نعم هناك حرب على السيراتو بسسب انتشارها

**ebn7azm** · 23-01-2010 10:21 PM

السلام عليكم ورحمة الله وبركاته
لو سمحتم لى ابداء الراى فى ذلك الخلاف على اعتبار انى من ملاك نيو سيراتو خليجى 2010 وتم السير بها 1800كم وسوف اذكر بعض النقاط
اولا : كنت املك سيارة لانسر بوما 2006 خليجى 1300 سى سى مانيوال وبصراحه هناك فارق لصالح الانسر طبعا من حيث نعومة الموتور والعزل الداخلى وصوت الموتور فانا بعد 120 كم فى السيراتو يرتفع صوت الموتور بطريقه مزعجه فى حين انى كنت اتجاوز 140 احيانا فى الانسر ولا اسمع لها صوت ولا اشعر بصوت الهواء يخترق السيارة من الداخل
ثانيا : كنت على وشك شراء لانسر 2010 بوما تربترونيك ولكن شاء الله ان تكون السيراتو نصيبى وهى بالفعل سيارة ذات كماليات مبهرة ولها شكل فخم ولم اكن اتوقع ان يكون لموتورها مثل ذلك الصوت خاصه وانى قبل قيادة اللانسر 2006 كنت املك كيا برايد سيدان 1300 موديل 98 ولم يكن لها ذلك الصوت المزعج للموتور
ثالثا : المشاكل المثارة حول السيارة من حدفة شمال وسخونه الكونسول جميعها غير موجوده لدى والحمد لله
رابعا : اما بشأن الجنط 17 فانا لا اشعر انه يسبب مشكله وذلك من وجهة نظرى لان صوت خبط الجنط هو ذات الصوت الذى كان فى اللانسر الخليجى
خامسا : انا ارى ان القيادة العاديه وبسرعات معقوله لن تجعل الجنط 17 مشكله ويضر العفشه
سادسا : بالفعل المواصفات التى تنزل الى مصر تختلف عن الاوربى والخليجى من حيث الكماليات ولكنى اعتقد ان السيارات التى قوة موتورها 1600 تكون بذات الاساسيات ولا اختلاف فيها مثل ميكانيكا السيارة وعفشتها وربما يكون الاختلاف فى الكماليات والخامات التى تصنع منها الكماليات والسيارة من الداخل لانه من وجهة نظرى ليس من المتصور ان تصنع الشركة الام سيارة 1600 بعفشة لمصر واخرى للخليج واخرى لافريقيا لذا فالسيارة كهيكل واحده اذا اتفقت فى سعة الموتور
سابعا :ما تم سرده راى شخصى يحتمل الصواب والخطأ .
وشكرا لسعة صدركم
والسلام عليكم ورحمة الله وبركاته

**ebn7azm** · 23-01-2010 10:24 PM

احب ان اضيف ان الثبات فى السيراتو اكثر من الانسر 2006 وربما يرجع ذلك الى الجنط 17 وكنت اشعر بذلك الثبات مع الفرامل وربما يرجع الى ان السيراتو بها Abs وهو مالم يكن متوفر فى الانسر 2006 1300 سى سى

**د.محمود صلاح** · 23-01-2010 11:07 PM

السيراتو مثار جدل لن ينتهى , وواخدة دعاية جامدة بسبب كلام الناس ده

**romeo_6887** · 24-01-2010 02:57 AM

و السيراتو ماشيه بشوف الناس قاعده تبحلق كأنها عربيه جايه من الفضاء
مش عارف ليه كده ؟ يا رب احفظنا من حقد الحاسدين
و انا لا معايا سيراتو و لا حتي النترا معايا لانوس

**Egyzizo** · 24-01-2010 03:34 AM

المشاركة الأصلية كتبت بواسطة romeo_6887

و السيراتو ماشيه بشوف الناس قاعده تبحلق كأنها عربيه جايه من الفضاء
مش عارف ليه كده ؟ يا رب احفظنا من حقد الحاسدين
و انا لا معايا سيراتو و لا حتي النترا معايا لانوس

كانت نفس نظرتى للإسبرانزا 516 أول ما نزلت ..

