يعنى ايه العربية عايزه طقم شنبر؟؟

**hossam_elwani** · 24-11-2009 05:07 PM

يعنى ايه العربية عايزه طقم شنبر؟؟ وياريت شرح بالصور

سؤال ومنتظر اجابته للافادة........

**SAMEH_FOUAD** · 24-11-2009 09:24 PM

يعنى العربية بدأ الشنبر بتاعها يتاكل ومابقاش محكم ,فبالتالى بيبدأ ينقص من عمر المكنة ,وتبدأ تاكل زيت ,بشكل ملحوظ,ودخنة من الشكمان بلون مائل للازرق,وحرارة مرتفعة ,وكبس ضعيف ,بس هاتلاقيها سحبها حلو بس مافيش سرعة قصوى يعنى هاتقل السرعة القصوى لان العزم هايروح عند السرعات العالية

**hossam_elwani** · 25-11-2009 12:18 AM

لا انا عندى العربية تمام والحمد لله ولكن السؤال للمعرفة مش اكتر

بس عندى سؤال تانى هو صوت التكة الى بتبقى باينة والعربية بارده فى اول اليوم وهيا على السلانسية واحيانا بتبان اكتر على السرعات البطيئة دى ايه بالضبط؟؟؟

**SAMEH_FOUAD** · 25-11-2009 01:58 AM

كدة ياباشا هاتظبط تاكيهات مارحش يبقى كدة العربية ممكن يكون عمود التاكيهات فية حاجة او عندك صمام معوج

**hossam_elwani** · 25-11-2009 05:29 PM

مع احترامى لكل الاراء ولكن انا عايز رأى باشمهندس سمير عياد

فى حكاية صوت التكتكه الى بتبقى فى العربية وهيا بارده واحيانا فى السلانسية صوت تك تك تك خفيف اكيد الى عنده خبره يعرف القصة دى...

**gears** · 25-11-2009 08:50 PM

اظبط تاكيهات والدنيا تبقى تمام إن شاء الله.

**zocor742** · 26-11-2009 05:06 AM

صوت التكتكة دة بيكون من التكيهات
وفى نوعين من التكيهات النوع العادى ودة بيحتاج ان الميكانيكى يفتح التكيهات او يقفلها شوية وغالبا بيكون مرة فى الصيف ومرة فى الشتا
والنوع التانى الهيدروليكى ودة الظبط فية اتوماتيك بتظبت نفسها وملهاش ظبت يدوى وعند حدوث صوت التكة بيكون غالبا من بلوف التكيهات فى بلف محتاج يتغير وهو اللى عامل الصوت دة (عن تجربة شخصية )

**ayman_kamal** · 06-12-2009 10:31 AM

المشاركة الأصلية كتبت بواسطة zocor742

صوت التكتكة دة بيكون من التكيهات
وفى نوعين من التكيهات النوع العادى ودة بيحتاج ان الميكانيكى يفتح التكيهات او يقفلها شوية وغالبا بيكون مرة فى الصيف ومرة فى الشتا
والنوع التانى الهيدروليكى ودة الظبط فية اتوماتيك بتظبت نفسها وملهاش ظبت يدوى وعند حدوث صوت التكة بيكون غالبا من بلوف التكيهات فى بلف محتاج يتغير وهو اللى عامل الصوت دة (عن تجربة شخصية )

ده كلام سليم

التكتكه في الصبح ناتجة من فتح خلوص التاكيهات اكثر من اللزوم فينتج عنه العربية تقوم في الدوارة بسرعة الصبح و تجمع سرعة اسرع في الجري و استهلاك وقود اعلي قليلا و حرارة الموتور اعلى قليلا و صوت طرق الصبابات المسموع بوضوح
ارجو فحص حالة اليايات الصغيرة المثبتة لشاكوش التاكيه و فحص خلوص كل تاكيه في المحرك"ضبط خلوص التاكيه في الصيف يختلف عن الضبط في الشتاء"

بس في سيارات هي بتظبط التكيهات اتوماتيك و ديه سعاتها لازم طقم بلوف و كمان حسب الميكانيكي يحيفتح وش الموتور او ليها طريقة محترفة في الوصول اليها بدون فتح وش الموتور