الموضوع: تقسيط بنك ناصر الاجتماعي

المشاركة الأصلية كتبت بواسطة ahmed4000

اللى بقول ملوش دعوة بهل هو مركب ولا بسيط
لانه هنا فى الحالتين على الاجمالى
خلى بالك كمان ان البنوك كلها بتعمل النظام ده حتى بتقرا اعلان "قسط وخد فلوس" لكن ميزة ناصر انه مقلل الفايدة اللى هو بياخدها على العربية وفى نفس الوقت العائد على الوديعة عالى
و

يا سيدي لأ مش زي بعض !!
طب احسبهالك عشان أوضحلك
انت بتقول فايدة الوديعة 10.5 % و حافترض كمان انها بتنزل شهريا
حنفترض انك بتقسط مبلغ 100 الف .. حطيتهم وديعة .. يبقو حيجيبو 875 جنيه في الشهر
ال 100 الف بفائدة 6% علي خمس سنين + 2% + مصاريف ادارية + بوليصة التأمين .. ولا أقولك .. من غيرها كمان !
يبقو 132.5 الف جنيه .. علي الخمس سنين يبقي القسط 2210 جنيه
يبقي سيادتك بتدفع كل شهر 1335 جنيه زيادة
و في النهاية يقولك اتفضل ال80 الف بتوعك زي ماهما .. صح؟
عارف حضرتك ال 1335 دول لما تحطهم دفعات شهرية في حساب توفير بنفس الفائدة طلعو كام بعد 5 سنين ؟
101700 جنيه !!! عرفت بقي هما كسبو كام علي الرغم من انه قالك ان انت كسبت 10.5 - 6 = 4.5 % ؟؟
طلعو هما كسبانين 21700 جنيـــــــــــــه

يا نهار أبيض .. انت بعد كل ده ما وصلكش الخدعة ؟!!
لا يا سيدي مش 174 ولا 153
الفايدة متناقصة كل سنة عن باقي المبلغ اللي ماتسددش مش كل المبلغ زي ما بيحصل في الفايدة المركبة
طب أجيبهالك بطريقة تانية ؟
ال 100 الف عن طريق بنك ناصر لو حتخلصهم علي خمس سنين و تاخد ال 100 زي ماهما في الأخر حتدفع 2210 شهريا
و لو حتاخد قرض ب 12.5 % متناقصة ( ياراجل دي بتبقي في أخر سنة أقل من 2 % من اجمالي المبلغ !!) حتدفع بس 2187 بس
يعني برضه 12.5 % متناقصة أحسن من بنك ناصر
انا مش فاهم انت بتجادل في إيه ؟ ده الحاجة الوحيدة اللي مافيهاش جدال هي لغة الأرقام ؟
انت شكلك بس بتحسبها برضه بنفس الطريقة .. ياالاتنين مركيبين .. يالاتنين بسيطتين
يا فندم أغلب الناس اللي معاها الفلوس في البنك عارفة كده
هو اللي ماعوش و مضطر يقسط ده قصة تانية .. غصب عنه بقي
و في الأخر انت حر .. اعمل اللي يريحك .. احنا بس حبينا نخدم