مهاجمين من غير سبب ... صينى = جنان

**kholio2005** · 21-01-2010 12:58 PM

المشاركة الأصلية كتبت بواسطة ehaballam

مبدئيًا : أنا مش عايز اكرر الكلام اللي اتقال قبل كده ...بس في للاسف أنا شكلي كده مضطر ...
1- استخدامك كلمة تحامل كان غير موفق ... لان الموضوع مش حاجة شخصية لأن أنا مش هجيب عربية بالمستوى السيء ده , فـال موضوع محسوم بالنسبة ليَّ شخصيا....
أُمّال ايه المشكلة ؟؟؟؟
المشكلة إن في ناس كتير فاكرة إن التوكيلات في عاملة فيهم جميلة ... ودي أول المصايب لان لو حضرتك دورت فين العربية دي بتنزل حتلاقي في الصين ومصر وكام بلد تانية .... ده يديك فكرة احنا ترتيبنا ايه في العالم ...والمصيبة الأكبر مش كده المصيبة الناس اللي شايفة إن ده أحسن حاجة وبتدافع عن أسوأ عربيات في الدنيا , اللي الناس في الدنيا كلها مردتش تشتريها ...ويا ريت بيشتروها بسعر رخيص لأ ده ب 80 ألف جنيه , لو حضرتك شايف إنه مبلغ بسيط ...الناس اللي زيي شايفين إنه كتير ... لإن حضرتك لو في انجلترا مثلا ممكن تشتري بال 80 ألف جنيه دول :
fiat 500 ---> 68,795
opel corsa ---->67,775
ford fiesta ---> 86,589
renault clio --->79,405
مش عايز أتكلم على اسعار المستعمل علشان المرارة ......بس BMW 2001 لما تبقى ب 19000 ده كتير ...
2- .. وخاماتها متوسطه .. واداءها كويس .
لأ خاماتها سيئة ... واداها أسوأ ....وتقفلها أسوأ وأسوأ.... بص على الفرق بين الباب والتابلوه من الناحيتين وشوفهم اد بعد ولا لأ .... وعصاية الفطيس اللي حتة بلاستيك لو قرصت عليها تنكسر ....
لما تقبل أي حاجة وخلاص ... توقع إنك مش حتاخد أي حاجة ... لانك قبلت إنك تاخد أسوأ حاجة من الأول....
3- مع العلم ان شركة كبيرة زي دايهاتسو .. عملت عربية اسمها تيريوس .. والتيجو تتفوق عليها في كل شئ ما عدا خامات الصالون فقط .. وفرق السعر حوالي 40 الف .
دايهاتسو شركة على قدها ...دي مجرد جزء صغير من تويوتا , سواء في عدد الموديلات ...عدد المبيعات .... ورغم إني شايف إن ال terios دي أصلا عربية تعبانة .. السوزوكي jimmy أحسن منها بس هو مين فهم حضرتك إن التيجو أحسن ..... ولو كده يا ريت تثبتلي بالأرقام ...وبلاش الكلام المرسل ده .....وعلى فكرة التريوس حتعيش أكتر من التيجو ده 10 أو 15 سنة .....مش بس فرق خامات .

10-هو ابوالفتوح وولاده ...راكبين اسبرانزة ....مجرد سؤال بريء...!!!

من الملاحظ ان حضرتك بتهاجم العربيات الصينية و خلاص و مش مستعد انك تستقبل اى وجهة نظر اخرى
وبالنسبة لمقارنة التيجو بالتيريوس فعلا كما قال الاخ GHOST فان التيجو تتفوق و بمراحل كمان و دى مقارنة بسيطة عن تجربة و بالارقام يعنى مش كلام مرسل و خلاص
فالتيجو بتتفوق فى اشياء كتير عن التيريوس حتى ولو تساووا فى السعر

التيجو كموتور و سحب و عزم و صاج و قوة العفشة و الثباااااااااااااااااات و راحة فى الركوب فان التيجو 1600افضل من التيريوس
بالنسة لابعاد و حجم العربيتين كالتالى (منقول) :
...........................التيجو ............................................الت يريوس II

