أستهلاك البنزين عالى

**eng_mkhalaf** · 29-01-2008 10:12 AM

بص يا باشا - ريحة البنزين دية معناها أن فى تسريب فى مكان ما فى دائة البنزين بداية من غطاء التانك ونهاية بالكربراتير أو الأنجيكشن هيدر - لأن الدايرة دية لازم تكون محكمة لأن البنزين سريع التطاير ودة ممكن يفضى للتانك وأنت مش حاسس وصعب تكشفة بالنظر لأن مش هيكون هناك إى أثر على الأرض زى حالة الزيوت.
بس ممن يتعرف أزاى انك تسيب العربية يوم أو يومين راكنة وبعد كدة تبص على المستوى بتاع البنزين - ودة معناة أنة تسريب فى المجموعة الأمامية لدايرة البنزين ولو ملقيتشى حاجة يبقى تدور العربية لفترة وعتمد على حاسة الشم عند اموتور أو لو معندكشى مشكلة سيب العربية دايرة 2 -3 ساعات وكأنك بتلين وبص عى لمستوى البنزين وقارنة بالأستهلاك العادى ودة هيكشف إى تسريب فى النص التانى من الدايرة
أو من الأخر لروح لميكانيكى وهو ممكن لو شاطر يكتشف التسريب عالطول

لان انا لما مثلا الراجل بيحط حوالى 10 لتر بيزيد المؤشر حوالى15 الى 20 لتر مش عارف ليه وطبعا بينزل المؤشر بنفس الطريقة
فهل ده ليه علاقة باللى حضرتك بتقوله

تمام زى عندى بس دة بيبقى فى الربع العالى من التانك بعد كدة الواحد بيعتل علشان ينزل شرطة

انا اول لما ادور العربية واكون واقف بره بشم ريحة بنزين مش محروق يعنى كانى فى قدامى بنزين فى طبق مثلا ياريت تكونو فاهمين قصدى

طب الريحة دية من الشكمان ولا من أية

**momo44** · 29-01-2008 05:11 PM

اولا احب اشكرك على سرعة الرد
ثانيا يعنى ايه الربع العالى من التانك بعد كدة الواحد بيعتل علشان ينزل شرطة
ثالثا مفيش حل اسهل اقدر اعرف فيه تسريب ولا لأ
وفيه حاجة كمان الريحة ديه مش بشمها الا لما ادور العربية
يعنى وانا رايح ادورها وواقف جنبها مش بشم حاجة ولكن اول لما ادور بشم ريحة البنزين
وهل لو العربية اتحكت من تحت تاثر على موضوع دائرة البنزين؟؟؟؟؟؟؟؟؟

**eng_mkhalaf** · 02-02-2008 09:54 AM

بس يا باشا - معنى أنت بدورها وبعد كدة تشم ريحة بنزين يبقى حاجة من 2 يا أما حرق غير كامل وبكدة هتشم ريحة بنزين جاية من الشكمان أو تشم ريحة بنزين من عند الموتور ودة معناة ان فى مشكلة فى توصيلات البنزين إلى الموتور أو مشكلة فى بوابة الكربراتير

ايه الربع العالى من التانك بعد كدة الواحد بيعتل علشان ينزل شرطة

دة أنا لاحظتة بشدة فى عربيتى وهو موضوع غريب فعلا وعن قريب هحاول أتأكدة من

مفيش حل اسهل اقدر اعرف فيه تسريب ولا لأ

روح لميكانيكى

وهل لو العربية اتحكت من تحت تاثر على موضوع دائرة البنزين؟؟؟؟؟؟؟؟؟

ممكن بس أحتمالة صعب قووووى

**momo44** · 02-02-2008 04:55 PM

شكرا لتوضيحك
فعلا انا لما ركزت فى الريحة لاقيتها بتخرج من الشكمان
بس يعنى ايه حرق غير كامل وهل فيها خطورة

**eng_mkhalaf** · 03-02-2008 09:48 AM

مشكلتة أن العربية هيبقى سحبها إى كلام وهتاكل بنزين
حلها بسيط بس هو عربيتك أنجيكشن ولا كربراتير

**momo44** · 03-02-2008 06:32 PM

عربيتى كربراتير

**eng_mkhalaf** · 04-02-2008 09:38 AM

دة حلها سهل قوى - انت ممكن تروحى لأى ميكانيكى ويظبط نسبة الوقود واهواء ودية سهلة وإى صبى عندة هيعملها فى ثوانى أو لو عايز أنت تعملها ودة لو عندك خبرة بسيطة فى العربيات وهى أنك تفك عمة الهواء من فوق الكربراتير هتلاقى الكربراتير قدامك عالطول وهتلاقى على الجنب مسمار راسة عادة تقوم مهوية أو قفلة كويسة لحد ما تسمع أن صوت الموتور بقى كويس والعربية مبتبطلشى وشكرا يا ياباشا وأدعيلى

**momo44** · 04-02-2008 04:24 PM

المشاركة الأصلية كتبت بواسطة eng_mkhalaf

دة حلها سهل قوى - انت ممكن تروحى لأى ميكانيكى ويظبط نسبة الوقود واهواء ودية سهلة وإى صبى عندة هيعملها فى ثوانى أو لو عايز أنت تعملها ودة لو عندك خبرة بسيطة فى العربيات وهى أنك تفك عمة الهواء من فوق الكربراتير هتلاقى الكربراتير قدامك عالطول وهتلاقى على الجنب مسمار راسة عادة تقوم مهوية أو قفلة كويسة لحد ما تسمع أن صوت الموتور بقى كويس والعربية مبتبطلشى وشكرا يا ياباشا وأدعيلى

مش فاهم هية بتبقى مهوية ولا قافلة كويس
وبعدين فى حاجة تانية العربية مبتبطلش وسحبها كويس