت بتقوللي الياريس مش بنعومه الكورولا والياريس اكتر ثبات ..انت بترد علي كلامي ولا بتضيف لكلامي عشان مش فاهم

انا بتكلم عن نعومه العفشه مش نعومه الموتور يا تامر :)
بس ما اخدش بالي انك بتتكلم عن نعومه الموتور مش نعومه العفشه عموما دي عندي فهمتها غلط :)

4.تعالي بقي نقف عند الحته دي شويه عشان بصراحه معرفش انت جبت الكلام ده منيين
بتقول الياريس في منها فوجات وجنوط....(فوجات اه انا معاك لكن جنوط بصراحه عمري ماشفتها في مصر بش شوفتها بره وكانت في الياريس 1500 بس)..

يبقي حضرتك ما شوفتش الكامله اللي ب 107 الف روح اتفرج عليها :)

موضوع abs abd موجود في الاتوماتيك بس

و ايه رايك بقي اني جايب عربيه لواحد قريبي مانيوال فول اوبشن فيها abs , ebd.
بتنزل مواصفات خاصه للمخابرات و كان متبقي عربيتين اخدنا واحده و لو انت عاوز بتطلبها من الشركه بتجيلك بزياده في الفلوس طبعا.

انت بصراحه صعقتني لما بتقول ان اللنسر مفيهاش تكيف قوي وريموت وامبولايزر وازاز كهربا وايرباج انت متاكد انك بتكلم علي اللنسر

يا رااااااااااااااجل
بقي انا قولت ان اللنسر مافيهاش الكلام دا؟؟؟؟؟؟؟؟؟؟؟؟؟؟اظاهر انك ما فهمتش كلامي انا قولت بالنص :
الياريس في منها فول اوبشن بفوجات و جنوط و abs و ebd و تكييف قوي و سنتر و ريموت و ايموبلايز و بــــــــــــــــــــــــ ــاور كــــــــــــهرباء و دا مش موجود في اللانسر و زجاج كهربائي.............

يعني ما قولتش خالص كلمه اللانسر مافيهاش دي ابدا.

وبعدين انا معاك ان الباور بتاع الياريس كهربا واللنسر زيت بس باور اللنسر تحفه ...

و باور الياريس روووووعه و الدركسيون دقيق جدا لاقصي ما تتخيل .

8.نرجع تاني لموضوع الشكل مع اني قولت انها راحه نفسيه واختلاف في الاذواق وانت بتقولي ان اللنسر جنب الياريس تحس انها عجوزه وده من رايك اما بالنسبه لرائي انا بحس ان الياريس عامله زي لعب الاطفال وشكلها بناتي اوي اوي وفعلا اغلب اللي شفتهم راكبنها بنات وشكلها علي الطرق السريعه ميطمنش وبردو شكلها يوحي انها عربيه متنفعش غير جو المدن بس ...يعني دي اراء وهتلاقي ناس كتير مختلفين معايا ومعاك........

و برضه في بنات كتير راكبين لانسر مش الياريس بس:)
و بعدين الياريس شكلها هجومي اوي و اول مره اسمع حد بيقول علي لياريس بناتي الصراحه!!!!!!!!!

9.ثبات اللنسر عن الياريس مينفعش نتكلم فيه لان بشهاده كل الناس بما فيهم انا اللي سوقت الاتنين اقول ان اللنسر ثباتها اعلي بكتير من الياريس انا بردو بتكلم علي ثبات اللنسر 1300 مش 1600 سبورت لاني مستحيل هقارن بين الياريس واللنسر الاسبور...

طب لما انت جربتها يا ريت توضح ايه اللي بينلك ان الياريس ثباتها وحش؟؟؟
يعني ايه الموقف اللي اكدلك كده.

10.عفشه اللنسر اكثر قوه واحتمال عن الياريس ....انت تقول محدش يقدر يثبتها لكن انا هقدر اثبتهالك من واقع عملي جدا...
ايه رايك في عربيات الايجار..اكيد طبعا بتطحن شغل...صحبي عنده مكتب تاجير سيارات
وكان عنده كورولا ولانسر بيحلفلي انا كورولا بدء يغير حاجات في العفشه بعد سنه من استخدمها واللنسر بدء يغير فيها حاجات بعد اربع سنيين ايه رايك في الكلام ده....