الطول ...............4285............................... ....................4095......................ال تيجو أطول بحوالى 20 سم
العرض .............1756................................. ..................1695......................الت يجو أعرض بحوالى 6 سم
الإرتفاع............1715.................. ........ .........................1740..................... .التيريوس أعلى ب 3 سم

الوزن ..............1390................................ ...................1150......................ال� �يج و أثقل ب 240 كيلو
يعنى التيجو اعرض و اتقل وده اللى بيديلها ثبات اقوى

و التيريوس تتفوق من حيث الخامات الداخلية والتقفيل و الاعتمادية (النقطة دى تتفوق مؤقتا فقط الى ان نرى التيجو بعد 3 او 4 سنين)
فتصميم موتور التيجو من شركة avl النمساوية اللى بتصمم مواتير المعدات الثقيلة والاودى(الالمانى) و الفولفو(السويدى)
ثانيا عفشة التيجو اريح و اقوى (و ده عن تجربة للعربيتين و كمان كفاية ان التيجو دخلت اكتر من رالى فى الصحراء و كملت السباق و اخدت مراكز كمان)

ثالثا ان التيجو تتفوق بكتير جدا عن التيريوس فى الثبات و ده من اراء اللى جربو التيريوس اللى اكدوا ان ثباتها ضايع بعد 100 و ده راى احد الاخوة اللى جربو التيريوس ده غير ان حضرتك ممكن تخش قسم الدايهاتسو و تشوف اراء مجربى العربية ,
أما بالنسبة لتقييم السيارة فعن تجربة ثلاثة أيام كاملة (قمت باستبدال سيارتي الأوكتافيا مع صديقي صاحب السيارة الجراند تريوس) وكان ذلك بسبب أنني كنت أقوم ببناء فيلا بمدينة من المدن جديده وكانت الطرق غير ممهدة بشكل كامل في الجزء التي تقع فيه قطعة الأرض التي أملكها
وتحججت بهذا السبب لكي أجرب الجراند تريوس التي يملكها صديقي وأتفقت أن تظل معي السيارة لمدة شهر أو شهرين طوال فترة الإنشاءات

ولكننني بعد ثلاثة ايام قمت بإرجاع السيارة وأنا كلي خجل من صديقي الذي كان يمدح فيها ويعتبرها من الأساطير

أولا اكتشفت أن السيارة دفع خلفي فقط وليست دفع رباعي

ثانيا السيارة خشنه جدا جدا

ثالثا العزل سيء جدا لدرجة أنك تشعر وكأنك تقود ونش وليش سيارة يبانية

رابعا الموتور صغير جدا على هذا الحجم الكبير (1600cc) مما يجعل السحب سيء للغاية

خامسا السيارة معدومة الثبات بعد سرعة 100كم

لذلك لم أحتمل بقاء السيارة معي اكثر من 3 أايام

وده برده مش معناه ان التيريوس وحشة لان اكيد برده فيها مميزات تانية بس بمقارنة مميزاتها و عيبوها بالنسبة لمميزات و عيوب التيجو فكما ذكرت قبل كدة ان التيجو تتفوق بمراحل

و فيه حاجة كمان مش ابو الفتوح واولاده بس اللى مش بيكبربو العربيات اللى هما اخدين توكيلها ممكن بردو تشوف اصحاب التوكيلات االتانيةاراكبين ايه
لان معظم اصحاب التوكيلات بيفضلو الفئات العالية من المرسيديس او العربيات المعدية ال مليون جنيه زى البورش او الجاجوار
يعنى ده ميعبش العربيات اللى هما اخدين توكيلاتها اطلاقا ولا بقى كانت تبقى الاوبل فاشلة علشان مثلا ان منصور مش راكب اوبل ولا ايه ....

