الموضوع: معلومة غريبة عايزين نتاكد منها

المشاركة الأصلية كتبت بواسطة ahmed nouh

معلش اقرا كلامى تانى

انت بتتكلم فى حاجه غير اللى قصدنا عليها خالص , حضرتك بتتكلم على عربيه اتزحلقت فى ملف واحنا بنتكلم على تأثير الكروز كنترول فى حاله ان العربيه بتتزحلق من العجله اللى بتقوم بالدفع

وعلى العموم اقوى abs فى العالم ميقدرش يعمل حاجه لعربيه بتتزحلق فى ملف على 120 , فكره الفرامل ال abs مش واضحه تماما

الفكره ببساطه لو انت ماشى فى خط مستقيم وعايز تدوس فرامل وتفادى هنا يبقى هو هيحميك من ان العجل يقفش والعربيه تكمل , وكذلك لو انت فى ملف ودوست فرامل هيخلى العجل مستمر فى الحركه فالعربيه متتزحلقش فى اتجاهها الاصلى قبل الملف , بمعنى انه فى الملف هيوفرلك الالتزام بنفس الخط اللى انت متبعه قبل ما تدوس الفرامل ولو كان الخط ده اساسا عباره عن ان العربيه بتفقد اتجاهها ساعتها هو هيوقفها لكن مش هيعدلها , واللى يأكد الكلام ده اكتر هو ان دلوقتى ال abs مرتبط بوجود ال ebd واللى يضمن لك ان الفرمله هتبقى متساويه فى الاربعه عجلات فالعربيه متفقدش السيطره فى الملفات بسبب الفرمله الشديده

وده اكبر دليل ان ال abs ميقدرش يعدل وضع العربيه فى ملف , لو حضرتك قدرت تعدل العربيه يبقى دى مهارتك انت فى استعمال الدركسيون لكن مش الفرامل

واضح ان حضرتك فاهم الموضوع كويس. لكن فيه توضيح صغير
ال abs له فايدتين اساسيين.
اولا: تقليل مسافة التوقف ودي حضرتك وضحتها بما يكفي
ثانيا : تحسين القدره على التحكم في اتجاه السياره اثناء الفرمله بقوه. وده الي انا عاوز اوضحه شويه وخليني اتكلم بالبلدي من غير مصطلحات فنيه عشان الكل يستفيد.
مبدئيا اي جسم متحرك دايما بيتحرك في خط مستقيم ما لم تؤثر عليه عوامل خارجيه تقاوم حركته ولو وجدت مقاومه في اتجاهه ممكن ينحرف ال اتجاه اخر لو مقاومته اقل. يعني بيمشي في الاتجاه الاسهل ودي الفكره الاساسيه في توجيه العربيه لان اسهل اتجله واقل مقاومه بتكون في اتجاه دوران العجل الامامي وده انت بتتحكم فيه بالدركسيون.
يعني مثلا لو حاولت دفع عربيه بالعرض ولا عشر رجاله يعرفوا يحركوها لكن لقدام واحد او اتنين يحركوها بسهوله لكن لو شديت فرامل اليد كويس تحريكها للامام يبقى في نفس صعوبة تحريكها للجنب لانك لغيت المسار السهل.
الabs فايدته انه بيحافظ علي المسار السهل ده ويمنع العجل من التوقف تماما وباتلي يديك القدره عل التحكم في اتجاه العربيه حتى في حاة الفرمله الشديده.
عذرا للاطاله وارجو اني اكون قدرت اوصل الفكره.

المشاركة الأصلية كتبت بواسطة mmamdouh

الabs مش بيقلل مسافة التوقف

mmamdouh

انا كمان كنت داخل أقول كده الabs مش بيقلل مسافة الفرامل .... ممكن حتى المسافة تزيد .
الفايدة الوحيدة للabs ان العربية متفقدش السيطرة اثناء الفرامل يعنى بيسهل التوجيه اثناء الضغط على الفرامل .

المشاركة الأصلية كتبت بواسطة human12

لو العربيه هتتزحلق فى تراب هيقلل المسافه عشان العربيه مش هتتزحلق كذا متر

ولا ايه رأيك؟

لو عربية مفيهاش abs و هتتزحلق فى تراب مثلا مسافة 15 متر بسبب القصور الذاتى المرتبط بوزن العربية و سرعتها .
و نفس العربية بس فيها abs هتقف فى نفس المسافة و ممكن اكتر بسبب ان قوة القصور الذاتى ثابتة على أساس ثبات وزن العربية و سرعتها .
الفايدة بتاعت الabs هى انك هتقدر مثلا انك هتقدر مثلا و انت بتفرمل فى التراب ده انك توجه العربية و تفادى مثلا التصادم .