للأسف... احذروا من النيوسيراتو...!!!!

**samcar** · 05-12-2009 02:51 AM

المشاركة الأصلية كتبت بواسطة tarekabosdera

مفيش داعي ان بعض الاخوة يستغلوا فرصة زي ده للتقليل من شأن السيارات الكورية بشكل عام وباندفاع عاطفي ليس فيه أدنى شيء من الصحة يطلعوا اللي كان نفسهم يقولوا من زمان .

لو الاخ abo ruki بيقول ان كيا ملهاش في صناعة السيارات . طيب تقول ايه لتيوتا الشركة الاولى عالميا لما سحبت مليون عربية من امريكا بسبب الحوادث والكوارث اللي حصلت بسبب سوء التقفيل في اللكزس . يبقى برضه شركة فاشلة ومبتعرفش في الأمان !!!!؟؟؟؟

الشركه اللى تتدارج غلطها تبقى شركه محترمه- لكن الاخ اللى ربنا سترها معاه بيقول ان العيب متكرر ومعروف- تبقى دى شركه مجرمه لما تسمع عن عيب وما تحاولش تستطلع حتى راى المستخدمين- للاسف احنا فى بلد العربيات اغلى من البشر- لو كان فى وكيل محترم كان راح لصاحب العربيه وحاول يعرف ايه السبب - جايز تكون العربيه مش هى السبب- بس على الاقل يبقى عرف- مش بيع واخلع - فى نقطه خاصه بالكلام على بلد المنتج - كوريا عملاق صناعى اذا كان فى شركه زى كيا منتجها سئ مش معنى كده كل الكورى وحش- اعتقد الدايو اللى اخدت مكان ال بييجو والفيات فى الانتشار احسن دليل على كده

**x_gomgom** · 05-12-2009 03:31 AM

الف سلامه عليك و فداك مليون عربيه....
ربنا يشفيك و يعينك ....
امين يا رب

**khaledmontero** · 05-12-2009 04:15 AM

الف حمدا لله على سلامتك ..

**mido777** · 05-12-2009 04:15 AM

المهم انك بخير والحمد لله ... الف سلامة عليك ...

انا شايف ان معظم الناي بتتكلم فى موضوع كورى وصينى و ...
يا جماعة الخير الموضوع مش مسألة بلد الصنع بقدر ما هو قضاء وقدر

طب ماهو ياما عربيات مرسيدس وبر ام وفورد وغيرهم كتير وفيهم وسائل امان كتير جدا وبرضه بيعملوا حوادث وبيقى كمان فيه وفيات .....

**cheetoslegend** · 05-12-2009 04:41 AM

حمدا لله علي سلامتك

**ghazy12** · 05-12-2009 05:53 AM

انا بجد بشكر كل الناس اللي اهتمت و ربنا يخليكوا يا جماعة... بس كنت عايز اوضح كام حاجة كده..

اولا: انا مش بخوف الناس اللي هتشتري او اللي اشتروا خلاص.. و لكن... بحذر الناس من شئ موجود و مش انا بس اللي بقوله و لو ثبت صحته 100% زي ما انا جربته و شفته كده.. يبقى بلاها السيراتو يا جماعة و في كتيييير بنفس السعر و تقريبا المواصفات, و تبقى اشتريت نفسك و تبقى مطمن.. و دي مسؤليتي تجاه كل المنتدى و تجاهكوا اني اقول الحقيقة حتى لو كانت تتعارض مع تقريري الأول عن العربية بعد ما اشتريتها و ده عشان كل الناس اللي بتثق في كلامي و نزلوا حجزوا كلهم في رقبتي و لازم اكون مسؤل تجاههم... انا بعتذر بجد و مش عييب

ثانيا: انا عارف ان اي حادث في العالم بيكون نصيب و مكتوب, و ده قضاء ربنا و انا راضي و قانع جدااا بيه.. و لكن.. ربنا بيسبب الأسباب, يعني لازم نتعظ و نعرف الغلط فين.. مش نقول نصيب و نسكت.. الحمد لله على كل شئ طبعا