**tutankhamoun** · 21-01-2010 01:02 PM

المشاركة الأصلية كتبت بواسطة ehaballam

هاجس نفسي ....
لا أعتقد .... لأني بحكم بناءا على معاير محدده ..... ثم لما حضرتك شايف الصين مش مهتمة بالجودة ولسة غالبا بيعملوا أي حاجة .... فين الاختلاف ... حضرتك نقطتك ايه بالضبط ؟؟؟

على فكرة يا هندسة أنا لم أكن أوجه كلامي لأي شخص بعينه و رأيك على عيني و رأسي .
الأختلاف أني قلت مش بيهتموا بالجودة غالبا ........ و لكن هناك أستثناءات ..........
أنا شوفت العربية الأف أر في ........ العربية معقولة جدا و لكن مغالى في سعرها .
الأسبرانزا سعرها معقول مقابل الأمكانيات الموجودة فيها .

هو حضرتك شايف إن الصينيين غيره حاجة أو حسينوا حاجة من ناحية الجودة في الاسبرنزا مثلا
أيوة مش كل الصيني زي بعضه .........
أغلبه سئ ........ و لكن هناك حاجات معقولة زي الأسبرانزا ( الشيري ) و البريليانس .

أما موضوع إن الاوروبي أحسن حاجة .... أيوه هو أحسن حاجة .... هم اللي بيطوروا وهم اللي بيعملوا التكنولوجيا .... والباقي بينقل منهم .... دي الحقيقة للاسف ...و على فكرة اليابنيين مثلا عمرهم ما انكروا ده ....

مش دائما مخترع الشئ هو أفضل صانع له .............
و مش دائما مبتكر و مطور الشئ هو أفضل صانع له

بالاضافة أن التعميم مش صح .
يعني ماركة زي هوندا مثلا ............. أبتكارتها في مجال المحركات لا ينكرها أحد و هي من أفضل السيارات في العالم مع أنهم مش أوروبيين و الهوندا أفضل من سيارات أوروبية كثيرة .........
و عندك مثلا التويوتا .......... و النيسان ............ سيارات أعتمادية و لها سمعة أكثر من ممتازة و في أوروبا نفسها .
أنا كنت راكب نيسان في أنجلترا ....... كانت عاملة 180 ألف ميل ( مش فاكر بالظبط كام )
و كانت زي الفل .............. و مكنتش محتاجة غير مارش فقط لا غير ..........
و ركبت فورد .............. و فيات ( جديد ) .............. و مش شايف أي فرق خالص
و حاليا معايا جين 2 في مصر ................. و مش شايف أي فرق بين اللي الأوروبي اللي ركبته و أمتلكته و بين الياباني الآخر اللي أمتلكته و بين الجين 2 اللي حاليا معايا .

كلهم عربيات و أهم شئ هو وجود قطع غيار ........... و خامات معقولة و تعيش عمر كويس ....
و كل شئ بثمنه .....

و إلا بقى كانت ألمانيا أول مخترع للسيارة بقوا أفضل ناس بتعمل عربيات مع أنهم من أفضل الصانعين و ليس أفضل الصانعين ......

و أنا شايف أن أي شركة ممكن تعمل عربية مرتفعة الجودة بالأعتماد على شركات مغذية محترمة و ما على الشركة إلا تطوير محرك محترم و شاسيه جيد .
و الباقي كله من شركات مغذية .

على فكرة أنا عمري ما أشترت عربية صيني و لا هاشتري ..... علشان أنا مش بثق في الصيني علشان عندي هاجس نفسي بسبب معدة صيني ......... غلبتني في قطع الغيار .

**tutankhamoun** · 21-01-2010 01:10 PM

أنجلترا هي مخترع القطار
و لكن ليست أفضل صانع للقطارات
أفضل صُناع القطارات هم الفرنسيين ........ و اليابانيين بالتساوي ......... و يليهم الأمريكان الصهاينة ( لعنة الله عليهم )

أول سيارة حديثة تم أنتاجها من فورد و مع ذلك أنا شايف شركات يابانية كتير أفضل من الفورد في الأداء و الأعتمادية .....

و مع ذلك الشركات اليابانية لها أبتكارات كثيرة في مجال السيارات و لكني لست متخصص و مش فاكر قوي فبس حبت أشرح وجهة نظري العامة

و مخترع التليفزيون هو أسكتلندي و مع ذلك أسكتنلندا ملهاش في صناعته .
مخترع الفيديو تقريبا أمريكي و مع ذلك اليابان كانت متفوقة عليهم جميعا في فترة السبعينيات في الصناعة هذه .

