الموضوع: نعم هناك حرب على السيراتو بسسب انتشارها

المشاركة الأصلية كتبت بواسطة gundal

شكرا على ذوقك في الرد .. بس امال ليه هنا في المنتدى بيقولوا متجيبوش جنط 17 بيضر العربية هات 16 أحسن .. والله انا لا بفهم فيهم ولا في أي حاجة ومش فارق معايا اركب جنط 18 ولا 16 .. بس والله ده اللي تعلمناه من المنتدى وبعدين انا بتكلم على نقطة إن ليه مثلا ال النترا متعملش كده وتزود شوية كماليات وهتلاقيها زيها زي السيراتو ؟!

هو طبعا الجنط ال 16 احسن خاصة لفئة 1600 سى سى لان العربيات دى صغيرة وعفشتها على قدها وانا ما قولتش ان ده غلط من الشركة او صح انا ما اعرفش الاساس اللى يخليهم ينزلو الجنط 17
بس انا قلت انه ممكن يكون عامل جذب للشباب خصوصا ان ليها طابع رياضى
وطبعا كونها نازلة فى امريكا و اوروبا بجنط 17 ده يخلينا مطمنين شوية لان الاسواق دى مش لعبة ده الصين مش عارفة تدخل عربية ليهم لحد دلوقتى
وبعدين لو كانت العربية مانزلتش بالجنط ده كان ناس كتير من الشباب ركبوه على حسابهم مش معايا فى النقطة دى؟
وبعدين بالنسبة للالنترا هنشوف الشكل الجديد لسة بعد ما السيراتو نزلت هيعملو ايه وبعدين فيه نقطة الشركتين كيا وهيونداى واحد يعنى المكسب داخل نفس الجيب مش متضرر من الموضوع ده غير الوكلاء بس

بالنسبة للمهندس غازى الابترا اللى كانت مركبة الجنط ال 17 ماكانش عامل حاجة فى العفشة لانى اعرفه بس الجولببت شفتها بس
وبعدين هل تعتقد ان الجنط ال17 هوالمشكلة فى العربية

المشاركة الأصلية كتبت بواسطة ghazy12

لأ يا باشا مش الجنط الـ17" بس... من وجهة نظري الشخصية و مش لازم حد ياخد بيها عشان مسمعش كلام يحرق دمي... كأني بدردش معاك

1- العفشة مش مستحملة الجنط الـ17", و لو انه مديها ثبات كويس عن الـجنط الـ16", و مع الجنط الـ16" العربية ثباتها مش اد كده على السرعات العاليه... و اسأل أصحاب العربية...

2- الخامات المستخدمة في التصنيع سواء داخل العربية (بلاستيك) او في العفشة رديئ جداا... و الكلام ده قلته اول ما جبت العربية و عملت التقرير في المنتدى هنا

3- الموتور ما شاء الله عفي جداااا, بس للأسف عفي على البودي كمان

من وجهة نظري المتواضعه جداا والله.. العربية دي محتاجة esp + تكون اوطى شوية على الأرض + منغير جنط 17" خااااالص عشان العفشه....

استحلفكم بالله بلاش ردود تحرق الدم لأن دي وجهة نظر و رأي شخصي و ربنا يبارك للي معاه العربية و يكفيه شرها و يديه خيرها...

انا اسف جدا بس انا مش قصدى احرق دمك والله انا كلامى هادى جدا ومش متعصب مش هتفرقنا عربية
طيب تفتكر ليه نزلوها اسواق اوروبا وامريكا بالجنط ده مع العلم انا ما افتكرش ان فيه فرق فى الخامات الفرق دايما بيكون فى الكماليات ثم ان الخامات الداخلية طبيعى تكون كدة ما تنساش سعر العربية كام والا ايه اللى يفرقها عن الالمانى

انا لخصت المشكلة فى الموضوع اللى انا عامله حقيقة السيراتو
يا ريت تشرفنى بقرايته

المشاركة الأصلية كتبت بواسطة dr_k

انا اسف جدا بس انا مش قصدى احرق دمك والله انا كلامى هادى جدا ومش متعصب مش هتفرقنا عربية
طيب تفتكر ليه نزلوها اسواق اوروبا وامريكا بالجنط ده مع العلم انا ما افتكرش ان فيه فرق فى الخامات الفرق دايما بيكون فى الكماليات ثم ان الخامات الداخلية طبيعى تكون كدة ما تنساش سعر العربية كام والا ايه اللى يفرقها عن الالمانى

فعلا يا باشا بس زي ما انا قلت قبل كده اللي بينزل برة مصر مواتير قوية تستحمل تجر ان شاء الله جنط 18 .. وعلى فكرة انا زي ما قال لحضرتك الأخ غازي ال acceleration
و و و .. وانا اللي سمعته وعرفته من ناس كتير ان موتور بيجر عربية وفيها جنط 17 تخيل بقى في الصيف مكيف و العفشة عادية و اجهاد ليه .. ده اللي الناس بتقوله والله .. واحنا بس في مصر بنتكلم في الموضوع ده عشان احنا الدولة الوحيدة اللي كل نوع فيها لازم ينزل 1600 سي سي .. عشان كده مرات بيقولولك عايز تركب 17 !! ركب عفشة رياضية .. عموما ربنا يسترها مع الكل أنا لا أنا خبير عربيات ولا بفتي .. ده اللي الأغلب بيتكلموا فيه في المنتدى وفي كل مكان .. والله أعلم .!

