الشمس والسيارة

**Mido80** · 27-06-2008 11:04 PM

هههههههههههههههه. انتم ناس طيبين اوي اوي. بتخافوا تركنوا العربيات بتاعتكم في الشمس في مصر اللي جوها رائع وصيفها مش حر اوي. امال لو روحتوا دولة خليجية هاتعملوا اية؟ هنا في قطر درجة الحرارة كل يوم 50 درجة مئوية دة غير الرطوبة وللاسف باضطر اني اسيب عربيتي في الشمس في الشغل كل يوم من الصبح للساعة واحدة الظهر وبعد كدة لما بروح بسيبها ادام العمارة اللي انا ساكن فيها بردة في الشمس لاني من الصعب ايجاد مكان ظل. قولولي بقي لو حد منكم مكاني ها يعمل اية؟

**michohat** · 10-07-2008 01:01 AM

عن نفسى الاتنين مهمين يعنى مهم انى اركن فى مكان ظل ده مهم وممكن اغطيها لما اكون لسه ملمعها وغاسلها وخايف تتبهدل بسرعة

**michohat** · 10-07-2008 01:14 AM

المشاركة الأصلية كتبت بواسطة Mido80

هههههههههههههههه. انتم ناس طيبين اوي اوي. بتخافوا تركنوا العربيات بتاعتكم في الشمس في مصر اللي جوها رائع وصيفها مش حر اوي. امال لو روحتوا دولة خليجية هاتعملوا اية؟ هنا في قطر درجة الحرارة كل يوم 50 درجة مئوية دة غير الرطوبة وللاسف باضطر اني اسيب عربيتي في الشمس في الشغل كل يوم من الصبح للساعة واحدة الظهر وبعد كدة لما بروح بسيبها ادام العمارة اللي انا ساكن فيها بردة في الشمس لاني من الصعب ايجاد مكان ظل. قولولي بقي لو حد منكم مكاني ها يعمل اية؟

بينى وبينك لو كنت مكانك كنت افتكست ليها اى افتكاسة لانى مش بيهون عليا انى اسيب العربية تتنقع فى الشمس بالمنظر ده
يعنى مثلا لو فى غطا للعربية سطحه عاكس ولو مش موجود زى ده يبقى احاول اعمله لنفسى
بص احنا المصريين بتوع الافتكاسات كلها ولو وصلت معايا انى اعمل لها زى تانده فوقيها بتتفك وتتركب هعملها

**cobraa2008** · 10-07-2008 01:14 AM

يا اخواني افضل حل للتابلوه من الشمس وحمايته حاجتين

1- ملمع تابلوه نظيف يا عني تكون نسبة الزيوت فيه كويسة ويفضل الs.t.p
لانه افضل حاجة
2- شماسة ب10 جنيه

ولو انت عايز ممكن غطاء وتحطه لما توصل البيت

**bishoo33** · 10-07-2008 01:15 AM

سيارتى لومش دايرة حاجة من أثنين يأما فى الجراج اومتغطيه

**mohamed ismail** · 10-07-2008 01:34 AM

الاول كنت بدور علي حتة ضل في الجامعة اركن فيها وده اول ما جبت العربية وكانت النتيجة كالتالي
بلاقي نص الكليه قاعدين علي العربية ز ده علي الكبوت وده مع دي علي الرفرف وعينك ما تشوف الا للنور
دلوقتي بدور علي اشمس حتة واركن فيها مع شماسة وكل عام وانتم بخير
الا ايه رايكم في القعدة علي العربيات عمليه بقت مقرفة جدا كل ام تركن في حته تطلع تلاقي واح
ولا اتنين قاعدين علي الكبوت
والا المعفن اللي قعد عي كبوت عربيتي وشرب شاي وقام مطلع الباج ولازقهالي علي الزجاجة الامامي
حاجة تقرف

**NaderNabil** · 10-07-2008 01:44 AM

الاول كنت بدور علي حتة ضل في الجامعة اركن فيها وده اول ما جبت العربية

و فين اساسا الامكان اللي فيه ضله حوالين الguc يا محمد....يا راجل دده انا لسه متخرج أهو و بقالي 4 سنين بركن و عمري ما لاقيت ضليلة واحدة:)

**Ahmed Samy** · 10-07-2008 03:46 AM

المشاركة الأصلية كتبت بواسطة Mido80

هههههههههههههههه. انتم ناس طيبين اوي اوي. بتخافوا تركنوا العربيات بتاعتكم في الشمس في مصر اللي جوها رائع وصيفها مش حر اوي. امال لو روحتوا دولة خليجية هاتعملوا اية؟ هنا في قطر درجة الحرارة كل يوم 50 درجة مئوية دة غير الرطوبة وللاسف باضطر اني اسيب عربيتي في الشمس في الشغل كل يوم من الصبح للساعة واحدة الظهر وبعد كدة لما بروح بسيبها ادام العمارة اللي انا ساكن فيها بردة في الشمس لاني من الصعب ايجاد مكان ظل. قولولي بقي لو حد منكم مكاني ها يعمل اية؟

هه حطها في كوباية و لما تروح سيبها في التلاجة شوية تمسك نفسها و بعدين اركبها تاني :) هههههههههههه

**Defender** · 15-08-2008 07:36 AM

انا شايف الناس تركب شماسه وتغطي العربيه

هو دة الحل المثالي مش مشكله شويه تعب فيتغطيه العربيه

انا بغطي العربيه واشيل الغطاءفي اقل من دقيقه

اموضوع تعود وبعد كدة هتلم الغطاء بطريقه معينه وتفردة بطريقه معينه

وممكن حد يجييلم ليك الغطاء تزعل علشان هتتبهدل لما تجي تفردة(مش هتكون عارف فين الناحيه اللي قدام من اللي وراء )

**kemoelord** · 24-08-2008 08:39 PM

اولا : انا متفق تماما مع الناس الي بتقول اننا المفروض نحافظ على السيارات من اي عوامل خارجيه سواء كانت الشمس او التراب او الناس الي بتقعد على السيارات تمام وده فعلا بيفرق في شكل السياراة من الداخل والخارج . انا راي ان الواحد يستخدم عربيته طول اليوم زي ما هو عاوز بس يكون معاه شماسه يحطها لما يركن في الشمس
ولما يروح بالليل وعارف انه مش نازل تاني يغطيها اذا كانت مركونه في الشارع عادي واذا كانت في جراج مغلق مش محتاج انه يغطيها . انا عن نفسي راكنها في جراج رابعه الي في مدينه نصر طبعا الجراج مفتوح لا متغطي ولا حاجه وبضطر اغطيها بالليل اي نعم بضايق في حالة لما لكون غاسل العربيه وبرجع اغطيها بسبب عدم نظافة الغطاء وبيبهدل العربيه تاني لكن الشمس بتخليني اغطيها عربيات الجراج كلها :)

مشاهدة نتائج الإستطلاع: ماذا تفعل لأجتناب الحراره داخل السيارة؟

الموضوع: الشمس والسيارة

LinkBack

أدوات الموضوع

عرض

-

-

-

-

-

-

-

-

المواضيع المتشابهه

استمتع بضوء الشمس بدون حرارة واحمي نفسك وعائلتك من اشعة الشمس الضارة

شيرى والسيارة جين 2

زوجتي والسيارة

المساعدين والسيارة

ممكن حد يشرح لي الفرق بين السيارات 2×4 والسيارة 4×4 والسيارة العادية

الكلمات الدلالية لهذا الموضوع

المفضلات

المفضلات

ضوابط المشاركة