الموضوع: للأرتقـاء بمستـوي -:خدمـات مابعد البيع:- للساده عمـلاء بروتـون في مصر

المشاركة الأصلية كتبت بواسطة musiccairo

شكرا للتواصل يا بشمهندس امر
جعله الله في ميزان حسناتكم

في نقطه مهمه جداا يمكن من اكثر النقاط المهمه على مستوى توكيلات مصر عموما وليس فقط توكيل عز العرب

بعد تواجدي اكثر من مره في التوكيل
والتحدث مع اكثر من عميل قد تعرفت عليهم ودار بيننا حديثا مطولا عن التوكيل توصلت الى الاتي

اهم نقطه :- عدم رضاء العميل عن مستوى الخدمه في التوكيل
دايما وفي حالات كتير العميل بعد الصيانه وبعد ما يجرب عربيته وبالذات اذا كان فيها مشكله يلاقيها زي ماهي او المشكله زادت
وطبعا في المهندس المختص بيقول انه حل المشكله دي
طبعا العميل يتنرفز ويمشي وبحلف بأغلظ الايمان انه مش هيرجع تاني للتوكيل ده بعد ما يرجع ليه اكتر من مره والمشكله متتحلش
للمعامله السيئه اللي شافها وعدم الاهتمام بمشكلته

رجاء :- المراقبه على شغل المهندسين والفنيين
لان هناك البعض غير مهتم بالمره ولا يراعي ضميره

في حالات عكس كدا وانا شاهد عليها ان التوكيل حل المشكله ليهم ودا اللي مفروض يحصل
وانا واحد من اللي بيشكروا في التوكيل بحكم ان اي مشكله اتعرضتلها الحمد لله اتحلت

لكن انا مقابلتش واحد في التوكيل الا وبيشتكي
وعنده عدم رضا
واصبح توكيل عز العرب سئ سواء في الصيانه او المبيعات
وسمعته بقت ( وحشه ) وده على لسان الكثير والكثير
سواء اللي جرب او اللي بيحكي من غير تجربه (بيفتي)

ارجو ان حضرتك متزعلش من كلامي
لكن انا بنقل لحضرتك الكلام السائد واللي ناس كتير اوي بتقوله
والكلام بيكون طالع من قلبها بجد

تحياتي ليك يا بشمهندس
وشكرا لشخصك للتواصل للارتقاء بمستوى خدمة ما بعد البيع

++100000000000000
الملاحظة التي لدي عن توافر قطع الغيار
رجاء الاهتمام بهذا الموضوع لانه مهم و حيوي لجميع الاعضاء
وشكرا على الاهتمام

أولا شكرا يا هندسه علي الخطوه دي
وأنا شايف انها قي توقيت ممتاز
أنا واحد من الناس اللي بيعشقوا البروتون لكن اللي كان مخليني متردد
وبقالي فتره بعمل مقارنات حاجتين :
1- قطع الغيار ( التوافر - الاسعار)
2- التوكيل لان ( ومتزعلش من كلامي ) مفيش حد سمعته بيشكر فيه
لدرجه اني بفكر من دلوأتي حعمل ايه في صيانه الالف اللي جايه
طبعا منقدرش ننكر ان في ناس برضه كويسه وبيعملوا الواجب وزياده
بس دول قليلين أوي
نتمني أن يكون لدينا هنا في السويس مركز خدمه معتمد
لان العربيه هنا ( ما شاء الله) انتشرت بصوره ممتازه
علشان بس ترحموا أصحاب العربيات من بهدله السفر والانتظار
وممكن زي ما بعض الزملاء قالو ان العطل أحيانا بيظهر تاني
وده لما بيحصل عمر الراجل بتاع السويس ما هيرجع القاهره تاني
شكرا لاهتمامك ومره تاني أرجو ان حضرتك ما تزعلش من كلامي
تحياتي.........

اصدقائي الأعزاء البروتنوين ...
السلام عليكم ،،
اولا بالنسبة لمركز خدمة عز العرب :-
1- المركز ( طريق اسكندرية ) محتاج انه يكبر و يتم زيادة عدد الاوناش الداخلية لرفع السيارات البروتون حتي تتمكن من الصيانة السريعة لعدد اكبر للسيارات في وقت واحد .

2- لازما و لابد من عمل نظام حجز مسبق بالاسم و رقم السيارة قبل الحضور علي الاقل باربعة ايام و الالتزام من السادة مالكي السيارة بالميعاد الصيانة و رقم الحجز مثل ما يحدث مع عملاء هيونداي فوالدي دائما يذهب للمركز الرئيسي بأبورواش و لا ينتظر اكثر من ساعتين بالكتير لانه يلتزم بميعاده و رقمه .

3- انا موافق تماما مع الاعضاء في عمل مركز صيانة قريب من المعادي و مدينة نصر و حلوان و انا بقترح في القطامية بجانب كارفور او هوندا او اي مكان في الحتة ده .

4- أعمال السمكرة و ضبط البيبان لا تتم بجودة عالية و غالية جدا كمان .

5- أخيرا التقدير العام مركز خدمة جيد و ليس سيئ و لكن لابد من التفكير بأن السيارة تزداد أعدادها بشكل اسرع من زيادة عدد مراكز الخدمة او توافر قطع الغيار .

و لكم جزيل الشكر و التحية

و افتخر بسيارتي ال جن 2 ... سيارة مميزة جدا وسط فئاتها المخلفة



الرجاء من الاخوه الكرام عدم الخروج عن هدف الموضوع الاساسى , وقريبا سوف يتم مناقشه ماتم طرحه من الاعضاء الكرام

مشرف القسم