والله يا باشا في الكويت انا شفت هناك محدش بيسأل في موضوع الجنوط وبيركبوا على عربيات عادية لغاية 18 وأكبر حسب العربية .. لأن العربيات عندهم اساسا قوية فميش وقت يفكروا هتضر ولا لأ .. لأنها مش هتأثر في حاجة .. يعني أقل حاجة أقول لحضرتك

هناك ممكن تلاقي
Dodge charger
Ford Mustang (she lby) or (Saleen

بينزلوا 5.7L
يعني 5700 سي سي !!!

شوف




ياريت مصر مفيهاش جمارك .... !!!!!!!!!

المشاركة الأصلية كتبت بواسطة ghazy12

انا مقصدش حضرتك خاااالص, بالعكس انت كلامك فعلا موزون و عاقل جداا و احييك على ده..

انا شخصيا شايف ان في فرق كبير بين خط انتاج اسواق اوروبا و امريكا, و خط انتاج افريقيا (تقريبا) اللي يخص المواصفات المصري, بدليل ان العربية بتنزل بره 2000 سي سي (الموتور سيتا) و اكيد في فرق في العفشة و الوزن و نظام التعليق بشكل عام نظرا لاختلاف الموتور و سعته اللتريه, و بالتابعية التجهيزات الاساسية في العربية...

و عذرا على كلمة (حرق الدم) بس والله في ناس بتقول كلام و تهاجم اشخاص اكتر من الكلام في الموضوع نفسه, و تقبل تحياتي...

كلام سليم 100% وده اللي قلته مصر غير يا جماعة عن الكل !!

[QUOTE=ghazy12;3872172616]يا سيدي الفاضل.. مع كااامل احترامي لسعادتك انت كبرت الموضوع قوي قوي قوي (مش لدرجة حرب على العربية)... يا استاذي لو حضرتك اشترييت العربية فأنا مش مستمع و خلاص, انا اشترتها قبلك, و لو حضرتك حاسس بالعربية و امكانيتها فأنا حاسس بيها اكتر منك والله و حاسس باللي حصلي كمان و ربنا ما يورييك اللي حصلي والله و لا اي حد تاني... و لو انا عملت حادثة و خبط في حد مثلا, عمري ما هقول في مشكله, بس لما تبقى ماشي 100 و تتقلب يبقى لازم وقفة.. اصل ده مش الكاسيت و باظ مثلا... انا بحب العربيية دي جدا و لو انا عارف انها زي الفل و مش هي السبب, هشتريها تاني, ايه اللي يمنعني مثلا, و فلوسها معايا و الحمد لله.. بس انا اتأكدت انها منظر و موتور بس و انا على رجلية و قبل اي مشاكل و قررت ارضى بنصيبي (في حين ان المساعديين بعد 6000كم بيزيقوا..!!!!!) دي كمان عادي؟؟؟ مستحييييل طبعا

الناس اللي اشترت العربية في مصر و انتشار العربية بالشكل الرهيييب ده مش معناه الجوده ابداا او دليل على كده... و لازم تاخد بالك ان في ناس معاها العربية و بيشتكوا منها بس مش كل مصر اعضاء في المنتدى علشان تكتشف ده بنفسك... و في ناس تشكر في العربية و هو كل استخدامه ليها يوم و يركنها عشرة... يبقى ده مش مقياس ابدا

ممكن اسأل حضرتك سؤال و لكل الناس بس محدش واخد باله منه... اشمعنى العربية دي بالذات بتنزل بجنط 17 (215\45)؟؟؟؟؟؟ و هل العفشة تستحمل الجنط ده فعلا؟؟؟؟

طيب ليه الياباني الغالي المحترم جدااااا زي السيفيك مثلا مش بتنزل بجنط 17؟؟؟ شركة هوندا عاجزة مثلا!!!!!!! و ليه الكوري اللي زي السيراتو مش بينزل بجنط 17 بردو!!!! زي الكروز و الالنترا و ما الى ذلك...!!!!!

م

على فكرة هوندا سيفيك بتنزل هنا في الخليج مع جنوط 17 و الفرق كله في الموتور لكن العفشة هي بالظبط