الموضوع: للأسف... احذروا من النيوسيراتو...!!!!

الف سلامة والحمد لله انك بخير
بس اقولك كان معايا تويوتا 95 في الشروق وماشي 180 ومافيش حد خالص وجيت افادي نقرة في الارض الا والعربية عامت وفقدت السيطرة عليها وبقت تخبط الرصيف اليمين ثم الشمال وبعدين بعد حوال50 م طلعت الرصيف .
بس موضوع الحدفة شمال زي الاوبترا يبقى علبة دركسيون غالبا وده ممكن يسبب الحادث.

المشاركة الأصلية كتبت بواسطة ahmad5997

الف الف الف مليون سلامة علي حضرتك وقدر الله وما شاء فعل



ملحوظة
مش عارف حد اخد باله منها ولا لا
ان الهجوم الشرس بالطريقة اللي مش متعودين عليها في بيتنا التاني نايل موتورز بتبقي دايما من عضو جديد . ليه ؟
ومش قصدي طبعا ان كل عضو جديد
بس بجد لاحظت ان اللي بيتكلمو بعصبية وبطريقة مش حلوة دايما بيبقي عضو جديد ياتري هو جديد من امتي ودخل نايل موتورز من امتي وشارك في كام موضوع غير السيراتو والحديث عنها وعن مشكلتها
اسف بس انا حاسيس ان فيه حاجة غلط
يعني مثلا يكون واحد وعامل 10 user name وكلهم جداد طبعا عشان واحد يكتب تعليق و9 يؤيدوا التعليق ده . الله اعلي واعلم
طبعا انا متوقع كمية الهجوم الشرس اللي هقابلها وطبعا هيبقي كله من الجديد بس

ياريت لو الادارة تقدر تراقب الموضوع ده
واسف علي الاطالة وتقبلوا مروري

انا برده ملاحظ الحكاية ده
وخصوصا ان الهجوم بتاعهم بيبقي زايد عن الحد

انا حابب اقول كلمه حق الله و رسوله اعلم بما اقول....
العربيه لا هيSuper car بالطريقه التي يوصفها بعض الناس و احياناً الملاك يبالغ في الوصف ( انا والله جربت العربيه فقط عشان كميه الكلام اللي سمعته )....
ولا هي بالسيئه اطلاقاً بالعكس فهي سياره محترمه جداً و توكيلها جيد و شيك جداً بالنسبه لفئتها (مع تحفظي اولاً على السعر و اثانياً بعادها الصعبه في القياده خصوصاَ داخل المدينه)....
اولاً و اخيراً هي قضاء و قدر و بجد يا باشمهندس غازي ربنا يعينك على ما ابتليت فيه و تقوم بالف سلامه و ربنا يعوضك خير عنها....

احلى حاجة يا باشمهندس غالى انك غيرت صورة التوقيع و خلتها عربية المانى وفاكس بقة اى عربية تانى:b4_237:





(الكلام السابق ذكره لا يقصد به اهانة اى شخص من ملاك السيارات التانية ولاكن هى وجهة نظر شخصية ان الالمانى لا يعلى عليه)

الف حمدالله على سلامتك اولا و اخيرا و قدر ولطف . ان شاء الله ربنا يشفيك بألف سلامه و يعوضعك عنها
بالنسبه اولا لأصاباتك ارجو ان لا ينسى طبيبك : العلاج الطبيعى و ذلك للمحافظه على المدى الحركى للمفاصل و تجنب ضمور العضلات الناتج من عدم الحركه
اخوك د . امير حجازى - استشارى العلاج الطبيعى
مستشفى مصر للطيران ت 26963967 صباحا
مساء من 8-10 (22908397)
برجاء شديد :1- احذروا السرعه ( السواقه مالهاش كبير )
2- .و كلمه اخيره ياجماعه كلكم عارفين طبعا ان مستوى السيارات التى تصل الى مصر ليست بنفس قوة مستوى السيارات المصنعه للخليج مثلا

3-الأسفلت المضروب الذى يغطى جميع شوارعنا مما يؤدى الى تقليل عامل التماسك بين الاطار و الشارع و بالتالى سهوله (تعويم ) السياره
4- انتشار قطع الغيار المضروبه و المقلده بشده مما يصعب حتى على الخبير اكتشافها و خصوصا تيل الفرامل و العفشه

تجربه بسيطه حدثت لى منذ شهر و انا فى طريقى للمستشفى فى طريق المطار حيث مر من على شمالى سياره 128 بطريقه عاديه خالص لكن بعد 50 متر العربيه عامت منه و اصطدم بالرصيف و و اذا به ينقلب 2 و الثالثه فوق الكبوت بتاعى ( لانسر 2007 خليجى سبورت)حيث كنت قادما من الخلف ضربت فرامل و تجهت الى الرصيف الايمن لكى ابتعد عنه الى ان اصطدمت بالرصيف الايمن و تهبط على ال 128 و يخرج قائدها بكسر فى الذراع الى مستشفى هليوبوليس و طبعا لان كان فيه تشريفه لقيت لواء جاء فى دقيقه و قاللى لازم تشيل السيارتين حالا لان ونش المرور مشغول :pointi~2[2]: و ادفع انا اللى ماليش اى ذنب 300 جنيه نظير نقل السيارتين لان الريس هايعدى بالاضافه الى مصاريف اصلاح سيارتى الت وصلت الى 7950 جنيه
و بالصدفه علمت ان لى جلسه بالمحكمه يوم 6-1-2010
ولابد من وجود محامى لأنها قضيه اصابه خطأ........
لكن الحمد لله معى شاهد للحادثه ( ارجو ان يحضر كما وعدنى )