الموضوع: على جنب يا اسطى

من كام سنه كده
كنت رايح الكليه وقفت تاكسي وركبت
الراجل مافتحش بقه بكلمه معايا طول السكه
قلتله علي جنب وتزلت جيت اديله الفلوس قام مشوحلي وماشي بدون سبب حتي مابصليش
الغريبه انها حصلتلي بعديها بحوالي اسبوعين واحد نزلني وراح واخد بعضه وماشي بس المره دي من غير تشويح
ناس غريبه جدا
اما موضوع الكرسي اللي بيتحرك في التاكسي فخد من ده كتير الواحد بيبقي حاسس انه قاعد في مراجيح السبتيه ولازم تبقي متبت في الشباك اللي جنبك

مره تانيه كنت في اول ثانوي وركبت تاكس ووصلني بس برضه مافتحش بقله طول السكه قلت احسن برضه :) اديته الفلوس مش عاجبه بس بيشاور من غير مايتكلم قلتله كده كويس الاقي في صوت طالع والراجل قافل بقه
سيبك بقي من الخناقه علي الفلوس وركزت مع الراجل وحاولت استفزه علشان اشوف الصوت ده طالع منين فضلت حاطت راسي في شباك التاكسي وانا بحاول اشوف اتاري الصوت طالع من زوره !! طبعا انا استغربت جدا وخفت في نفس الوقت قلت ايه الراجل اللي بيتكلم من زوره ده واديته اللي عايزه ومشي
هههههههههههه وفضلت فتره طويله فاكر الراجل وازاي انه بيتكلم من زوره لغاية ماعرفت لما دخلت كلية الطب ان في عمليه معينه للي بيبقي عندهم اختناق في التنفس tracheostomy

الحمد لله رب العالمين الواحد بقاله زمان مركبش تاكسيات

فاكر مره كنت راكب مع سواق مهيس تقريبا كان ضارب حاجة وكان حابب يختصر فا عمال يدخل من طرق مكسره وماشى يهيس فى الكلام طول الطريق وانا شويه اهيس معاه وشويه اسكت

وبعدين لما وصلنا بفتح الباب ونازل لاقيته قالى "ليلتك بيبى نحل"

فا انا اتخضت جدا وروحت باصصله بقوله لية كدة ! قالى متزعلش قوى .. ليلتك عسل يعنى

طبعا هو مقالش بيبى هو قال مصطلح تانى

هههههههههههههه ده الراجل ده مصيبه هههههه قصده بى بى بكسر الباء يعنى

اطرف موقف حصلى
ركبت تاكسى مسافة صغيرة شارع يعنى
كنت انا وواحدة صاحبتى سالسولا اللى معانا فى المنتدى
السواق يقولنا ايه بقا
وهى يعنى مستاهلة ما تمشوها احسن ولا انتوا يعنى مش قادرين تمشوا
وفضل يبرطم بعد مانزلنا

هو غالبا فعلا بيحقد على الشباب وقلبه اسود اوىىىى

من كام سنه كده
كنت رايح الكليه وقفت تاكسي وركبت
الراجل مافتحش بقه بكلمه معايا طول السكه
قلتله علي جنب وتزلت جيت اديله الفلوس قام مشوحلي وماشي بدون سبب حتي مابصليش
الغريبه انها حصلتلي بعديها بحوالي اسبوعين واحد نزلني وراح واخد بعضه وماشي بس المره دي من غير تشويح
ناس غريبه جدا
اما موضوع الكرسي اللي بيتحرك في التاكسي فخد من ده كتير الواحد بيبقي حاسس انه قاعد في مراجيح السبتيه ولازم تبقي متبت في الشباك اللي جنبك

مره تانيه كنت في اول ثانوي وركبت تاكس ووصلني بس برضه مافتحش بقله طول السكه قلت احسن برضه :) اديته الفلوس مش عاجبه بس بيشاور من غير مايتكلم قلتله كده كويس الاقي في صوت طالع والراجل قافل بقه
سيبك بقي من الخناقه علي الفلوس وركزت مع الراجل وحاولت استفزه علشان اشوف الصوت ده طالع منين فضلت حاطت راسي في شباك التاكسي وانا بحاول اشوف اتاري الصوت طالع من زوره !! طبعا انا استغربت جدا وخفت في نفس الوقت قلت ايه الراجل اللي بيتكلم من زوره ده واديته اللي عايزه ومشي
هههههههههههه وفضلت فتره طويله فاكر الراجل وازاي انه بيتكلم من زوره لغاية ماعرفت لما دخلت كلية الطب ان في عمليه معينه للي بيبقي عندهم اختناق في التنفس tracheostomy

لالالالالا ده كده انت الى فيك حاجه غلط يا دكتور
انت كنت بتركب معاهم وانت لابس بدله مخبر ولا ايه ياعم
ده كده انت المفروض تدخل موسوعه جينس انك تركب تاكس والسواق يسيبك ومياخدش فلوس ازاااااااااى
وبعدين انا خليت الناس تضحك عليا من كتر الضحك على الراجل الى بيتكلم من زوره ده لا اله الا الله

المشاركة الأصلية كتبت بواسطة misoalex

لالالالالا ده كده انت الى فيك حاجه غلط يا دكتور :n_no[1]:
انت كنت بتركب معاهم وانت لابس بدله مخبر ولا ايه ياعم
ده كده انت المفروض تدخل موسوعه جينس انك تركب تاكس والسواق يسيبك ومياخدش فلوس ازاااااااااى
وبعدين انا خليت الناس تضحك عليا من كتر الضحك على الراجل الى بيتكلم من زوره ده لا اله الا الله

هههههههههههههههههههههههه طيب تصدق بالله
انا كل لما اقرأ اللي انا كاتبه وافتكر الموقف اقعد اضحك تاني اول مره ساعتها اشوف حد بيتكلم من زوره
اه معاك حق لابس بدلة مخبر ههههههههههههههه