الموضوع: الضرائب العقارية .. اسأل و هتلاقى الاجابة هنا

موضوع مفيد جدا,متابع جدا,شكرا لك يا اخ عزت
تقبل مرورى وتحياتى

المشاركة الأصلية كتبت بواسطة ezzatfox

فى حالتك بالذات .. هتقدم اقرار باسم المالك الاصلى .. و موقع منك بصفتك وكيل عن المالك الاصلى بموجب التوكيل اللى معاك . لان شقق الشباب ممنوع التعامل فيها بالتصرف او البيع .. يعنى متظهرش عقد البيع الابتدائى اللى معاك و اتعامل بالتوكيل فقط .

طيب حضرتك ينفع أطبع الإقرار من على النت وأصور التوكيل وأبعنه مسجل في البريد
وابعته مسجل أزاي يعني مكتب البريد عارفين العنون والإجراءات..أصلي عمري مابعت جواب مسجل قبل كده

المشاركة الأصلية كتبت بواسطة hamdy

سؤال يا باشا من فضلك
انا من القاهرة ممكن و طبعت الاقرار من علي النت و عرفت ان مكتب الحي زحام شديد جداااااااا
مكن ابعته عن طريقة البوسطة ؟؟ ولو ينفع ابعته ازاي ؟؟؟
وهل لازم اخد الورق بتاعهم اللي عليه زحام برضو ولا ينفع الورق اللي انا مليته من علي النت و ابعته بوسطة ؟؟؟؟

ممكن يا فندم .. حضرتك هتطبع الاقرار و تملاة و تبعتة بعلم الوصول لمصلحة الضرائب العقارية او مأمورية الضرائب العقارية التى تتبعها و العناوين متاحة على الانترنت .

المشاركة الأصلية كتبت بواسطة gmakram

موضوع مفيد جدا,متابع جدا,شكرا لك يا اخ عزت
تقبل مرورى وتحياتى

العفو يا استاذ جورج .. و شكرا على مرورك الكريم

المشاركة الأصلية كتبت بواسطة memoo305

طيب حضرتك ينفع أطبع الإقرار من على النت وأصور التوكيل وأبعنه مسجل في البريد
وابعته مسجل أزاي يعني مكتب البريد عارفين العنون والإجراءات..أصلي عمري مابعت جواب مسجل قبل كده

ممكن طبعا و مكتب البريد هيعمل اللازم و يدى حضرتك ايصال بكدة ، بالنسبة للعناوين اتفضل اللينك دة : http://www.mof.gov.eg/Arabic/PDF/estate_taxes2009.pdf

المشاركة الأصلية كتبت بواسطة abou_ruqi

وأنت فاكر إن تسعيرة الحكومة دي حتفضل لمدة عشر سنين ؟
حضرتك دي أسعار الإفتتاح و سنة والا اتنين حتعرف الأسعار المستهدفة والنية الحقيقية حتبان , والـ 30 جنيه دول حيبقوا 500 في أقل من نصف المدة اللي بنحكي عنها والأيام بيننا إن كان لنا عمر
وأتحداك لو زاد مرتب الموظف بنفس النسبة

أصل أنا مش في مصر سياحة وراجع , أنا أبنها والابن عارف أمه كويس
الله يرحم نجيب سرور

الله ينور عليك
كمان اسمحلي اضيف علي كلامك ان حتي لو هم هايخدوا منك جنيييييييييييه واحد وانت عندك شقة بمليوووووووووون جنيه هم مالهم ده مش من حقهم لان الشقة دي انا دفعت ضريبة علي كل حاجة فيها
دفعت ضرايب وانا بارخص قطعة الارض
دفعت ضرايب لما طلعت تصريح البناء
دفعت ضرايب لما دخلت المرافق (كهرباء - مياه - غلز)
بادفع ضرايب وانا باستهلك المرافق شهريا علي المياه والمجاري والكهرباء والغاز وخلافة
بادفع رسوم زبالة علي الكهرباء
وبادفع دمغات علي كل مستند حكومي
بادفع رسم دمغة علي رصيدي في البنك
بادفع ضرايب علي مرتبي
بادفع ضرايب لما اجي اصرف الباقي من مرتبي واشتري بيه حاجة (ضريبة مبيعات)
بادفع ضرايب علشان مدخل عيالي مدارس خاصة
بادفع ضرايب علي عربيتي وطول ما انا ماشي

انا قصدي اقول ان الحكومة بتدور علي الجنيه اللي مخبيه في جيبك بغض النظر عن قيمته اليوم او غدا حتي لو هو فعلا جنيه واحد قد لا يعني شيء بالنسبة لك وهو في جيبك

عارف ليه؟؟
لان البحر بيحب الزيادة ودي حكومة ونظام عمره ما هايشبع ابدا
ربنا ينتقم منهم

ومين قال ان 5% بس اللي هايدفعوا؟
الصورة دي انا صورتها وانا بسلم الإقرار في المأمورية، والشخص المسؤول هناك قاللي ان هي دي المفاجأة، ان كل الناس هاتدفع، وقاللي ان المفروض الورقة دي ماتكونش مرمية كدا على المكاتب.



ياريت الأخ صاحب الموضوع يأكدلنا اذا كان محتوى الصورة دي صحيح ولا لأ، رغم ان الراجل اقسم بالله ان ده اللي هايحصل، وانا مش هاقول مكان شغله عشان مايتأذاش لو كان الموضوع ده سري.
مثال: حسب الورقة دي اللي شقته تتقدر ب نص مليون هايدفع 2880 سنويا.

المشاركة الأصلية كتبت بواسطة sayedhassan

السلام عليكم
لو سمحت انا عندى شقة تمليك ومتشطبة كل شىء ما عدا النقاشة وانا مش ساكن فيها
لو سمحت موقفها ايه

حضرتك كدة هتقدم الاقرار .

المشاركة الأصلية كتبت بواسطة amrico

ومين قال ان 5% بس اللي هايدفعوا؟
الصورة دي انا صورتها وانا بسلم الإقرار في المأمورية، والشخص المسؤول هناك قاللي ان هي دي المفاجأة، ان كل الناس هاتدفع، وقاللي ان المفروض الورقة دي ماتكونش مرمية كدا على المكاتب.



ياريت الأخ صاحب الموضوع يأكدلنا اذا كان محتوى الصورة دي صحيح ولا لأ، رغم ان الراجل اقسم بالله ان ده اللي هايحصل، وانا مش هاقول مكان شغله عشان مايتأذاش لو كان الموضوع ده سري.
مثال: حسب الورقة دي اللي شقته تتقدر ب نص مليون هايدفع 2880 سنويا.

الورقة دى فعلا صحيحة و هى احدى اوراق القانون و لائحتة التنفيذية .. بس اللى وصلك المعلومة وصلها غلط لية ؟؟ المبالغ اللى على الشمال المقصود بيها قيمة الضرائب المستحقة وفقا للقانون القديم اما المبالغ المفروضة وفقا للقانون الجديد مكتوبة تحت بند العبء الضريبى وفقا لمشروع القانون و هتلاقى النصف مليون هيدفع 30 جنية سنويا . و على فكرة الراجل اللى قالك الكلام دة .. عجلاتى و مبيفهمش حاجة .. و دة على مسئوليتى الشخصية .