مخترع أول محاولة لكامير ........ هو الحسن بن الهيثم ....... و مع ذلك العرب أفشل العالم في أي صناعة

**ehaballam** · 21-01-2010 02:59 PM

المشاركة الأصلية كتبت بواسطة tutankhamoun

مش دائما مخترع الشئ هو أفضل صانع له .............
و مش دائما مبتكر و مطور الشئ هو أفضل صانع له

بالاضافة أن التعميم مش صح .
يعني ماركة زي هوندا مثلا ............. أبتكارتها في مجال المحركات لا ينكرها أحد و هي من أفضل السيارات في العالم مع أنهم مش أوروبيين و الهوندا أفضل من سيارات أوروبية كثيرة .........
و عندك مثلا التويوتا .......... و النيسان ............ سيارات أعتمادية و لها سمعة أكثر من ممتازة و في أوروبا نفسها .
أنا كنت راكب نيسان في أنجلترا ....... كانت عاملة 180 ألف ميل ( مش فاكر بالظبط كام )
و كانت زي الفل .............. و مكنتش محتاجة غير مارش فقط لا غير ..........
و ركبت فورد .............. و فيات ( جديد ) .............. و مش شايف أي فرق خالص
و حاليا معايا جين 2 في مصر ................. و مش شايف أي فرق بين اللي الأوروبي اللي ركبته و أمتلكته و بين الياباني الآخر اللي أمتلكته و بين الجين 2 اللي حاليا معايا .

كلهم عربيات و أهم شئ هو وجود قطع غيار ........... و خامات معقولة و تعيش عمر كويس ....
و كل شئ بثمنه .....

و إلا بقى كانت ألمانيا أول مخترع للسيارة بقوا أفضل ناس بتعمل عربيات مع أنهم من أفضل الصانعين و ليس أفضل الصانعين ......

و أنا شايف أن أي شركة ممكن تعمل عربية مرتفعة الجودة بالأعتماد على شركات مغذية محترمة و ما على الشركة إلا تطوير محرك محترم و شاسيه جيد .
و الباقي كله من شركات مغذية .

على فكرة أنا عمري ما أشترت عربية صيني و لا هاشتري ..... علشان أنا مش بثق في الصيني علشان عندي هاجس نفسي بسبب معدة صيني ......... غلبتني في قطع الغيار .

للأسف معلوماتك مش مظبوطة .... هو ألمانيا أحسن الصانعين ... وده معروف
معاك إن مش لازم مخترع الحاجة يبقى أحسن فيها ... بس الاوروبيين هم اللي بيزقوا صناعة العربيات في العالم ...هم اللي عندهم المبادرة ....وبعد 5 سنين لما اليابنيين ينزلوا الحاجة ...بتكون قدمت ..... ويكونوا نازلوا حاجة تانية .... آه الياباني مفيش جدال من أحسن الشركات واكترهم مبيعا ...ويمكن معمرة أحسن من الاوروبي .... بس ده مش كفاية علشان تبقى نمرة واحد ...

وال نقطة التانية : هو حضرتك مش شايف فرق بين الجين 2 والياباني ...مش حاقول الاوروبي ... فـده يمكن لان اهتماماتك في العربيات ممكن تكون مختلفة عن واحد زيي ... إنما أنا شايف فروق كتيرة وكبيرة ... واعتقد إن ده الفرق بينا

آخر نقطة : اقتصاديا مش أي شركة ينفع تعمل مصنع عربيات ...لإن أي شركة حتفكر تنتج موتور علشان توصل لنقطة التعادل break even اللي هي النقطة اللي لو إنت كسبت جنيه بعدها يبقى مكسبك جنيه ولو قلة عنها يب خسرت جنيه ... لازم تبيع نص مليون موتور وأول موتور بعد كده هو مكسبك ...لان صناعة العربية تكلفتها الثابتة عليَّ جدا ...... علشان كده أي عابر سبيل بيروح ل ميتسوبيشي يقولها أنا عايز موتور تقوله من عينا...... علشان كده لسة مفيش موتور صيني ...

**ehaballam** · 21-01-2010 03:31 PM