الموضوع: الضرائب العقارية .. اسأل و هتلاقى الاجابة هنا

المشاركة الأصلية كتبت بواسطة fouad nour

الف شكر يا باشا يعني رايك اقدم و لا استنى

لو ظاهر الشقة من برة انها لسة تحت التشطيب يبقى متقدمش .. لكن لو العكس اعمل الاقرار و اكتب فية بخط ايدك ( غير تامة و غير مشغولة )

انا شارى شقة فى اسكان ضباط زهراء مدينة نصر بعقد بيع ابتدائى وعقد وكالة مسجل، فهل اقوم بتقديم الاقرار باسمى ام بأسم المالك الأول( انا المالك الثالث والكهرباء والتليفون والغاز باسمى)

جزاكم الله خيرا علي تعاونكم وافادتكم ل اخواتك في المنتدي
بس اولا عايز اعرف حضرتك بتشتغل ايه ومعلوماتك اثق فيها بقدر اد ايه ما تزعلش بس لمجرد الثقة
ثانيا والدي عنده بيت وارثة عن جدي الله يرحمه وهو مشاع ويمتلك فيه 3 شقق( متوسط المساحة 90 متر للشقة) قاعد في واحدة ومأجر الاتنين مفروش وجالة 4000 ضريبة ( في خطوات التظلم دلوقتي ) ايه رأي حضرتك
رابعا مكتوب علي الموقع ( تحديد سعر الضريبة العقارية بنسبة 10 % من صافى القيمة الايجارية السنوية للوحدة )
يعني هم بيقدروا القيمة الايجارية للوحدة وعليها بياخدوا الضريبة ( مش بقيمة الشقة تعدي ال500 الف او ما تعديش)

المشاركة الأصلية كتبت بواسطة sab3aawy

انا شارى شقة فى اسكان ضباط زهراء مدينة نصر بعقد بيع ابتدائى وعقد وكالة مسجل، فهل اقوم بتقديم الاقرار باسمى ام بأسم المالك الأول( انا المالك الثالث والكهرباء والتليفون والغاز باسمى)

سبعاوى باشا ليا الشرف انى اجاوب حضرتك .
الاقرار هيتقدم باسمك .. بموجب العقد الابتدائى انت اشتريت و انت المكلف بالضريبة و تقديم الاقرار .. حتى لو مسجلتش او منقلتش الملكية فى صندوق الاسكان .

المشاركة الأصلية كتبت بواسطة ahmad5997

جزاكم الله خيرا علي تعاونكم وافادتكم ل اخواتك في المنتدي
بس اولا عايز اعرف حضرتك بتشتغل ايه ومعلوماتك اثق فيها بقدر اد ايه ما تزعلش بس لمجرد الثقة
ثانيا والدي عنده بيت وارثة عن جدي الله يرحمه وهو مشاع ويمتلك فيه 3 شقق( متوسط المساحة 90 متر للشقة) قاعد في واحدة ومأجر الاتنين مفروش وجالة 4000 ضريبة ( في خطوات التظلم دلوقتي ) ايه رأي حضرتك
رابعا مكتوب علي الموقع ( تحديد سعر الضريبة العقارية بنسبة 10 % من صافى القيمة الايجارية السنوية للوحدة )
يعني هم بيقدروا القيمة الايجارية للوحدة وعليها بياخدوا الضريبة ( مش بقيمة الشقة تعدي ال500 الف او ما تعديش)

العبد للة محامى .. و مدير الادارة القانونية فى احدى الشركات
بالنسبة لسؤال حضرتك انا عايز استفسر الاول عن حاجة
اولا : حضرتك بتقول ان البيت مشاع .. و رجعت قلت انة بيمتلك فية 3 شقق .. هل تم عمل قسمة و فرز و تجنيب .. او عقد قسمة رضائى بين الورثة .. يا ريت توضحلى ملكيتة ل 3 شقق دول سندهم اية بالظبط .
ثانيا : ال 4000 جنية الضريبة .. اللى فهمتة ان دى ضريبة على الدخل عشان الشقتين المتأجرين مفروش .. صح كدة .
مستنى توضيح حضرتك عشان ارد عليك

المشاركة الأصلية كتبت بواسطة ezzatfox

العبد للة محامى .. و مدير الادارة القانونية فى احدى الشركات
بالنسبة لسؤال حضرتك انا عايز استفسر الاول عن حاجة
اولا : حضرتك بتقول ان البيت مشاع .. و رجعت قلت انة بيمتلك فية 3 شقق .. هل تم عمل قسمة و فرز و تجنيب .. او عقد قسمة رضائى بين الورثة .. يا ريت توضحلى ملكيتة ل 3 شقق دول سندهم اية بالظبط .
ثانيا : ال 4000 جنية الضريبة .. اللى فهمتة ان دى ضريبة على الدخل عشان الشقتين المتأجرين مفروش .. صح كدة .
مستنى توضيح حضرتك عشان ارد عليك

قسمة رضائي بين الورثة بدون ورق ( بينا وبين بعضينا عارفين دي بتاعة مين ودي بتاعة مين)
الشقة ما تعديش 150 الف * 3 = 450 الف
2 منهم مفروش بقيمة 6000جنية في السنة تقريبا للواحدة


وبعد اذن حضرتك
والدي لسة مخلص بناء قطعة ارض وعمل الدور الاول مسجد بس ولا مية ولا كهرباء يكتب بردو ولا ما يجيبش سيرة