انا بتكلم عن الياريس مش الكورولا حاليا .
و عموما معانا كورولا 2004 و ماشيه فوق ال 110 الف كيلو و ما غيرناش من عفشتها حاجه و للعلم سواقه خالي صعبه جدا و مهمل جدا في العربيه و تركبها لحد انهارده تحس انها زيرو.

ليه يا جماعه بنبقى ملكيين اكتر من الملك
انا شايف الحوار اصبح كان كل محاور هو صاحب الشركه و بيدافع عنها كأنه مندوب تسويق للشركه
مش مجرد واحد من ملايين تانيين اشتروا

لولا اختلاف الاذواق لبارت السلع
مش كده وللا ايه يا اهل المنتدى الكرام

المشاركة الأصلية كتبت بواسطة limo

النقطه الاولى
انا قولت ان فيه فرق فى السحب لصالح الياريس عن الانسر انا اقر بذلك
بس برضو مش الفرق الى انت متخيله
اى عربيه لازم التكيف يأثر على المتور حتى عندى فى الانسر 1600 بيأثر على المتور

المشاركة الأصلية كتبت بواسطة timo_crosswind

ده بردو انا قولته موضوع السحب الفرق مش كبير زي ماناس متخيله وقولت ان موضوع وزن السياره من العوامل المؤثره علي موضوع السحب وانا سوقت الاتنين وفعلا الفرق مش كبير انا موضوع العزل انا متفق ان الياريس افضل وبردو مش كتير عن اللنسر ولو شوفتم ليا مداخله كنت بقول اني هبيع اللنسر واجيب الياريس بس بعد ماجربت الياريس لغيت الفكره لاني لقيت الفرق بسيط جدا حتي في موضوع تاثير التكيف علي السحب

مع إحترامى لكلامك يا ليمو و كلامك يا تامر
فيه فرق واضح جدا بين الياريس و اللانسر 1300 فى السحب و خصوصا عند تشغيل التكييف و دا من تجربتي للعربيتين لفترة مش من مرة أو مرتين .

المشاركة الأصلية كتبت بواسطة timo_crosswind

اسف ياشاركي انا لسه واخد بالي من مدخلتك اللي بتسئلني فيها عن عربيتي...فعلا عربيتي خليجي وعلي فكره انا بردو عندي خاصيه التحكم في كرسي السائق وبعدين اعتقد الحكايه دي موجوده في كل العربيات:d ....اوعدك اني هتحري وارد عليك في الموضوع ده;);)...موضوع العفشه انا معاك الياريس انعم بس صدقني مش بفارق واضح وده لما جربتها ومع ذلك انا بقول ان عفشه اللنسر معمره اكثر من الياريس وده من تجربه صديق ليا وانا بثق في كلامه جدا ومن واقع عامله اللي هو صاحب مكتب تاجير سيارات .عاوز اقولك انا اللنسر معشوقه مكاتب تاجير السيارات وده اكيد ليه معني....

بص انا هقولك علي حاجه بس متضحكش عليا:d:dانا اول عربيه ركبتها كانت هيونداي اكسنت .انت عارف ليه...انا من الاسماعيليه عاوز قولك ان تقريبا اسماعيليه كلها التاكسي اللي فيها اكسنت وكل لما اسئل حد اشمعني العربيه ده بيرصولي مميزاتها وطبعا انا بتكلم مميزات عربيه بالنسبه لسعرها وفعلا اشترتها وكانت مو 99 عاوز اقولك ان العربيه دي مئثره فيا لحد دلواقتي وفعلا عربيه جميله
تقريبا لنفس الاسباب مكاتب الايجار بتفضل اللنسر لنفس السبب مع فرق الاوبشن والشياكه .انا مشكلتي بسافر كتير اوي وكنت عاوز عربيه حماله قاسيه وده لقيته في اللنسر وبردو عاوز اقولك ان الياريس من العربيات اللي عجبتني جدا;):):)

أولا يا باشا عربيتك خليجى علشان كده الأوبشن بتاعها عالى لكن إللى بتنزل فى مصر الأوبشن بتاعها أقل من الياريس إللى بتنزل فى مصر ;)
و ممكن تتأكد من اللينك دا حتلاقى اللانسر 1300 المصرى فقيرة فى التجهيزات لو قارنتها بالياريس المصرى
http://www.mitsubishi-motors.com.eg/...cer/lancer.htm

بالنسبة للكرسى أنا قصدى تظبيط إرتفاع الكرسى و دا مش موجود فى كل العربيات و أنت أكتر واحد عارف كده لإنه مش موجود فى الأكسنت :)

مش معنى إن العربية منتشرة فى التاكسى تبقى حلوة يا تامر لإن الأكسنت مش من العربيات إللى مش يتقال عليها حلوة و حمالة أسية و السواقة فى شوارع الإسماعيلية تختلف تماما عن السواقة فى شوارع القاهرة .

