اختبارات الامان ؟

**Ahmed Anwer** · 05-12-2007 04:58 PM

هاقولك نصيحة يا د / ابراهيم ،،

بس ما تتدعيش عليا لو طلعت غلط ،،

أنا مستريح أوي ل ِA113 من ناحية هيا شيري أكبر شركة صينية و توكيلها أبو الفتوح ،، من اكبر التوكيلات في مصر

1300 cc و abs و ممكن يكون فيها AIR BAG كمان مش متأكد و يبقي كل اللي نفسك فيه و محدهش يفتح بقه معاك في الأمان ،،

بعدين كلها علي بعضها ب 49 الف ،، و ابو الفتوح بيفضل ورا العربية لحد ما تنتشر ،،يعني يوم هاتبيعها بعد ما تخلص القسط هتبيعها بكام ،، هتبيعها ب 25 الف مثلآ يعني خسارة قريبة ،،

ففي إحتمالين :_

1- العربية كويسة يبقي انتا عبقري و فزت بشكل جديد و صالون جميل و اوبشنز وهمية و عربية 1300 cc ،،

No Risk No Gain

2- العربية تعبانة هيا مش غالية ،، هتتعكز عليها مدة القسط و التوكيل مش هيسيبك و هتبعها في الآخر من غير خسارة كبيرة ،، و تتمتع بتككيف وباور و سنتر و رفاهيات ،، عمرك ماهتلاقي ربعها في اللادا

**ibrahimsaad** · 05-12-2007 05:07 PM

والله ياخى احمد هى من ناحيه الشكل والكماليات حدث ولاحرج وعلى فكره فيها ايرباج كمان

لكن انا مش واخد اى قرار الا بعد نصيحه اخونى فى المنتدى لانهم خبره عنى وانا حرمت اخد قرار لوحدى خصوصا فى العربيات لانى اصلا لاافقه فيها شئ

فنشوف رأى الخبراء ايه فيها وانا مستنى

**Ahmed Anwer** · 05-12-2007 05:15 PM

المشاركة الأصلية كتبت بواسطة ibrahimsaad

فنشوف رأى الخبراء ايه فيها وانا مستنى

الخبراء مش هيفيدوك ،، هيا العربية نزلت أساسا ؟؟؟ عشان يقدروا يحكموا عليها ؟؟؟

السؤال تقبل المخاطرة و لا لأ ،، أنا وجهة نظري في الحياة مادام المخاطرة محسوبة و تقدر تتحمل نتائجها ،، الواحد يخوضها ،،

ميفضلش طول عمره جنب الحيط ،،( دي وجهة نظر مالهاش علاقة بالسيارات )

و المخاطرة مع ابو الفتوح مش كبيرة ،، أنا بس كنت بقولك تبعد عن الصيني المغمور زي ايديا و byd و اكسبلوجن و زويتا .......

بس المهم ما تدعيش عليا برده ،،،،،،،،،،،،،

أنا بفكر معاك بصوت عالي مش اكتر

**ibrahimsaad** · 05-12-2007 05:40 PM

اخى العزيز احمد بخصوص نزلت هى بالفعل ال A113 نزلت وفيه ناس اشترتها كمان وبتشكر فيها لكن من حيث المخاطره انا شخصيا لااستطيع تحمل المخاطره فى ظل فتره التقسيط مع البنك لانى هاكون مرتبط بقسط مش قليل

