الموضوع: كلام فى المفيد new cerato

الله ينور يا باشا ده كلام منطقي وفي الجووووووووون .....
وكده انت جبت من الديل !!!!! الاخر يعني .....وشكرا لييك

كلامك مفيد و بصراحة اول مرة حد يتكلم كلام لية معني - اشكرك

المشاركة الأصلية كتبت بواسطة mastr_n

اعتقد الكثير ان لم يكن جميعنا -هذا العام هو عام كيا بلا منازع خاصة فى السوق المصرى بما قدمتة من طرازات حازت على اعجاب الجميع فى اغلب الفئات المختلفة كسيراتو الجديدة وكارينز حتى سول فينجا فى السوق الخارجى مما ادى الى وصول الشركة الكورية العملاقة الى مرتبات تستحقها من وجهة نظر محبيها دل على مدى الجهد الذى بذلتة الشركة خاصة فى النيو سيراتو والتى قدمتة لكى تنافس كبرى الشركات العالمية فى السوق الاوربى ولاقى قبول واضح خاصة فى الولايات المتحدى الامركية واجرو عليها الكثير من الاختبارات فى مجال الsafety ونجحت بشكل عالى جدا
وبالتالى نجد الكثير يهاجموها مبرريين انة لا يوجد وجة مقارنة بينها وبين اليابانى او الاوربى او حتى الأمانى ونقول لهؤلاء وهؤلاء اننا لانريد هذة المقارنة من اساسة
لانى بجد واحد من الناس لما نزلت العربية توقعت الهجوم الشرس عليها واقسم باللة لو انها نزلت تحت علامة تويتا او اوبل او اى ماركة غير الكورى كان الكلام اختلف ولا يتجراء احد بانتقادها وذالك لسيطرة مفهوم اليابانى على المواطن العربى تحديدا
فى النهاية انا عايز من اصحاب السيراتو ان يشاركو فى المفيد بدل من الدخول فى مهاترات كثيرة
عايزين كل واحد عمل حاجة جديدة فى العربية يقولنا عليها على شان نستفيد من بعض
اى تعديل
عنوان ورشة ميكانيكا كويسة خصوصا لاصحاب الخليجى
اى تغير فى الاضاءة سواء زينون او ما شابة
الى عايز يعمل فرش جلد ممكن تدلوة على مكان كويس
ما هو انسب زيت للسيارة
الاعطال واية انسب طريقة لتفاديها
الى عندة حاجة مش فاهمها فى العربية يقول عليها واحنا نحاول نفهمة
كيفية الحفاظ على العربية بوجة عام


واعتقد ان دة الهدف من المنتدى والى يقول يقول المهم ان حضرتك وكل الناس مستمتعين وربنا يهدى الجميع يارب

طيب أنا كان عندي حدفة شمال والحمدلله حالتها ممكن بقى تقولي كان سببها إيه ويريت بلاش أسلوب التريقة دة عشان لحد إنهردة محدش رد أو عرف سبب الحدف إيه

كل واحد بيقول أزبط الكوتش وشيل الهوا وملا نتروجين ودة كلو ملوش أي تأثير على إلي عند حدف شمال خالص عشان في ناس فعلن عملو كدة وزي ماهية

كمان ممكن تقولي ازاي الحدف إلي عندي راحت لم بدلت أماكن الكاوتش

متابع ردك بهتمام لو فعلن حد يعرف مش بيقول كدة من باب التريقة

الاخ العزيز بيسو ممكن يكون ناس كتير بترد باسلوب مش كويس واسلوب يشوبة السخرية على شان كدة انا عملت الموضوع دة على شان نتكلم احنا بس ملاك العربية يعنى مننا فينا ونبعد عن اى مهاترات مع الاخرين
بالنسبة لموضوع الحدفة دة ممكن يرجع لسببين
ممكن الطريق مايكونش مستوى او طغط الاطارات مش مظبوط
ونصحيتى وعن تجربة انا حسيت الموضوع دة اول ماجبت العربية فعلطول نزلت الهوا وحطيت نيتروجين على مستوى ضغط 28 وحسيت فرق السما والارض والعفشة بقت زى الفل وفى ناس بتقول وانا مبرجحش الرأى دة ان اى زيرو ممكن يكون محتاج تظبيط زاوياة
المهم انا مبسوط جدا من الناس الى بتشارك وهم على راسى من فوق ونسيبنا بقى من المقارانات والانتقادات والى يئول يئول زى ماهوة عايز والمهم احنا نستمتع بالتحفة سيراتو والى عندة راى اخر فى موضوع الحدفة دية يشارك وياريت يكون معاة العربية:b4_048:

