الموضوع: قصه نجاح ..وقصص فشل(تجربه حياه) الجزء الثانى

كنا وقفنا عند انى كلمت صاحبى فى فرنسا
وقولتله انا جايلك يا معلم اتفسح عندك شوية
لقيته بيقولى لا متجيش علشان الشباب اللى بيولوعوا فى العربيات
( فى شهر 11 سنة 2005 كان الشباب الجزائرى والمغربى
اللى اتولدوا هناك ويطلق عليهم الجيل الثالث من المهاجرين
كانوا عاملين شغب بسبب انهم بتعاملوا كمواطنين من الدرجة
التانية رغم انهم اتولدوا واتربوا فى فرنسا ) المهم صاحبى دا
عرفت فيما بعد انة مكانش عايزينى أروحله ... فى الغربة فعلا
بتعرف هو مين فعلا صاحبك المهم قالى طيب ما تروح روما
على الاقل فى هناك صاحبنا حمادة قولتلة مش معقول
دا كان واحد صاحبى كنت بلعب معاه كورة على الاسفلت لما
كنت بروح البلد مع أبويا فى الصيف كنت حاسس انى فى فيلم
عربى من الأفلام القديمة بتاعة الخمسينات ... اخر مرة لعبت
معاه كورة كان عندى 11 سنة ومن بعدها مشفتوش وألاقيه فين
هنا فى روما مش فى مصر .. المهم خدت رقم تليفونة وكلمتة
مبقاش مصدق وركبت القطر وروحتلة طبعا أول مرة أشوف روما
مكنتش مصدق نفسى ... معقولة فى ناس ماشية فى الشارع
الساعة 11 باليل؟؟؟ لان فى Bolzano الناس تقريبا بتنام من
المغرب وتيجى الساعة 8 باليل متقليش حد ماشى فى الشارع
مفيش غير الاتوبيسات والشرطة وبس المهم ياجماعة
عجبتنى أوى روما وسألت حمادة يشوفلى شغل لانى مش عايز
أرجع Bolzano تانى قعدت أسبوع فى البيت عنده ولقيت شغل
فى أنترنت كافية بتاع واحد مصرى اشتغلت معاه شهر وسبت الشغل ومشيت لانه كان ماكانش بيدفع كويس دا
غير انه مكنش عايز يسجلنى علشان
ميدفعش تأمينات بعدها بيوم واحد لقيت شغل
تانى فى بار الصبح أعمل قهوة وكابتشينو قلت وماله بس برده
كنت خايف من موضوع الخمرة وانى فى مكان كله خمرة
ويمكن ألمسها تانى يادى القرف ... اضريت أقبل الشغل
لنفس الاسباب السابقة انى مش هقعد عالة على صاحبى
فى نفس الوقت بدئت دورة ادارة فنادق ودى تمنها 5000 يورو
الناس اللى معايا يقولوى يابنى تضيع فلوسك فى دورة زى دى
طبعا مكانوش يعرفوا ان اللى بيستثمر فى نفسة عمر فلوسة ما
بتضيع وانا مجربها فى اللغات قبل كدا المهم الدورة دى كانت فى
الشيراتون واللى بيدينا الدورات المدير المقيم فى الشيراتون
الراجل اتكلمت معاه على شغل فى الاستقبال قالى مفيش غير
البار اية رايك ؟ قولتله انا شغال فى بار وعايز اطبق اللى
بدرسة فى الدورة عملى سواء كان استقبال أو تسويق
قالى مفيش غير البار ازى كان عاجبك .... قولتله ماشى
قالى خلاص تيجى بكرة تمضى العقد وبالفعل روحت علشان
أمضى العقد كشغل فى البار لقيته بيقولى هتشتغل فى الاستقبال
لقيت نفسى بدمع من الفرحة انى ربنا نجانى مش شغل الخمرة
وفى نفس الوقت هشتغل فى الاستقبال ... عملولى فترة تدريب
لمدة 3 أسابيع من تانى يوم كنت بعمل cheak in-out الناس
اللى معايا فى الشغل مبقوش مصدقين واللى يقولى دا قعدت اسبوع
علشان أطلع اتكلم مع زبون واللى يقولوا برافوا هما دول
المصريين حاسسونى انى كنت بعبر قناة السويس
اشتغلت هناك 9 شهور وبعديها لقيت فرصة شغل فى
الانتركونتنتال روما و الحياة بدئت تحلو شوية معايا
ولنا لقاء أخر

