أستهلاك البنزين عالى

**eng_mkhalaf** · 18-12-2007 02:05 PM

أنا لما لقيت الم}شر ينزل بسرعة خفت لأنة نزل شرطتين يعنى حوالى 14 لتر فى 60 كيلو ودة ضعف الطبيعى - لأن أنا تحركاتى كلها فى وسط البلد يعنى كلها أشارات -
قلت أروح أمون وأشوف النتيجة ببص لقيت الراجل حطلى حوالى 8 ليتر بس - الصراحة حمدت ربنا وقلت أنا مقلق زيادة عن اللزوم - إللى أنا أستنتجتة لقيت أن ممكن يكون التصميم بتاعة كدة يعنى طردى متناسب ودة نوع من انواع الموشرات الموجودة فى العربيات الحديثة بس بيكون معاة عداد يوضح الأستهلاك علشان الواحد ميتلغبتشى
بس أنا كنت مطمن لأن مفيش ريحة بنزين متسرب أو دخنة لونها أسود أو موتور بيقطع كلة كان طبيعى بس هو قلق زيادة وحسوكة ملهاشى لازمة بس طبعى أعمل أية - زى موضوع الفتيس إللى بيعض معايا مشكلة بسيطة جدا وحلها المؤقت معروف بس القلق القاتل والحسوكة مخلايانى مقلق عالطول

**turboman** · 19-12-2007 12:14 AM

اية يا عم الباشمهندس انت زعلت ولا ايه عموما حصل خير و جايز فعلا الموضوع زي ما بتقول حسوكة منك الحمدلله اني دكتور مش مهندس زيك عشان مخافش بزيادة كدة يا سيدي عموما ماتزعلش و متنساش ان احنا بنتناقش بس................. ومين عارف جايز ربنا يطرح البركة في البلاستيك و الحكم كمان 5 او 6 سنين

**turboman** · 19-12-2007 12:20 AM

sorry على الازعاج بس كنت عايز اخد رايك الفني يا بشمهندس في crush testللسيارة بريليانس >الصيني> اللي علىyoutube ولا ماشفتوش قبل ما تشتري

**eng_mkhalaf** · 20-12-2007 08:30 AM

turboman
أهلا بيك فى منتدانا يا دكتور وربنا يجمعنا على خير عالطول أن شاء اللة
بالنسبة لموضوع الأمان دة فقتل بحثا فى منتدى الشيرى ولو تصفحت المواضيع هناك هتلاقى رد كلفى ووافى لكل أستفساراتك فى الموضوع دة

**HESHAM AMIN** · 20-12-2007 05:54 PM

خليك تجبلنا الكلام من غير سبب
دى ناس مستنية على الغلطة للصينى ياعم
وبعدين اخيرا لقيت واحد موسوس زى حالاتى

**egawady** · 22-12-2007 12:18 AM

يا جما عة أنا عربيتى لانسر 98 اوتوماتيك .. العربية بتعمل معايا حوالى 180 إلى 190 فى الصفيحة جوه البلد .... انا شايف ان ده استهلاك عالى شوية .. مع العلم انى بغير كل حاجة فى مواعيدها ( بوجيهات - سير كاتينة - زيوت ... إلخ )
مع العلم ان العربية الصبح اما بدورها بتقطع طالما الموتور بارد .. وريحة البنزين زى ما يكون نى .... ( بدون احتراق ) والسحب بيبقى زبالة ...
... بس اما بتسخن بتبقى زى الفل عشرة على عشرة ... المشكلة بس اما بتكون باردة

يا ترى اية رأى الأخوة الأعضاء ؟
أفيدونا ... ؟افادكم الله .........

**hazim2008** · 25-01-2008 03:17 AM

اكشف على فلتر الهوى لو اسود لازم تغيره مجبش نتيجه يبقى راجع تنظيف الكربراتير

**HNaga** · 25-01-2008 06:28 PM

الموضوع ده حصللى فى عربيتى الأسترا
إشتريت بوجيهات محترمة و فلتر هوا محترم ضبط إستهلاك البنزين تانى

**momo44** · 28-01-2008 12:05 AM

انا كنت عايز اسالك شوية اسئلة يا بشمهندس eng_mkhalaf
ايه المشكلة لما يكون فى ريحة بنزين
تانى حاجة انا مش فاهم الكلام ده

المشاركة الأصلية كتبت بواسطة eng_mkhalaf

أنا لما لقيت الم}شر ينزل بسرعة خفت لأنة نزل شرطتين يعنى حوالى 14 لتر فى 60 كيلو ودة ضعف الطبيعى - لأن أنا تحركاتى كلها فى وسط البلد يعنى كلها أشارات -
قلت أروح أمون وأشوف النتيجة ببص لقيت الراجل حطلى حوالى 8 ليتر بس - الصراحة حمدت ربنا وقلت أنا مقلق زيادة عن اللزوم - إللى أنا أستنتجتة لقيت أن ممكن يكون التصميم بتاعة كدة يعنى طردى متناسب ودة نوع من انواع الموشرات الموجودة فى العربيات الحديثة بس بيكون معاة عداد يوضح الأستهلاك علشان الواحد ميتلغبتشى
بس أنا كنت مطمن لأن مفيش ريحة بنزين متسرب أو دخنة لونها أسود أو موتور بيقطع كلة كان طبيعى بس هو قلق زيادة وحسوكة ملهاشى لازمة بس طبعى أعمل أية - زى موضوع الفتيس إللى بيعض معايا مشكلة بسيطة جدا وحلها المؤقت معروف بس القلق القاتل والحسوكة مخلايانى مقلق عالطول

لان انا لما مثلا الراجل بيحط حوالى 10 لتر بيزيد المؤشر حوالى15 الى 20 لتر مش عارف ليه وطبعا بينزل المؤشر بنفس الطريقة
فهل ده ليه علاقة باللى حضرتك بتقوله

**momo44** · 28-01-2008 09:19 PM

معلش انا تعبكو معايا كنت عايز اعرف الرد على اللى سالته بلييييييز
وكمان عندى سؤال تانى
انا مزعج مش كده بس معلش استحملونى
انا اول لما ادور العربية واكون واقف بره بشم ريحة بنزين مش محروق يعنى كانى فى قدامى بنزين فى طبق مثلا ياريت تكونو فاهمين قصدى
ومتشكر لكل اعضاء المنتدى لمساعدتهم للاخرين

الموضوع: أستهلاك البنزين عالى

LinkBack

أدوات الموضوع

عرض

-

-

-

-

المواضيع المتشابهه

البنزين بقي يتشفط من بعد أزمة البنزين .. أستهلاك عالي ... حد بيحصل عنده كدة ؟

أستهلاك البنزين عالى جدا فى الكارينز عايز اراء لو سمحتم

هل تعتبر الصنى ذات أستهلاك بنزين عالى نسبيا فى الاوتوماتيك بالمقارنه بمثيلاتها

أستهلاك البنزين معى

أستهلاك البنزين في Gen 2

الكلمات الدلالية لهذا الموضوع

المفضلات

المفضلات

ضوابط المشاركة