ثم إنتشار اللانسر فى مكاتب التأجير ليس لجودتها إنما لسمعتها عن المصريين إللى بيعتبروا اللانسر عربية برستيج بسعر معقول و دا فكر عند المصريين فقط دون غيرهم من البدان الأخرى .

المشاركة الأصلية كتبت بواسطة a0abde01

ليه يا جماعه بنبقى ملكيين اكتر من الملك
انا شايف الحوار اصبح كان كل محاور هو صاحب الشركه و بيدافع عنها كأنه مندوب تسويق للشركه
مش مجرد واحد من ملايين تانيين اشتروا

لولا اختلاف الاذواق لبارت السلع
مش كده وللا ايه يا اهل المنتدى الكرام

يا باشا العملية مش دفاع عن عربية الواحد بيملكها لإن دى مش أول عربية الواحد يجيبها و إن شاء الله مش أخر عربية لكن الفكرة إن الواحد بيحب يوصل المعلومة الحقيقة للأعضاء من تجربة حقيقة للعربيات مش من أراء شخصية علشان الأعضاء تستفيد و تعرف مميزات و عيوب كل عربية

اسمحولي ..
انا مش حدافع و لا اهاجم .. لاني كما قلت مسبقا .. لست من ملاك اي من السيارتين .. و اسعي ( باذن الله ) لامتلاك احداهما قريبا ... ادعولي :)
الاخ العزيز / تامر .
اول ما حضرتك قولت ان اللانسر ال 1300 دلوقتي بتنزل بabs , ebd و اير باجز .. اخوك مكدبش خبر ..
و رحت خبط لزق نازل علي الوكيل ( مصرية ) اللي في شارع رمسيس ..
عندك يا عم لانسر 1300 اوتوماتيك ؟؟؟ طبعا عندي .. بكام ؟؟ ب 104000
طيب ... فيها ايه ؟؟ فقعد يقوللي فيها ايه .. لغاية ما وصلنا للاير باجز .. طلعت واحدة بس بتاعة السواق .. و اللي جنبه ربنا يسهل .. و مفيهاش abs , ebd بس موجودين في ال 1600 بس .
متشكرين جدا ..و رحت سيبته و طلعت علي جاره بتاع الخليجي ( الرواس ) .. و دار نفس الحوار ..
بكام ؟؟ 98000جنيه خليجي اماراتي ... فيها ايه .. لأ .. السؤال الصح .. مفيهاش ايه .. مفيهاش مفتاح ريموت .. مفيهاش كاسيت لا اصلي و لا تقليد .. برضه ايرباج واحدة .. و مفيش abs, ebd .
و كمان ال1600 الخليجي برضه مفيهاش abs .. موجودة فقط في 1600 المصرية .. و في الرياضية المصرية و الخليجي ..
* ********
ده اللي حصل النهارده اثناء سؤالي عن اللانسر ...
و اعتقد انها بحسبة الفلوس مقابل الامكانات .. فممكن الياريس تكسب في هذه المرحلة .. و اكرر تاني .. بحسبة الفلوس مش الفنيات .. لانني لسه معرفهاش اوي ..
***********
حازم بيه خضر .. الياريس اللي بــالاضافات بقت بـ 110000 منش 108000 !!!!
و ده سعر الوكيل النهارده برضه ...
تحياتي

استاذ حسن خليل
اعتقد ان اعربيه المصريه 1300 مفيهاش اير باج لا للسائق ولا الراكب الامامى
الخليجى بس هيه الى فيها اير باج للسائق وكمان فيها كاسيت او cd اصلى +ايموبليزر +مفتاح +الطاره الجديده بس مفيهاش اير باج
سعرها اقل من كده بكثير حوالى 94 او 95 ده المانوال مش اكثر من كده ده للعربيه الكويتى
1600 مصريه وبعض الهاف سبورت (الكويتى ) فيها abs بس الكلاسيك خليجى مفيهاش