المشاركة الأصلية كتبت بواسطة wael3m

كنا وقفنا عند انى كلمت صاحبى فى فرنسا
وقولتله انا جايلك يا معلم اتفسح عندك شوية
لقيته بيقولى لا متجيش علشان الشباب اللى بيولوعوا فى العربيات
( فى شهر 11 سنة 2005 كان الشباب الجزائرى والمغربى
اللى اتولدوا هناك ويطلق عليهم الجيل الثالث من المهاجرين
كانوا عاملين شغب بسبب انهم بتعاملوا كمواطنين من الدرجة
التانية رغم انهم اتولدوا واتربوا فى فرنسا ) المهم صاحبى دا
عرفت فيما بعد انة مكانش عايزينى أروحله ... فى الغربة فعلا
بتعرف هو مين فعلا صاحبك المهم قالى طيب ما تروح روما
على الاقل فى هناك صاحبنا حمادة قولتلة مش معقول
دا كان واحد صاحبى كنت بلعب معاه كورة على الاسفلت لما
كنت بروح البلد مع أبويا فى الصيف كنت حاسس انى فى فيلم
عربى من الأفلام القديمة بتاعة الخمسينات ... اخر مرة لعبت
معاه كورة كان عندى 11 سنة ومن بعدها مشفتوش وألاقيه فين
هنا فى روما مش فى مصر .. المهم خدت رقم تليفونة وكلمتة
مبقاش مصدق وركبت القطر وروحتلة طبعا أول مرة أشوف روما
مكنتش مصدق نفسى ... معقولة فى ناس ماشية فى الشارع
الساعة 11 باليل؟؟؟ لان فى Bolzano الناس تقريبا بتنام من
المغرب وتيجى الساعة 8 باليل متقليش حد ماشى فى الشارع
مفيش غير الاتوبيسات والشرطة وبس المهم ياجماعة
عجبتنى أوى روما وسألت حمادة يشوفلى شغل لانى مش عايز
أرجع Bolzano تانى قعدت أسبوع فى البيت عنده ولقيت شغل
فى أنترنت كافية بتاع واحد مصرى اشتغلت معاه شهر وسبت الشغل ومشيت لانه كان ماكانش بيدفع كويس دا
غير انه مكنش عايز يسجلنى علشان
ميدفعش تأمينات بعدها بيوم واحد لقيت شغل
تانى فى بار الصبح أعمل قهوة وكابتشينو قلت وماله بس برده
كنت خايف من موضوع الخمرة وانى فى مكان كله خمرة
ويمكن ألمسها تانى يادى القرف ... اضريت أقبل الشغل
لنفس الاسباب السابقة انى مش هقعد عالة على صاحبى
فى نفس الوقت بدئت دورة ادارة فنادق ودى تمنها 5000 يورو
الناس اللى معايا يقولوى يابنى تضيع فلوسك فى دورة زى دى
طبعا مكانوش يعرفوا ان اللى بيستثمر فى نفسة عمر فلوسة ما
بتضيع وانا مجربها فى اللغات قبل كدا المهم الدورة دى كانت فى
الشيراتون واللى بيدينا الدورات المدير المقيم فى الشيراتون
الراجل اتكلمت معاه على شغل فى الاستقبال قالى مفيش غير
البار اية رايك ؟ قولتله انا شغال فى بار وعايز اطبق اللى
بدرسة فى الدورة عملى سواء كان استقبال أو تسويق
قالى مفيش غير البار ازى كان عاجبك .... قولتله ماشى
قالى خلاص تيجى بكرة تمضى العقد وبالفعل روحت علشان
أمضى العقد كشغل فى البار لقيته بيقولى هتشتغل فى الاستقبال
لقيت نفسى بدمع من الفرحة انى ربنا نجانى مش شغل الخمرة
وفى نفس الوقت هشتغل فى الاستقبال ... عملولى فترة تدريب
لمدة 3 أسابيع من تانى يوم كنت بعمل cheak in-out الناس
اللى معايا فى الشغل مبقوش مصدقين واللى يقولى دا قعدت اسبوع
علشان أطلع اتكلم مع زبون واللى يقولوا برافوا هما دول
المصريين حاسسونى انى كنت بعبر قناة السويس
اشتغلت هناك 9 شهور وبعديها لقيت فرصة شغل فى
الانتركونتنتال روما و الحياة بدئت تحلو شوية معايا
ولنا لقاء أخر

متااااااااااااااااااااااا ااااااابع كامل ؟؟؟

متابع يا وائل فعلا قصه جمليه ربنا يباركلك

احلى حاجه في الموضوع ده انوا مسلسل ولا بولد اند بيوتيفول. بقالوا 4 شهور و لسه شغال.
اسلوبك شيق و ممتع و قصة حياتك فعلا مشوقه بس انت نفسك عارف نهايتها ايه؟

يقول الله عز وجل (ومن يتقي الله يجعل له مخرجا ويرزقه من حيث لا يحتسب )
يقول الله عز وجل (ومن يتقي الله يجعل له من امره يسرا)
يعني لو هنطبق الاية الكريمة هيكون كلامك مش مبرر انك تشتغل في الاماكن دية علي الاطلاق
خصوصا حديث الني صلي الله عليه وسلم ( ان الله حرم بيع الخمر والميتة والخنزير والاصنام ) فقيل يارسول الله ارايت شحوم الميته فأنها يطلي بها السفن ويدهن بها الجلود وبستصبح بها الناس فقال (لا هو حرام) ثم قال رسول الله صلي الله علية وسلم عند ذلك (قاتل الله اليهود ان الله لما حرم شحومها جملوه ثم باعوه فاكلوا ثمنة) رواة البخاري
وعن عائشة رضي الله عنها قالت -لما نزلت ايات سورة البقرة عن اخرها خرج النبي صلي الله علية وسلم فقال (حرمت التجارة في الخمر) رواه مسلم
وقال جابر - رضي الله عنة -حرم النبي صلي الله علية وسلم بيع الخمر
ولازم الواحد يحسن الظن في الله عز وجل

والله ياوائل انا معجب حقيقة بقصة كفاحك وربنا يقويك وانتا بصراحة مثال للشاب العصامى برغم الحاجات اللى ممكن نقول عليها انك كنت مجبر انك تعملها ولكن كونك انك ذكرتها فدا يبرر انك إنسان صادق وعلى رأى المثل ( قول الحق فضيلة) وانا فى انتظار باقى مذكراتك وربنا يعينك والف الف مبروك على المحل الجديد وإن شاء الله يكون فتحت خير عليك وتكون برضه سبب انك تساعد واحد يكون فى حاجة زى ما فى ناس ساعدتك.. والله الموفق