ثالثا: مش عايز الناس تخلط بين ان الكوري سئ و زفت و الالماني او الاوروبي او الياباني مثلا احسن, و بين ان الكوري بيخدمك و لكن في حدود معينة ( و بالبلدي على قد فلوسك للأسف) و دي سياسة زباله بتتبع و هي انه عايز يعمل مبيعات, طيب يشدك ازاااي عشان تشتري؟؟؟ سوند سيستم دوبل دن, على جنط 17 (غلط يركب على العفشة دي اصلا والله, مش مستحملاه خااالص) و سينسور بارك و موتور اقوى من العربية و البودي.... كله يقول هي دي و ده اللي حصل بس انا كنت متخيل ان الجيل الجديد محترم من حيث التصنيع و جودة المواد المصنعة.. و للأسف طلع سئ جدااا... اللي عايز اتأكد منه هي مشكلة الحدفة و العفشة في الـsx بس ولا الـex كمان؟؟؟؟

رابعا: الكوري مستحيييييل يبطلوا يصنعوه مثلا و محدش هيبطل يشتريه لأن في ناس كتيير معهاش فلوس الياباني او الاوروبي... و لكن.. اللي يشتري كوري بصفة عامة و انا بقول (بصفة عاااامة) و بعض الياباني كمان, ميعاملش العربية على انها الالماني مثلا او يستنى منها اللي ممكن يديهولك الالماني من راحة و ثبات و جودة صناعة و موتور يعمر و تقفيل محترم... و في الاخر ده قدر و مكتوب بس في حاجة اسمها الحيطة و ان الواحد يأمن نفسه و يسيب الباقي على الله, بس نختار صح عشان سلامتنا و سلامة الناس اللي معانا

خامسا: في ناس كانت بتسأل.. انا خرجت منين؟؟؟ لو بصيتوا في الصور مش هتلاقوا غير فتحة عند الازاز اللي قدام الكرسي اللي جنبي.. انا طرت من هنا و سبحان الله ده المكان الوحيد اللي اتكسر بالشكل ده من اثر خبطتي بدماغي فيه... و لو كان حد راكب جنبي صدقوني كان مااات.. العربية اتقلبت على وشها و بعدين على جنبها و نزلت على سن الرصيف بجنبها اليمين, و والله انا ما عارف ازااااي اتقلبت على وشها..!!!!!!

لولا اني بتحرك بكرسي بعجل و مقدرش امشي قبل شهريين من دلوقتي... كنت تابعت و عملت كل حاااجة و فهمت بالظبط ايه اللي حصل و التقرير في ايه.. بس للأسف والدي بيتابع على قد ما يقدر نظرا لضغط المشاريع علينا في الشركة و كمان هو مالوش في حوارات التأمين و التوكيل و المحاضر و كده.. فربنا يسهل ان شاء الله الفتره اللي جايه...

شكراا بجد على اهتمام الجميع و معلش على اني رديت رد واحد للكل بس انا بكتب بايدي الشمال بس و العربي بتاعي بطئ كمان... معلش يا جماعة و لو في حد سأل على حاجة و انا مخدتش بالي و مردتش يسألني تاني و هجاوبه ان شاء الله..

**pro_samir** · 05-12-2009 06:32 AM

لا حول ولا قوة إلا بالله

الف حمد الله على سلامتك و ربنا يتم شفائك

**dr.nemo** · 05-12-2009 06:57 AM

الف مليون سلامة يابشمهندس محمد
وفداك مليون عربية المهم انت
انا الحقيقة كده بدأت اقلق جدا
انا لسه قدامي 3شهور على الاستلام
ومش هأمن علشان الحرمانية

فكده هستنه ان لم تحل هذه المشكلة من التوكيل
خلال فترة الحجز هسحب المقدم

بس بقول نكلم المهندس خالد ونشوف التوكيل هيتدارك الامور
زي ما عمل في موضوع العزل كده
والا
فربنا يرزقنا حسن الاختيار

**ahmedhee** · 05-12-2009 07:41 AM

الف سلامة عليك. قدر الله و ما شاء فعل.
, ما تنساش تغير توقيعك.

-

الموضوع: للأسف... احذروا من النيوسيراتو...!!!!

LinkBack

أدوات الموضوع

عرض

-

-

-

-

-

المواضيع المتشابهه

الى كل من يشك فى النيوسيراتو

تسخين النيوسيراتو

النيوسيراتو ولا الشارك

كتالوج النيوسيراتو

أيه هيا عيوب النيوسيراتو

الكلمات الدلالية لهذا الموضوع

المفضلات

المفضلات

ضوابط المشاركة