نعم هناك حرب على السيراتو بسسب انتشارها

**mastr_n** · 05-12-2009 08:15 PM

يا جماعة خلى بالكو فى حرب على العربية من حيث الشكل والمضمون ودة اكيد لان العربية بجد نالت اعجاب الجميع وابتدت تاخد نصيب الاسد فى السوق المصرية
واكيد اصحاب المصالح الشخصية ابتدوا يتحدثون عن عيوب صناعة وحاجات تانية كتير
لكن للامانة العربية عن تجربة وتجربة ناس كتير زى الفل ونفسى اسمع اية ردكم على الكلام دة اكيد العربية فيها عيوب ومفيش عربية كاملة بس للامانة الى عايز يشترى يتوكل على اللة وينفذ وبجد مش هايندم
برجاء الادلاء بمقتراحتكم للوقوف ضد هذة الحرب

**CryptonX** · 05-12-2009 08:26 PM

الموضوع ده بقى ممل اوي ..

هي مصر كدة .. عربية تنزل 1600 سي سي شكلها حلو تمنها معقول .. مش ياباني و مش الماني

نصف الشعب المصري بيتقسم نصفين .. بين مؤيد و معجب و احسن سيارة في العالم .. و بين سيارة بنت ستين في سبعين و لاتسوى !

والي عجباه طبعا علشان لسة دافع فيها دمه قلبه بصرف النظر عن جودة السيارة ولا لآ .. ( انا بتكلم عامة ) و بالتالي بيدافع باستماتة كانها عضو من اعضاء جسمه !

و الي جانب الاخر .. يا اما معاه سيارة مماثلة في السعر و حاسس انه اتضحك عليه فبيتدي يهاجم و خلاص .. يا اما معاه سيارة اوروبية و مستقل اوي ازاي سيارة مجولة زي دي تعمل ضجة و فيها نفس كماليات و محرك سيارته بس بنصف تمنها يبتدي يقولك دي صناعة تحت السلم و دي لو كلكتس بيها حتتقلب !

و في الاخر 5% بس من الي بيقيموا من الي عاجبهم و مش عاجبهم هما فعلا الي جربوها و حكموا عليها سواء بالسلب او بالايجابية .

فمتضيعش و قتك و مجهودك .. معحب بسيارتك احمد ربنا عليها .. من غير ماتفرض رايك علي اي حد لان ده حيشجع الناس للهجوم عليك مش اكتر ( مش حضرتك شحصيا انا بتكلم عامة ).

والي مش عاجباه ببساطة متشترهاش و متابعش مواضيعها ! او هي سيئة اوي كدة .. يبقى كلها كام شهر او سنة و حتبان و تختفي ! ( ده لو هي كدة ) و خليلك انت السنيورة الاوروبية او اليابانية ياعم !

خلصونا بقا !

**mastr_n** · 05-12-2009 08:58 PM

شكل حضرتك مافهمتنيش وبعدين اية خلصونا دية ياريت نتكلم باسلوب احسن من كدة شوية
احنا هنا فى منتدى كيا ولينا الحق المشروع اننا نتكلم فى كل كبيرة وصغيرة عن منتج كيا انا مجيتش حطيت الموضوع دة فى اى قسم اخر وبعدين اعتقد ان الموضوع يخص الى عندهم العربية بس مش اى حد تانى ودة لهدف معين وبعدين مش حضرتك الى تحكم ان الناس تهاجمنى ولا لاء
انا هنا مش بفرض راى على حد انا بقول راى وبكل امانة وموضوعية
وياريت اخيرا اسلوب الكلام يكون احسن من كدة

دة لو انت عندك سيارة من سيارات كيا اما لو انت داخل تتسلى يبقى موضوع تانى
سلااااااااااااااااااااااا اااااااااااااااااااام:b4_388:

**m_s_h_a** · 05-12-2009 09:07 PM

المشاركة الأصلية كتبت بواسطة mastr_n

شكل حضرتك مافهمتنيش وبعدين اية خلصونا دية ياريت نتكلم باسلوب احسن من كدة شوية
احنا هنا فى منتدى كيا ولينا الحق المشروع اننا نتكلم فى كل كبيرة وصغيرة عن منتج كيا انا مجيتش حطيت الموضوع دة فى اى قسم اخر وبعدين اعتقد ان الموضوع يخص الى عندهم العربية بس مش اى حد تانى ودة لهدف معين وبعدين مش حضرتك الى تحكم ان الناس تهاجمنى ولا لاء
انا هنا مش بفرض راى على حد انا بقول راى وبكل امانة وموضوعية
وياريت اخيرا اسلوب الكلام يكون احسن من كدة

دة لو انت عندك سيارة من سيارات كيا اما لو انت داخل تتسلى يبقى موضوع تانى
سلااااااااااااااااااااااا اااااااااااااااااااام:b4_388:

مش للدرجه دى يا جماعه نهدى شويه كلنا ونستمتع بعربياتنا ونساعد بعض بحل اى مشكله دى غرض المنتدى وهدى نفسك ياعم وعموما عايز تفك ؟؟
عربيتك لونها ايه انا معايا ميتال برونز انا كنت عايز فضى وملقيتش وعادى مزعلتش
اما موضوع الحرب هى عربيه جديده فشده الانتباه والاهتمام مابين مؤيد ومعارض