**م. عمرو شرف** · 25-01-2010 11:23 PM

أنا معايا نيو سيراتو 10000 كم
صوت الموتور بقى عالى فجأه وكمان السحب بقى ضعيف بمعنى أن لازم أعمل كيك داون علشان تسحب على أى سرعه من 20 - 80 كم
لو حد يعرف السبب أرجو يبلغنى
لكم جميعا تحياتى

**sakrashraf** · 26-01-2010 05:11 AM

عملت صيانه ال 10000 ولا لسه . شيك على الزيت
وان شاء الله تكون حاجه بسيطه

**ahmedyehia515** · 26-01-2010 06:25 AM

من حوالى سنتين، واحد يابانى شغال فى تويوتا جه إدانا محاضرة فى بعد الحاجات الميكانيكية و التسويق بتاع العربية و قال حاجة انا حاكتبها زى ما هى
"For every low price item that is also produced by another famous company but with much higher price, there is always a catch"

بكل بساطة، الراجل بيقول انو لكل منتج بينزل بسعر قليل فى حين فى شركة مشهورة تانية بتنتجه بسعر أعلى لازم يكون فى "إن" فى الموضوع. المثال اللى هو ضربه كان على التويوتا كورولا و علاقتها بالأوكتافيا و الجيتا و ان أصلاً الكورولا نزلت عشان تنافس العربيتين دول بس بسعر أرخص بكتير طب فيين الإن فى الموضوع، معظم فرق السعر VW بتصرفه على تصميم الإيروديناميك بتاع العربية و ده حاجة أساسية فى استهلاك البنزين خاصة على السرعات العالية. الراجد ده قال الكورولا نزلت موجه للشرق الأوسط بوجه عام و استهلاك البنزين حاجة ملهاش أهمية كبيرة عندنا، مش زى أوروبا، طبعاً كان فى 4-5 أسباب لفرق السعر بس موضوع الإيروديناميك هو اللى لزق فى دماغى.

أنا مركبتش السيراتو و مش فى نيتى أشتريها عشان أنا مؤمن بحاجة انو ازاى عربيتين نفس الموديل و بإمكانيات قريبة من بعض يكون فى فرق شاسع أوى فى السعر و هنا انا بقارن السيراتو بالجيتا. أصل الموضوع مش كيميا، العربية شاسيه و موتور و فرش و كماليات و امان. عشان يقللوا السعر لازم يخترعوا حاجة جديدة تكون أرخص، أنا مسمعتش ان كيا اخترعت حاجة جديدة فى الموضوع ده، يبقوا هما ضحوا بحاجة على أساس انها مش مهمة أوى و ده سبب رخص العربية. يعنى لو شال 0.000001 مم من الصاج, تمن العربية حينزل جامد و العربية ده انا بركبها مه أهلى و أصحابى فمهما كان اللى هوا شاله، أنا أفضل أنى أجيب الحاجة المضمونة اللى تحافظ عليا حتو لو دفعت فيها أكتر بكتيير

**Atrees** · 26-01-2010 01:42 PM

رغم كل الجدل عن السيارة وكل الاتهامات الموجه ليها ما زالت كسيا سيراتو تواصل مبيعاتها بشراسة في مصر و في كل انحاء العالم

اصل السيراتو حطت عربيات كتير قوي علي الرف - بصو كدة شوفوا المعارض - حتلاقوا كلامي صح

ناس حتقولك دا واحد داخل يدافع وخلاص - ماشي شكرا للجميع - هيا اكيد مش بورش ولا بي ام دبليو دي سيراتو كوري - ولما الكوري يعمل عربية تناطح نفس الفئة مع الالماني والياباني يبقي يشكر

اكيد فرق السعر دة علي حساب حاجة في العربية بس مش لازم نقول انة علي حساب الامان - يعني كيا مش عبيطة عشان تنزل موديل يبوظ سمعتها بعد كدة وتبقي باعت 2010 وبعد كدة تقفل بسبب السمعة

علي عيني وراسي كل المهندسين اللي عندنا بس الناس اللي صمموا العربية بردا ادري مننا بشغلهم وبردا احنا قدامنا كتير قوي عشان ننتقد ونعدل عليهم ونفتي ونقول دي عربية تعبانة ومقص بلاستيك وحجات من دي

مع احترامي لكل الاراء - دة رايي

معلش كل نجاح لية اعداء - واخيرا العربية برضوا بتبيع وملفتة للنظر جدا وناس كتيييييييييير راكباها ومشتكتش - يعني مش معقولة 10 او 15 واحد والا حتي 100 هما اللي كلامهم حيحكم علي العربية سواء بالجيد او بالسيئ

اخيرا انا سمعت ان الوكيل طلب تغير اسم العربية في مصر الي كيداهم سيراتو

اللي عايز يشتم يشتم واللي يتريق عليا يقول اللي عايزة واهو كللوا في ميزان حسناتي