الحمد لله على سلامتك ,, وقدر الله وماشاء فعل ..
وربنا يتمم شفائك ان شاء الله على خير
يا جماعه بلاش اختلافات على موضوع ان الكوري واليباني و .. و
الراجل ربنا يحفظه حصلت معاه حدثه وعايز ينصح عشان في ناس عندها نفس المشكله اللي كان بيشكو منها .
يعني نبدا نفكر في الناس اللي معاها العربيه دي وعندها نفس المشكله نحل الموضوع ده ازاي ؟؟ عشان مايحصلش حوادث تانيه بنفس السبب ,ويكون الراجل نبهنا,, يعني الغلط فينا بسبب تجاهلنا للموضوع الاصلي ومسكنا في ان مين احسن .
الكوري هيظل موجود وهيفضل ناس تشتريه ,بس المهم هنا في المنتدى اننا نحل الموضوع ده ونوصل لحقيقه لو فعلا في مشكله في العفشه عشان الناس اللي معاها العربيه تحلها مع التوكيل وننبه الناس الجديده اللي لسه هتشتري او العكس لو هيا حاله فرديه يبقى احنا برضو اكدنا ان الموضوع ده مش في كل العربيات ونبقى خدمنا الناس.
معلش انا طولت عليكم ..
وسلامات مره تاني يا باشمهندس وربنا يعوضك خير
المفضلات