**ghazy12** · 05-12-2009 09:13 PM

يا سيدي الفاضل.. مع كااامل احترامي لسعادتك انت كبرت الموضوع قوي قوي قوي (مش لدرجة حرب على العربية)... يا استاذي لو حضرتك اشترييت العربية فأنا مش مستمع و خلاص, انا اشترتها قبلك, و لو حضرتك حاسس بالعربية و امكانيتها فأنا حاسس بيها اكتر منك والله و حاسس باللي حصلي كمان و ربنا ما يورييك اللي حصلي والله و لا اي حد تاني... و لو انا عملت حادثة و خبط في حد مثلا, عمري ما هقول في مشكله, بس لما تبقى ماشي 100 و تتقلب يبقى لازم وقفة.. اصل ده مش الكاسيت و باظ مثلا... انا بحب العربيية دي جدا و لو انا عارف انها زي الفل و مش هي السبب, هشتريها تاني, ايه اللي يمنعني مثلا, و فلوسها معايا و الحمد لله.. بس انا اتأكدت انها منظر و موتور بس و انا على رجلية و قبل اي مشاكل و قررت ارضى بنصيبي (في حين ان المساعديين بعد 6000كم بيزيقوا..!!!!!) دي كمان عادي؟؟؟ مستحييييل طبعا

الناس اللي اشترت العربية في مصر و انتشار العربية بالشكل الرهيييب ده مش معناه الجوده ابداا او دليل على كده... و لازم تاخد بالك ان في ناس معاها العربية و بيشتكوا منها بس مش كل مصر اعضاء في المنتدى علشان تكتشف ده بنفسك... و في ناس تشكر في العربية و هو كل استخدامه ليها يوم و يركنها عشرة... يبقى ده مش مقياس ابدا

ممكن اسأل حضرتك سؤال و لكل الناس بس محدش واخد باله منه... اشمعنى العربية دي بالذات بتنزل بجنط 17 (215\45)؟؟؟؟؟؟ و هل العفشة تستحمل الجنط ده فعلا؟؟؟؟

طيب ليه الياباني الغالي المحترم جدااااا زي السيفيك مثلا مش بتنزل بجنط 17؟؟؟ شركة هوندا عاجزة مثلا!!!!!!! و ليه الكوري اللي زي السيراتو مش بينزل بجنط 17 بردو!!!! زي الكروز و الالنترا و ما الى ذلك...!!!!!

منتظر الرد من اي حد يا جماعة... و اتمنى ان لا يتحول الموضوع لخناقة بين الناس و فرض رأي بدون اي دليل موضوعي او منطقي

**Mshawky** · 05-12-2009 09:19 PM

غريبه اوى اللى يتقلب عل 100 ده وموضوع المساعدين برضه

الكم ده اول مره اسمعو طب مافى ناس عملت العربيه 30 الف كيلو ومحدش قال بم حتى يشكروفيها جدا

انا حاسس ان لعبه العربيات ديه إرف حسب إرفة ك واحد بقا ههههه

**kareemhisham** · 05-12-2009 09:30 PM

الموضوع مش حرب .. بس فى عربيات لما بتنزل السوق بيبقى عليها جدال كبير ..

و الجدال دة بيكون ليه اسبابه .. يعنى لما العربية تبقى موتور قوى و كماليات كتير و تبقى ب116 .. و نشوف الهوندا سيتى الهى فئة اصغر و فيها اوبشنز اقل بكتييييييير و بنفس السعر .. طب فرق السعر راح فين ؟؟

احب اقول لحضرتك ان لو حضرتك كنت اشتريت الكروز او الالنترا مكنتش هتعمل الموضوع دة .. و كنت هتبقى شايف ان عربيتك فيها خامات احسن و كذا حاجة بقا ..

العربيات اذواق و كل واحد بيشوف حاجات معينة فى العربية بتبقى مهمة بالنسبة له و مش بتبقى مهمة لناس تانية ..

و فعلا الانتشار مش دليل خاااااااالص على مدى جودتها او كفائتها ..

**mastr_n** · 05-12-2009 09:37 PM

ياجماعة هية واللة ما حرب دة حوار بين الناس والحمد للة ان احنا متجمعين على علية مش حرام بس الاسلوب نفسة الى مش عجبنى عموما محدش يزعل منى
اما بالنسبة للعمل حادثة بيها على سرعة 100 الف مليون سلامة علية وهو عندى اهم من العربية ميت مرة ومن كيا نفسها كمان ويارب يكون بخير دلوقتى
وانا حبيت اعرف ية رايكو فى العربية وبخص بكلامى الناس الى معاها العربية وجربتها ودة هدف المنتدى
لان الاشاعات كترت والتوكيلات بتضرب فى بعض واحنا بلد الاشاعات
وفى النهاية دية راحت ولا جت عربية من بين الف موديل فى مصر

**ghazy12** · 05-12-2009 09:46 PM

المشاركة الأصلية كتبت بواسطة mastr_n

ياجماعة هية واللة ما حرب دة حوار بين الناس والحمد للة ان احنا متجمعين على علية مش حرام بس الاسلوب نفسة الى مش عجبنى عموما محدش يزعل منى
اما بالنسبة للعمل حادثة بيها على سرعة 100 الف مليون سلامة علية وهو عندى اهم من العربية ميت مرة ومن كيا نفسها كمان ويارب يكون بخير دلوقتى
وانا حبيت اعرف ية رايكو فى العربية وبخص بكلامى الناس الى معاها العربية وجربتها ودة هدف المنتدى
لان الاشاعات كترت والتوكيلات بتضرب فى بعض واحنا بلد الاشاعات
وفى النهاية دية راحت ولا جت عربية من بين الف موديل فى مصر

اشكرك على حديثك بشكل عقلاني و انا يا باشا اللي عملت الحادث و ربنا يخلييك.. بس يا رييت حد يرد على الأسئله اللي سألتها في تعليقي الأول... و شكراا جداا يا استاذي على ذوقك...