عموما نشوف اراء الاخوه ايضا فيها وهل هى افضل ام 2110

**douha_wise** · 05-12-2007 06:57 PM

اخى ابراهيم و اخى احمد دعونى ايضا افكر معكم لو سمحتم طبعا
لو فكرنا فى السيارة A113 و بإمكانياتها و على فكرة هى ليس بها ايرباج و هذا شئ انا متأكد منة لأنى سألت التوكيل فية و كان ردة ان الموديل الذى نزل مصر منها لا يوجد بة ايرباج
المهم انها سيارة صغيرة لا تناسب عائلة برغم ان صالونها مش بطال لكن ليس للدرجة المطلوبة و شنطتها صغيرة جدا لا تناسب حتى شاب فى سفر و هذا الكلام اقولة بعد أن رأيت السيارة اكثر من مرة
السعر خارج التوكيل 53 الف تقريبا و عند وصول الشحنة الثانية ستقترب من هذا السعر فى التوكيل و ستزيد بإذن اللة خارجة و هذا شئ متوقع جدا من ابو الفتوح من واقع ما حدث من قبل إذن سيكون سعرها زيادة جدا
فلماذا مثلا لا تفكر فى سيارة من انتاج شيرى ايضا و موجودة بمصر بنسبة معقولة و هى شيرى Qq و انا ايضا رأيتها اكثر من مرة و صالونها فى فخامة A113 و بها جميع الكماليات عدا الأيرباج بالضبط مثل A113 و صالونها واسع و شنطتها مثلها و سعرها رائع و هو 47 الف اى نعم هى 1100 سى سى لكن هناك فرق سعر اكثر من 5 الاف جنية و السيارة ايضا منتشرة
على فكرة ليس هذا اقتراح بتلك السيارة و لكنة مجرد عرض لزيادة المقترح عليك و ارى مع احترامى الشديد لرأى اخى احمد ان A113 غير مناسبة لا من ناحية السعر 52 الف فما فوق و لا من ناحية الحجم لعائلة و لو ناسبت إذن تظهر فى الصورة Qq بسعرها المنخفض و حجمها المتساوى من الداخل مع A113
أما بخصوص 2110 و على فكرة هى اسمها 110 فقط و ليس 2110 المهم هى اختيار افضل من A113 و الأيديا برغم نقص الكماليات بها و لكن فقط لأنها سيارة عائلية اكثر و سعرها القريب من سعرهم لكن نحتفظ بفارق الحجم لصالحها
عموما قلبى معاك فى حيرتك

**douha_wise** · 05-12-2007 07:55 PM

بالضبط كدة و كمان طالما انت ارتفعت بالسعر ووصلت الى الخمسينات و انا ارى إنك تحاول تيجى على نفسك شوية فى القسط و تخلص بحاجة كبيرة و متنزلش لحاجة تانى اقل لكن يتبقى إنك لازم و يجب عليك تجربة 2110 قبل شرائها لتتأكد من دركسيونها و نعومتها و باقى الأشياء لكى لا تفاجأ بشئ اخر بعد شرائها بدون تجربة

**ibrahimsaad** · 05-12-2007 09:41 PM

المشاركة الأصلية كتبت بواسطة douha_wise

بالضبط كدة و كمان طالما انت ارتفعت بالسعر ووصلت الى الخمسينات و انا ارى إنك تحاول تيجى على نفسك شوية فى القسط و تخلص بحاجة كبيرة و متنزلش لحاجة تانى اقل لكن يتبقى إنك لازم و يجب عليك تجربة 2110 قبل شرائها لتتأكد من دركسيونها و نعومتها و باقى الأشياء لكى لا تفاجأ بشئ اخر بعد شرائها بدون تجربة

بخصوص الدريكسيون لم اجربه لكنه يختلف عن ال 2107 وهذا كلام احد الاخوه اللى اشتراها

http://www.nilemotors.net/Nile/showthread.php?t=10053

**ibrahimsaad** · 05-12-2007 09:43 PM

المشاركة الأصلية كتبت بواسطة eng / AhmeD

التسارع بتاع اللادا و السرعة القصوي اللي حضرتك كاتبهم غربية اوي.............
و كتير عليها جدا....

والله اخى انا لاافهم من هذا الكلام شئ انا ناقله كما هو من موقع شركه الامل

-

-

الموضوع: اختبارات الامان ؟

LinkBack

أدوات الموضوع

عرض

-

-

-

-

المواضيع المتشابهه

اختبارات الامان Euroncap لموديلات كيا

نتائج اختبارات الامان ل 5 سيارات جديدة

اختبارات الامان

اختبارات الامان فى التيريوس

حتي اختبارات الامان اتلعب فيها بالصيني

الكلمات الدلالية لهذا الموضوع

المفضلات

المفضلات

ضوابط المشاركة