بخصوص مقاطعه المنتجات السويسريه

**M.Mosaad** · 03-12-2009 03:56 PM

الحيوانات المفترسه بتاكل الغزلان علشان الغزلان ضعيفه
نلوم مين الحيوانات المفترسه علشان قويه و لا الغزلان علشان ضعيفه
قال رسول الله صلي الله عليه و سلم فيما معناه (( لاني مش متاكد من النص ))
((( توشك ان تتداعي عليكم الامم كما تتداعي الاكله علي قصعتها ....)))
صدق رسول الله صلي الله عليه و سلم
لو احنا اقوياء زي ايام الرسول صلي الله عليه و سلم او ايام الخلفاء الراشدين او حتي ايام العباسيين زي المرأة اللي صرخت وامعتصماااااااة بعتلها جيش مش شجب و ندد و استنكر
لكن دلوقتي المطلوب مننا نقاطع كل دول العالم --- امريكا - سويسرا - هولندا - الدنمارك - ايطاليا - الجزائر ...... احنا ضعفاء ليه عايزيين حد يرحمنا بس ادينا بنعمل اللي علينا و هنقاطع علي قد مانقدر بس هنعمل ايه في الدوا مثلا
حسبي الله و نعم الوكيل في اللي كان السبب اللي هو الحكام و كمان احنا علشان السلبيه
دة كان ردي في الموضوع السابق و ربنا يعيينا علي المقاطعه

**ahmedkoko** · 04-12-2009 01:33 AM

المشاركة الأصلية كتبت بواسطة mtak

عندك حق يا اسلام
بصراحه اول ما شوفت الرد
حسيت بمنظر واحد معاه شومه و لابس جلباب صعيدى
و شارب كثيف
و بيقول الكلام ده
"مع كامل احترامى لصاحب الرد" و لكن
الموضوع اسمه بخصوص مقاطعه المنتجات..
اى انك تتكلم "اى تتناقش" عن مقاطعه المنتجات
و تهدف من وراء الموضوع الى اقناع الناس بمقاطعة المنتجات
جميل جدا
و لذا يجب ان يكون هناك مجال للنقاش
و الا كنت تعمل الموضوع باسم
اللى معايا فى مقاطعة المنتجات يدخلوا
و لا تنسى
الايات الكريمة "فيم معناها"
"و لو كنت فظا غليظ القلب لانفضوا من حولك"
---------------
ملحوظه
للأمانه انا قرأت الاقتباس بتاع اسلام و رديت بناء عليه
و لكنى مش عارف اطلع الجمله دى من الحوار
و ان كان هذا لا ينفى انى غير موافق عليها

يا باشا هو أنا لو ماسك شومه كنت قولت لو مش عايز تقاطع متقاطعش. هههه.
الفكره ان إحنا نحاول نعمل حاجه ايجابيه لان دي مش نهايه المطاف حسب كلام نواب حزب الشعب السويسري و احزاب اخري و الدليل ان امبارح طلع واحد من حزب تاني و قال انهم عايزين يلغوا مقابر المسلمين و طبعا عشان شكله ميبقاش وحش قال و كمان مقابر اليهود و طبعا هما ماسكتوش اقصد اليهود بس احنا للأسف محدش من الجاليه المسلمه رد خالص عشان كده انا بحاول اني اعمل اي حاجه ايجابيه شويه و مش عاوز افضل قاعد اغلي و خلاص.
انت مش متخيل حرقة الدم اللي احنا فيها هنا واحد عمال يستفزك بكل الطرق الممكنه و ناس بتكرهك من غير سبب و احنا لا حول لنا و لا قوه و اي كلمه بتقولها بيفسروها ضدك.و عموما محدش يزعل لو كان اسلوبي غشيم شويه بس فعلا الواحد دمه محروق بجد.

