الموضوع: افضل اسلوب للفرامل

المشاركة الأصلية كتبت بواسطة ashraf_msd

بص يا باشا هوا اللي انت فاهمه ده مش صح قوي
انت لما بتدوس فرامل اكيد مابتبقاش دايس بنزين في نفس الوقت
وانت مجرد ما شلت رجلك من عالبنزين بيبقي الماتور مالوش اي عزم بالعكس قوه دفع العربيه هيا اللي بتحركه مش هوا اللي بيحرك العجل
وبكده يبقي انت لما تدوس فرامل والدبرياج متعشق انت مش بتقاوم اي عزم من الماتور بالعكس الماتور هوا اللي محمل عالعجل (عزم القصور الزاتي للسياره المتحركه) وبالتالي بيساعد مع الفرامل
والله اعلم

أنا عندي تعليق على كلام حضرتك وهو إن الموتور بيفضل داير وإنت رجلك بعيدا عن البنزين حتى ولو كان دوران el idle بتاعه وكده برده بيحرق بنزين و بوجهات شغالة وكده.

أنا بصراحة معرفش الفرملة بالدبرياج أحسن من فرامل لوحدها ولا لأ بس أنا عن نفسي بدوس فرامل من غير دبرياج لو بجري و فرامل بدبرياج لو إنت في وسط الزحمة ومتوقع إن العربية اللي قدامك حتقف (حوالي 99% من الوقت)

"أعتقد" إن فرامل من غير دبرياج اضعف شوية من اللي بدبرياج عشان اللي أنا متصوره إن لما بتفصل الاسطوانة وتدوس فرامل فانتا كده بتمسك العجل ومش وراه أي قوة تانية غير اللي كانت وصلله أساسا وهي دفع العربية.

طبعا ده رأيي الشخصي وممكن يكون غلط وأحب لو حد متأكد من كلامه يؤكده أو يصحاحني.

بص يا سيدي
العربيه ممكن تقف بطريقتين
ياما تدوس فرامل
ياما الموتور يبقى متعشق (يعني مدي غيار) و مش دايس دبرياج
لو انت لما تيجي تفرمل لما تدوس دبرياج يبقى انت بتفرمل بالفرامل العاديه فقط
لو انت بتفرمل من غير ما تدوس دبرياج يبقى انت كده بتفرمل بالفرامل العاديه و بالموتور و بكده ممكن تفرمل اسرع و العربيه تقف بسرعه

thanxxxxxxxxxxxxx

المشاركة الأصلية كتبت بواسطة ashraf_msd

بص يا باشا هوا اللي انت فاهمه ده مش صح قوي
انت لما بتدوس فرامل اكيد مابتبقاش دايس بنزين في نفس الوقت
وانت مجرد ما شلت رجلك من عالبنزين بيبقي الماتور مالوش اي عزم بالعكس قوه دفع العربيه هيا اللي بتحركه مش هوا اللي بيحرك العجل
وبكده يبقي انت لما تدوس فرامل والدبرياج متعشق انت مش بتقاوم اي عزم من الماتور بالعكس الماتور هوا اللي محمل عالعجل (عزم القصور الزاتي للسياره المتحركه) وبالتالي بيساعد مع الفرامل
والله اعلم

ايوة مش ببقي دايس بنزين بس الموتور شغال و بيلف ولا ايه؟؟؟ انا فاهم من كلام حضرتك ان الموتور العجل هو اللي بيلفه لما تشيل رجلك من علي البنزين؟؟؟ ولا انا فاهم غلط ولا ايه

المشاركة الأصلية كتبت بواسطة angeliccore

أنا عندي تعليق على كلام حضرتك وهو إن الموتور بيفضل داير وإنت رجلك بعيدا عن البنزين حتى ولو كان دوران el idle بتاعه وكده برده بيحرق بنزين و بوجهات شغالة وكده.

أنا بصراحة معرفش الفرملة بالدبرياج أحسن من فرامل لوحدها ولا لأ بس أنا عن نفسي بدوس فرامل من غير دبرياج لو بجري و فرامل بدبرياج لو إنت في وسط الزحمة ومتوقع إن العربية اللي قدامك حتقف (حوالي 99% من الوقت)

"أعتقد" إن فرامل من غير دبرياج اضعف شوية من اللي بدبرياج عشان اللي أنا متصوره إن لما بتفصل الاسطوانة وتدوس فرامل فانتا كده بتمسك العجل ومش وراه أي قوة تانية غير اللي كانت وصلله أساسا وهي دفع العربية.

طبعا ده رأيي الشخصي وممكن يكون غلط وأحب لو حد متأكد من كلامه يؤكده أو يصحاحني.

يعني انت معايا في وجهة نظري بس انا برده مش متاكد من كلامي و عايز اعرف الكلام الصح 100 َ% فين عشان الموضوع ده بجد مهم عشان نحقق اقصي قوة للفرامل لانها سعات بتكون حجات حياه او موت و ربنا يبعد عننا اي حاجة وحشة

المشاركة الأصلية كتبت بواسطة kirolloskamal

ايوة مش ببقي دايس بنزين بس الموتور شغال و بيلف ولا ايه؟؟؟ انا فاهم من كلام حضرتك ان الموتور العجل هو اللي بيلفه لما تشيل رجلك من علي البنزين؟؟؟ ولا انا فاهم غلط ولا ايه


انا معاك ان الماتور بيلف وداير .. بس انا يا باشا قصدي سرعه دوران الجير واللي هيا متوقفه علي سرعه دوران العجل بتبقي اسرع من دوران الماتور اللي بحرق البنزين في حاله انك مش دايس بنزين
وبالتالي اللي سرعته اعلي - وهوا الجير فالحاله دي - هوا اللي بيتحكم ويدور التاني - اللي هوا الماتور
وانا مستني معاك حد من الاخوه الافاضل اصحاب العلم والمعرفه يدلونا عاليقين

مظبوط لان و انت سايب البنزين و بتدوس فرامل المفروض ان الماتور يبقي علي 700 rpm بس لما تبقي مديلة غيار ال rpm بيعلي ده معناه ان ال ماتور زاد في ال rpm و الزياده دي مش بتبقي علي حساب البنزين دي بتيجي من ان العربية ماشية بسرعة فكده الماتور بيحاول يرجع لل 700 تاني
ابسط مثال امشي علي سرعة 60 km و حط العربيه علي المور و شوف هتقف في مسافة قد ايه و مره تانيه تكون مدي غيار ( مناسب طبعا للسرعة ) و شوف هتقف في مسافة قد ايه

بص ياباشا انت لما تفرمل من غير ماتدوس دبرياج كده انت بتخلي الاحتكاك اللي في الموتور يساعدك في الفرمله وبتقلل الحمل على الفرامل وده في حاله واحده لو ار بي ام قليل لكن لو ار بي ام عالي ينصح بفصل الموتور (وهو الضغط عالدبرياج) لان كده عزم الموتور حيعوق الفرمله