المشاركة الأصلية كتبت بواسطة mastr_n

الاخ العزيز بيسو ممكن يكون ناس كتير بترد باسلوب مش كويس واسلوب يشوبة السخرية على شان كدة انا عملت الموضوع دة على شان نتكلم احنا بس ملاك العربية يعنى مننا فينا ونبعد عن اى مهاترات مع الاخرين
بالنسبة لموضوع الحدفة دة ممكن يرجع لسببين
ممكن الطريق مايكونش مستوى او طغط الاطارات مش مظبوط
ونصحيتى وعن تجربة انا حسيت الموضوع دة اول ماجبت العربية فعلطول نزلت الهوا وحطيت نيتروجين على مستوى ضغط 28 وحسيت فرق السما والارض والعفشة بقت زى الفل وفى ناس بتقول وانا مبرجحش الرأى دة ان اى زيرو ممكن يكون محتاج تظبيط زاوياة
المهم انا مبسوط جدا من الناس الى بتشارك وهم على راسى من فوق ونسيبنا بقى من المقارانات والانتقادات والى يئول يئول زى ماهوة عايز والمهم احنا نستمتع بالتحفة سيراتو والى عندة راى اخر فى موضوع الحدفة دية يشارك وياريت يكون معاة العربية:b4_048:

أولاً متشكر لردك يا باشا بس بما اننا بنتكلم عن حل المشاكل فنا فعلن أول حاجة عملتها اني رحت اشتكيت فالتوكيل اللي مفيش حاجة فالعربية فرحت لبتع الزوايا Fit & Fix بريدجستون لو أنا فكر الاسم صح المهم اللي إن العربية مفيهاش الشعرة فالت أخر محولة هي اني جبت الفرد اليمين قدام هي والشمال قدام مكان بعد ومن ساعتها الحمد اللة المشكلة إتحلت بس أنا لسة مش مقتنع عشان أنا فالأول شكيت إن ممكن يكون عيب كاوتش بس لم لقيت اني مش أنا بس إلي عند العيب دة أكيد شكيت في حاجة أنا مش عارفها ودة إلي أنا بحول أعمل مش أكتر نفسي أفهم

مرة تانية شكراً على ردك

اية يا رجالة السيراتو فينكوا عايزين تنناقش فى المفيد وهو دة الهدف من المنتدى والموضوع دة بالذات يعنى كان عندى شوية استفسارات كدة من الناس القديمة الى عندها العربية
انا عربيتى خليجى عاملة 1200 كيلو وماصيبنتش لسة اصين فين واية احسن مكان؟
انزل الزيت على كام كيلو كدة؟
وبعدين الى اضاف اى اكسيسورى على العربية ممكن يقولنا ونشوف عمل اية وفين؟

طيب.. مشاركة ايجابيه مني
انا معايا sx 2010 وفي ملاحظه اعتقد محدش لاحظها لسه من الاخوة مالكي نيو سيراتو sx وهي ان استهلاك الوقود لو اعلى من 8.5 يبقى لازم تطلع على بنزينة امارات مصر و تظبط هوا هناك على 32 ايوا 32
طب ليه امارات مصر
لانها البنزينه الوحيده اللى لقيتها بتظبط هوا اوتوماتيك يعني الولد اللى ماسك خرطوم الهوا مش هو اللى بيزود بمزاجه هو بس بيدوس على الباد بتاعت الجهاز رقم 32 و يركب الخرطوم في الكاوتش
خلص واطلع و شوف الفرق هاتلاقى على الاقل ليتر كامل فرق

انا عاوز اقولوكوا اني ظبط الهوا في اسبوع واحد بتاع 3 مرات و كل واحد اظبط عنده يقولي دي مظبوطه 32 على الشعره وبرضه استهلاك البنزين 9.4
طيب خف رجلك وبلاش تطلع من صفر لـ 120 في 13 ثانيه
برده الاستهلاك 9.4
الساعه 10 بالليل و راجع من شغلي ميت من التعب قلت لأ لازم اتأكد ، يو تيرن و على امارات مصر و الاقيلك كل عجله شكل اللى 30 و اللى 31 مفيش عجله 32 ،خلصت و طلعت و بعد دقيقه تقريبا لاقيت الاستهلاك بقى 8.4 على فكره العربيه بتقيس الاستهلاك كل 10 ثواني
الموضوع ده انا متأكد منه لأني جربتوا مرتين لحد دلوقتي
حتى انا بفكر اشترى منفاخ بس اول ما الاقي واحد نضيف و يكون عداده ديجيتال ، لو حد يعرف بيتباع فين يقول على طووول

و يارب اكون افادتكوا ووفرتلكوا كمان