المشاركة الأصلية كتبت بواسطة momoneer

اللى مش عاوز يقاطع براحته الراجل معاه حق
واللى عاوز يشرب نيدو علشان مش هيقدر يقاطع براحته
واللى عاوز ياكل جبنة سويسرى علشان مش بيطيق يشم الجبنة الفرنساوى براحته
ahmadkoko راجل محترم وكاتب كلام مهم
نسيب المضمون ونمسك فى الاسلوب؟؟؟؟؟؟
عموما المقاطعة سلاح لا يمكن الاستخفاف بيه
وانا عن نفسى معاك يا احمد مقاااااااااااااااطع

لو اطفالنا بس بطلنا نديهم سيريلاك شركة نستله هتقفل وفيه منتج اسبانى بديل ليه اسمه هيرو

يا باشا الف شكر علي الرد المشجع بتاعك. و هو الهدف بس انهم يحسوا ان إيذاءهم للمسلمين بيكون له عواقب في العالم مش بننضرب بس و نسكت و خلاص.

**sarah5** · 04-12-2009 04:31 AM

يا باشا الف شكر علي الرد المشجع بتاعك. و هو الهدف بس انهم يحسوا ان إيذاءهم للمسلمين بيكون له عواقب في العالم مش بننضرب بس و نسكت و خلاص.

هو كلام حضرتك سليم جدا وفعلا لازم نكون لينا موقف يعني انا شخصيا مش هجيب المنتجات اللي حضرتك قولت انها سويسرية
بس الموقف ده مع نفسنا احنا كمسلمين لكن انا لا اعتقد بصراحة ان المجموعة اللي هتقاطع مهما كان عددها هتأثر علي اقتصادهم او حتي هتفرق معاهم
واللي يبقي عنده التعصب الديني ده والتفرقة دي يبقي اكيد عمره مهيتأثر بأي موقف
واكرر تاني شكرا علي دعوتك وانا شخصيا استفادت اني عرفت ايه المنتجات السويسرية

**ahmedkoko** · 04-12-2009 05:50 AM

المشاركة الأصلية كتبت بواسطة sarah5

هو كلام حضرتك سليم جدا وفعلا لازم نكون لينا موقف يعني انا شخصيا مش هجيب المنتجات اللي حضرتك قولت انها سويسرية
بس الموقف ده مع نفسنا احنا كمسلمين لكن انا لا اعتقد بصراحة ان المجموعة اللي هتقاطع مهما كان عددها هتأثر علي اقتصادهم او حتي هتفرق معاهم
واللي يبقي عنده التعصب الديني ده والتفرقة دي يبقي اكيد عمره مهيتأثر بأي موقف
واكرر تاني شكرا علي دعوتك وانا شخصيا استفادت اني عرفت ايه المنتجات السويسرية

طبعا أنا متشكر جدا علي موقف حضرتك الايجابي جدا.هو بالنسبه للمقاطعه هي مش للتأثير علي اقتصادهم اوي أد ماهي نوع من انواع التعبير عن الاعتراض علي حاجه غلط حصلت او بتحصل. كمان هما عندهم هاجس هنا و خايفين من المقاطعه و دي حاجه قالوها اكتر من مره هنا و اهو علي الاقل نبقي عملنا حاجه.

**mohamedbook** · 04-12-2009 06:43 AM

ان شاء الله هقاطع سواء بمزاجي او رغم انفي
بمزاجي في الي هقدر اشتريه
ورغم انفي في الحجات المولعة بتاعتهم الي اغلب الشعب المصري ميقدرش يشتريها
والله المستعان
بس ياريت تقول انواع الجبن ايه بتاعتهم

**momoneer** · 04-12-2009 03:46 PM

نيدو
نيسكافيه
سيريلاك
دى ابسط حاجات

**A_H_M_A_D** · 04-12-2009 05:13 PM

أنا هقاطع الساعات الرولكس

**hash_mafia** · 04-12-2009 05:23 PM

يا سلام بس لو كل (الأثرياء المسلمين) يسحبوا فلوسهم اللي في بنوك سويسرا ويرجعوها هنا في بلادنا- أو أي بلد تاني لو كانت متهربه يعني- أهي دي ضربة تخليهم يبنوا مئاذن علي حساب الحكومة السويسرية