الموضوع: للأسف... احذروا من النيوسيراتو...!!!!

المشاركة الأصلية كتبت بواسطة tito2020

قدر الله وما شاء فعل
الف سلامه على صحتك

الله يسلمك... شكرا على ذوقك

المشاركة الأصلية كتبت بواسطة احمدعبدالعزيز

الحمد لله علي سلامة حضرتك وقدر الله وما شاء فعل.

الله يسلمك... الحمد لله على كل شئ... شكراا ليك

المشاركة الأصلية كتبت بواسطة شريف شعبان السيد

الحمد لله الذى عفاك وكفاك شرها

الحمد لله... شكراا على كلامك الجميل

المشاركة الأصلية كتبت بواسطة fouad_programer

الحمد لله علي سلامة حضرتك وقدر الله وما شاء فعل.
بس ما ضاع حق ورائه مطالب يا باشمهندس .... ولا تسيب حقك فى التأمين ولايدوك بمزاجهم أنا أشتكيت مصر للتأمين قبل كده وخدت حقى الحمد لله ,اشتكيت منصور قبل كده وبرضه خدت حقى الحمد لله ومدير صيانة منصور نفسه أتصل بيا أعتذرلى وقابلى مش عشان هم محترمين لا عشان انا عملتلهم ملف من الأخر لشيفروليه أريبيا وبعت منه نسخة لشيفروليه أمريكا. المهم اوعى تسيب حقك للأنك لو سيبت حقك يبقى أتساهلت فى حقوق غيرك كمان... وربنا يعينك ولو لسه معملتش الملف أنا ممكن أساعدك فيه بس بالله عليك متسيب حقك وكون أيجابى

الله يسلمك يا باشا... الحمد لله

شوف يا باشا... انا سويت الأمور مع التأمين خلاص كما ذكرت بالتفصيل في مشاركه فاتت في الموضوع هنا... مسبتش حقي, و على فكره, حاولوا يعملوا معايا حركه (نص كم), بعد ما سلمتهم العربيه, اتصلوا بوالدي( هو اللي متابع) و قالوله ان العربيه ناقصه الولاعه و الطفايه(بتاعة السجاير).......... و مش عارف ايه... (طبعا استهبال واااضح) عايزين يخصموا فلوس من الشيك بأي شكل, راح والدي رايحلهم و مهزقهم و مزعق في الشركه نفسها (على الطريق قبل كارفور) و لما عمل كده قالوله خلاص و احنا اسفين جداا و الشيك هيطلع زي ما هو... (لازم تعلي صوتك و تهزق علشان تاخد حقك) و لو اي حد ماعملش كده والله اي حد هيتاكل و هيتسرق...

بالنسبه للتوكيل و كيا موتورز بشكل عام... سألت ناس كتيييير جداا في مجالات مختلفه, و اكتشفت ان التوكيل مش هيتدان خالص, لأن الحادث من البدايه سببه نقره في الأرض (المقص اتكسر و العربيه بعدها عومت جامد و بعدين اتقلبت), اذن الموضوع كله هيكون قضيه هتترفع على الدوله, و السبب عدم صلاحية الطرق و انها بتتسبب في اضرار و حوادث قد تصل الى (الـمـــوت).

مش عارف, بس لو فيه حاجه ممكن تتعمل, قولي عليها...

شكراا على ذوقك و احترامك و اهتمامك بالموضوع...

المشاركة الأصلية كتبت بواسطة romeo_6887

1000 حمد لله علي سلامتك
بس عربيتك دي فيها عيب تصنيع واضح
و لكن مش موجود في كل العربيات
انا سوقت السيراتو ال sx
بصراحه ممتازه
لا فيها حدفه شمال و لا يمين
اي نعم العفشه ناشفه حبتين
عشان الجنط ال 17 و هي
اخرها جنط 15 عشان العفشه
تبقي كويسه و ده رأيي المتواضع
و 1000 حمد لله علي سلامتك
مره تانيه و ربنا يستر طريقنا

الله يسلمك... شكرااا

أولا: ممكن جداا يكون عربيتي كان فيها عيب صناعه, بس مش انا لوحدي اللي كان عندي حدفه شمال, ده ناس كتييير غيري و منهم ناس معانا في المنتدى.

ثانيا: السبب الرئيسي في نشوفية العفشه عموما في السيراتو بكل فئاتها هو...
1- طول المساعد (مساعد قصير)
2- نظام التعليق الخلفي (تورشن بيم)
3- الجنط الـ17" (في موديل sx فقط)

شكراا على اهتمامك و ذوقك...