انا شايف حضرتك ميال للاوتوماتيك فانا لو مكانك هجيب الياريس لاسباب التاليه
1-وجود فرامل abs (فى رأى مهمه جدا )
2-لانسر ال1300 اوتوماتيك ضعيف
انا مركبتش الياريس الاتوماتيك بس ركبت الكورولا ال1300 اوتوماتيك وكانت احسن من الانسر
بما ان الاثنين نفس المتور وتقريبا نفس الفتيس فاعتقد ان الياريس هتكون افضل .(ولو حد عنده رأى تانى ياريت يقولك فى النقطه ده )
معلش لو الياريس ب110 فيها (فوج وجنوط وقاعه زراير الزجاج الكهرباء نيكل -وكاسيت سى دى ) انا اورح اجيب لانسر 1600 هاف سبورت احسن

المشاركة الأصلية كتبت بواسطة limo

استاذ حسن خليل
اعتقد ان اعربيه المصريه 1300 مفيهاش اير باج لا للسائق ولا الراكب الامامى
الخليجى بس هيه الى فيها اير باج للسائق وكمان فيها كاسيت او cd اصلى +ايموبليزر +مفتاح +الطاره الجديده بس مفيهاش اير باج
سعرها اقل من كده بكثير حوالى 94 او 95 ده المانوال مش اكثر من كده ده للعربيه الكويتى
1600 مصريه وبعض الهاف سبورت (الكويتى ) فيها abs بس الكلاسيك خليجى مفيهاش

السعر اللي حاضرتك ذكرته مضبوط .. و ده للعربية المانوال الخليجي الاماراتي .. الكويتي بتبقي اغلي حوالي 1500 او 2000 لان بيبقي فيها السي دي و الريموت .
.....
الاسعار اللي انا ذكرتها في المشاركة كانت كلها لل 1300 الاوتوماتيك
........
الياريس بالاضافات فعلا سعرها اصبح عالي جدا .. هي كانت بـ 108 .. و مع الزيادة الاخيرة زادت 2000 هي و كل موديلات الياريس .. و الياريس الفل اوبشن اوتوماتيك دلوقتي بـ 101900 بـ abs,ebd و اتنين ايرباج ..و سبويلر اصلي و كاسيت اصلي شرايط .. و اذا حبيت تاخد الـ mp3 + cassete+radio بتزود 1500 .
.........
اللانسر الهاف دلوقتي ب 115000 و الاسبورت ب 123000 ( اسعار الوكيل )
.........
و شكرا لحضرتك اخ ليمو علي المشاركة و النصيحة :)

بس بينى وبينك انا اجيب الهاف سبورت ب115000 ولا اجيب الياريس ب110000
على فكره الهاف سبورت خليجى فقط

المشاركة الأصلية كتبت بواسطة limo

استاذ حسن خليل
اعتقد ان اعربيه المصريه 1300 مفيهاش اير باج لا للسائق ولا الراكب الامامى
الخليجى بس هيه الى فيها اير باج للسائق وكمان فيها كاسيت او cd اصلى +ايموبليزر +مفتاح +الطاره الجديده بس مفيهاش اير باج
سعرها اقل من كده بكثير حوالى 94 او 95 ده المانوال مش اكثر من كده ده للعربيه الكويتى
1600 مصريه وبعض الهاف سبورت (الكويتى ) فيها abs بس الكلاسيك خليجى مفيهاش

انا شايف حضرتك ميال للاوتوماتيك فانا لو مكانك هجيب الياريس لاسباب التاليه
1-وجود فرامل abs (فى رأى مهمه جدا )
2-لانسر ال1300 اوتوماتيك ضعيف
انا مركبتش الياريس الاتوماتيك بس ركبت الكورولا ال1300 اوتوماتيك وكانت احسن من الانسر
بما ان الاثنين نفس المتور وتقريبا نفس الفتيس فاعتقد ان الياريس هتكون افضل .(ولو حد عنده رأى تانى ياريت يقولك فى النقطه ده )
معلش لو الياريس ب110 فيها (فوج وجنوط وقاعه زراير الزجاج الكهرباء نيكل -وكاسيت سى دى ) انا اورح اجيب لانسر 1600 هاف سبورت احسن

اسف جدا يظهر انى سرحت وانا بكتب
العربيه مفتاح ريموت
فيها طاره جديده وفيها اير باج بس مفيهاش abs
الى لون اخضر ده مش مضبوط