طيب يا استاذ عزت انا عندي سؤالين
الاول : هل تم فعلا مد فترة تقديم الاقرارات ثلاث شهور ؟
الثانى : اننا لدينا منزل مكون من دور واحد على شقتين وحديقة بمساحة حوالى 300م امامهما ومحاطة بسور
فى هذه الحاله ماذا اذكر فى الاقرار الضريبي ؟ سعر المنزل بالكامل ام تسعير نصفى المنزل ( عن طريق حساب كل شقه والحديقه التى امامها ) ام تسعير الشقق فقط دون ذكر الحديقه ؟
مع العلم ان احدى الشقتين دهانها معجون فقط وينقصها الدهان الاخير ولم يتم تركيب السيراميك بها (الارضيات) فهل يجوز معاملتها انها " غير تامة التشطيب" مع العلم انه واصل لها الماء والكهرباء

ولك جزيل الشكر

المشاركة الأصلية كتبت بواسطة ahmad5997

جزاكم الله خيرا علي تعاونكم وافادتكم ل اخواتك في المنتدي
بس اولا عايز اعرف حضرتك بتشتغل ايه ومعلوماتك اثق فيها بقدر اد ايه ما تزعلش بس لمجرد الثقة
ثانيا والدي عنده بيت وارثة عن جدي الله يرحمه وهو مشاع ويمتلك فيه 3 شقق( متوسط المساحة 90 متر للشقة) قاعد في واحدة ومأجر الاتنين مفروش وجالة 4000 ضريبة ( في خطوات التظلم دلوقتي ) ايه رأي حضرتك
رابعا مكتوب علي الموقع ( تحديد سعر الضريبة العقارية بنسبة 10 % من صافى القيمة الايجارية السنوية للوحدة )
يعني هم بيقدروا القيمة الايجارية للوحدة وعليها بياخدوا الضريبة ( مش بقيمة الشقة تعدي ال500 الف او ما تعديش)

اولا: انت هتقدم اقرار عن ال 3 شقق عادى جدا .. و صعب جدا جدا المساحة اللى انت قلتها و خصوصا انة بيت قديم .. تتقدر الشقة فية باكتر من نصف مليون .. يعنى انت هتقدم الاقرار عشان تخلى مسئوليتك من عدم التقديم لكن صعب او شبة مستحيل انك تلاقى ضرائب عقارية تيجى على اى شقة فيهم .

على فكرة انت ضربت 150 * 3 = 450000 الف
هى مش بتتحسب كدة خالص .. انا هقولك بتتحسب ازاى
هناخد شقة واحدة منهم و نحسب عليها
لجنة الحصر و التقدير هتنزل و تشوف البيت و بتحدد عشرين نقطة فى استمارة معاهم من ضمن النقط دى مثلا : وجود اسانسير من عدمة - تطل على حديقة او على النيل - ملحق بيها حديقة او جراج - عدد الحمامات - الواجهة و مستواها - عرض الشارع - الحى راقى و لا شعبى و هكذا
بعد كدة و بناء على النقط دى بتتحدد قيمة للعقار اسمها القيمة السوقية و لنفترض انها تم تحديدها ب 250000 الف جنية ( يلا يا عم هيص )
نيجى بعد كدة نحسب القيمة الرأسمالية للوحدة بضرب القيمة السوقية فى 60%
250000 * 60% = 150000 جنية

نحدد بقى القيمة الايجارية بضرب القيمة الرأسمالية فى 3%
150000 * 3% = 4500

نقوم بعد ذلك بتحديد وعاء الضريبة بخصم 30% من المبلغ السابق مقابل مصاريف صيانة الوحدة
4500 - 30% = 3150

و بما ان فية اعفاء لحد 6000 جنية يبقى الوحدة دى مش هتستحق عنها ضريبة عقارية .
و خلى بالك ان كل شقة عندك هتتحسب لوحدها بنفس الطريقة يعنى كل شقة ليها حد اعفاء 6000 جنية .

نييجى بقى للنقطة بتاعة ضرائب الدخل ال 4000 جنية .. لو فرضا جدلا تم فرض ضريبة عقارية على الوحدات المؤجرة مفروش .. انت كدة هتعتبر دفعت ضريبة مرتين عن نفس الشقة .. فى الحالة دى من حقك انك تستنزل قيمة هذة الضرائب العقارية من الضرائب المفروضة على الدخل عشان ميبقاش فى ازدواج ضريبى .

بيتهيألى انا كدة خلصت اجابة .. و لو فى اى استفسار تانى .. تحت امرك

حسبى الله ونعم الوكيل فى معامله الحيوانات اللى بيعاملوها للناس فى مراكز توزيع النماذج

نا النهارده ( السبت 19-12) رحت اجيب ورق الضرايب العقاريه والله العظيم مش معامله بنى ادمين موقفين الناس من 9 الصبح على اساس ان المفروض يفتحوا من 9 الصبح و مبدأوش توزريع الورق غير الساعه 1 الظهر والناس كبيره ف السن وستات كبيره والورق لم يتم توزيعه ف المكان المخصص له ف مبنى كده ف الشارع عشان الزحام .. لا دول طلعونا 5 اداور فى مبنى اداره الحى فى غرفه ضيقه والناس مش عارف تقف ازاى وال ........* واقف جوه وعمال يزعق ويقول للناس اوقفوا طابور وبعد ما وقفوا طابور فضل لاطعنا والناس عمال تسب وتشتم فيه لانه شبه مذنبنا والستات عماله تصرخ فيهم من كتر ما وقفوا وانا متكلمتش لانى تقريبا كنت من الشباب القليل اللى واقف هناك