الموضوع: هابدأ من الأول تاني ..لوجان ولا ساجا؟

المشاركة الأصلية كتبت بواسطة musiccairo

استاذ أحمد نوح
ليه الساجا متتركبش ياريت توضح وجهت نظرك

اولا التصميم واللى فيه فرق كبير قوى قوى قوى لصالح اللوجان فى حين ان الساجا تبدو كبقايا قطع غيار اتجمعت وكونت عربيه , طبعا الموضوع اذواق شخصيه بس انا هحط نفسى مكان اللى يختار وبصراحه الساجا شكلها اقرب الى السيارات الصينى خارجيا وزاد الاحساس سوء التصميم الداخلى وسوء الخامات المستخدمه واللى بعيدا عن تحيز ملاك بروتون ( مع احترامى لهم جميعا ) متتقارنش غير بالسايبا الايرانى

صحيح اللوجان داخليا تصميمها وخاماتها مش قويه بالشكل اللى يتحلف بيه لكن شخصيا شايفها من انضف واجمل المقصورات فى الفئه دى وتوحى بسعر اعلى من سعر العربيه بكتير

المساحات الداخليه مقدرش احكم عليها لأن مقعدتش فى العربيتين ورا بس مساحه الشنطه فى اللوجان 510 لتر فى حين ان الساجا 400 لتر بس

الموتور فى الساجا اقوى من الرينو بس ب 4 حصان وهو مش فرق الواحد يغير بسببه قرار الشراء بس الساجا 1035 كجم فى حين ان اللوجان أقل من 1090 وكدا تكون الساجا افضل فى السرعه القصوى , ولكن فى السرعات العاديه اللوجان هيكون اداءها احسن لان اقصى قوه ليها عند 5250 فى حين الساجا عند 6000

ولكن موتور اللوجان 138 نيوتن عزم عند 2850 لفه وهو عدد لفات قليل جدا هيخلى تسارعها افضل كتير من الساجا اللى 120 نيوتن بس وعند 4000 لفه

استهلاك البنزين الساجا تكسب 6.1 لتر لكل 100 كم فى حين ان اللوجان 7.1 لتر

الامان فى العربيتين فى صالح اللوجان اللى معاها 3 نجوم من ال ncap برغم ان تم اختبارها ب 2 ايرباج بس ودى نقطه بتخلى التقييم يبقى اقل ما يمكن علشان كدا اللوجان تحترم زى باقى عربيات رينو فى الامان ,فى حين ان الساجا ملهاش اختبار امان

ونيجى كمان للتوكيل اللى فرق السما من eim لتحت الارض بخمس ادوار مع عز العرب

واخيرا الكماليات معرفش عنها حاجه فى العربيتين بس ممكن اللى بيفكر فيهم يقارن بنفسه اللى محتاجه من غيره

عرفت ليه بقول ان الساجا تتركب لمجرد انها بروتون وحبا فى الاسم لكن فى مقارنه مع اللوجان عمليا هى خسرانه

نصيحة لوجه الله تعالى :
ابعد عن توكيل عز العرب او اى مركز صيانة ليهم (امير و جوزيف مثلاً) لانهم بمنتهى البساطه : حراميه و معاملتهم زباله للعملاء و لو العربيه محققتش نجاح بيقلبوا الموديل ده و بيشطبوه من عندهم و بيقولوا ملناش دعوه بيه (اسال ملاك ستروين الموديلات القديمه زى اكسارا و زد اكس مثلا او ملاك جيب ليمتد القديمه)

و لو حتى حكمت انك تتشعبط فى اتوبيس نقل عام و لا تشترى عربيه توكيلها عز العرب حتى لو كانت مرسيدس و هيديهالك ببلاش

المشاركة الأصلية كتبت بواسطة ahmed0nouh

اولا التصميم واللى فيه فرق كبير قوى قوى قوى لصالح اللوجان فى حين ان الساجا تبدو كبقايا قطع غيار اتجمعت وكونت عربيه , طبعا الموضوع اذواق شخصيه بس انا هحط نفسى مكان اللى يختار وبصراحه الساجا شكلها اقرب الى السيارات الصينى خارجيا وزاد الاحساس سوء التصميم الداخلى وسوء الخامات المستخدمه واللى بعيدا عن تحيز ملاك بروتون ( مع احترامى لهم جميعا ) متتقارنش غير بالسايبا الايرانى

فرق كبير قوى قوى قوى !!! ازااااااى ده اوحش حاجه فى اللوجان تصميمها الخارجى
الساجا تصميمها يبدو كبقايا قطع غيار (شكلك بتتكلم على عربيتين تانيين والله )
اذواق ايه ده تحيز باين جدا
هههههههههه خامات وحشه وتصميم داخلى وحش (انت بتقارنها بايه !!!! اوجان ولا ميجان)
اسمحلى التحيز واضح جدا فى كلامك ومن الواضح انك ماشوفتش الساجا اساسا

صحيح اللوجان داخليا تصميمها وخاماتها مش قويه بالشكل اللى يتحلف بيه لكن شخصيا شايفها من انضف واجمل المقصورات فى الفئه دى وتوحى بسعر اعلى من سعر العربيه بكتير
شخصيا بئا
المساحات الداخليه مقدرش احكم عليها لأن مقعدتش فى العربيتين ورا بس مساحه الشنطه فى اللوجان 510 لتر فى حين ان الساجا 400 لتر بس
انت ولا قعدت فيها ورا ولا قدام ولا شوفتها اساسا قبل كده
الموتور فى الساجا اقوى من الرينو بس ب 4 حصان وهو مش فرق الواحد يغير بسببه قرار الشراء بس الساجا 1035 كجم فى حين ان اللوجان أقل من 1090 وكدا تكون الساجا افضل فى السرعه القصوى , ولكن فى السرعات العاديه اللوجان هيكون اداءها احسن لان اقصى قوه ليها عند 5250 فى حين الساجا عند 6000

ولكن موتور اللوجان 138 نيوتن عزم عند 2850 لفه وهو عدد لفات قليل جدا هيخلى تسارعها افضل كتير من الساجا اللى 120 نيوتن بس وعند 4000 لفه

الكلام ده ميزه ولا عيب ؟؟؟؟
استهلاك البنزين الساجا تكسب 6.1 لتر لكل 100 كم فى حين ان اللوجان 7.1 لتر

الامان فى العربيتين فى صالح اللوجان اللى معاها 3 نجوم من ال ncap برغم ان تم اختبارها ب 2 ايرباج بس ودى نقطه بتخلى التقييم يبقى اقل ما يمكن علشان كدا اللوجان تحترم زى باقى عربيات رينو فى الامان ,فى حين ان الساجا ملهاش اختبار امان

ونيجى كمان للتوكيل اللى فرق السما من eim لتحت الارض بخمس ادوار مع عز العرب
مبالغه قوى
واخيرا الكماليات معرفش عنها حاجه فى العربيتين بس ممكن اللى بيفكر فيهم يقارن بنفسه اللى محتاجه من غيره
مش قولتلك شكلك ماجربتش ولا واحده فيهم اساسا
عرفت ليه بقول ان الساجا تتركب لمجرد انها بروتون وحبا فى الاسم لكن فى مقارنه مع اللوجان عمليا هى خسرانه
مش معاك فى الكلام ده
الساجا كسبانه كعربيه ربما خسرانه بسبب عدم الانتشار وحداثتها فقط

حتى الان انا رأيى لو مانيوال يبئى لوجان
لكن بعد سنه وانتشار الساجا انا رأيى الساجا افضل بكتيييير

وانا والله باتكلم بحياديه وتجربتى للعربيتين ويبقى القرار لصاحب الموضوع

المشاركة الأصلية كتبت بواسطة أبومريم

الافضل انك تجرب العربيتين قبل ما تقرر وفي دلوقتي تست درايف للساجا في التوكيل ممكن تحجزه عن طريق الانترنت

صح احجز وروح جرب بنفسك العربيه احسن