صوت تزييق مجننى فى اللوجان

**alex_life1989** · 28-12-2009 01:05 PM

يا باشا ان شاء الله بسيطة و حتتحل
و لو انت فاضى فى اى وقت روح على التوكيل و شوف ايه الحكاية
مع العلم ان احنا عندنا فى اليكس مفيش حجز للتوكيل ولا حاجة بتروح و بتدخل علطول

**MoHaMed HaMeD** · 28-12-2009 01:46 PM

انا زيك بس صوت التزيق جى من ناحيه الكرسى وساعات يبقى موجود وساعات يبقى لا علمت الى استاذ مصطفى قال عليه لقيتها زى ماهى هو باين الكراسى عايزه تتربط ان شاء الله لما اروح صيانه 5000 اظبط الحوار ده

**menocomp** · 28-12-2009 03:27 PM

المشاركة الأصلية كتبت بواسطة ahmed a.maksoud

بص يا باشا هو لو الصوت بيزيد و أنت جنب الرصيف يبقى غالباً بيبقى بسبب تراب فى العفشة أو أفيز عاوز يتأرط عليه.......حاجة مش مقلقة خالص

بس لازم تحدد نوع الصوت لأنك فى موضوع تانى قولت ونة.....و هنا قولت تزييق و أنا بتكلم على صوت صفارة.....يعنى ال 3 أصوات مختلفين.

تفتكر زى أيه العربيات المجربة المتوفرة فى الشارع ؟؟؟؟؟؟؟

شكرا يا أحمد باشا , بس بجد انا مش عارف الصوت عبارة عن اية هو بالنسبالى صوت بس حقيقى معرفش اية الفرق بين الونة والصفارة والتزييق بالنسبالى التلاتة واحد.

المشاركة الأصلية كتبت بواسطة hamed_73

انا زيك بس صوت التزيق جى من ناحيه الكرسى وساعات يبقى موجود وساعات يبقى لا علمت الى استاذ مصطفى قال عليه لقيتها زى ماهى هو باين الكراسى عايزه تتربط ان شاء الله لما اروح صيانه 5000 اظبط الحوار ده

باذن الله فى صيانة ال 5000 اقولهم عليها

**zkralla** · 28-12-2009 03:29 PM

المشاركة الأصلية كتبت بواسطة ahmed a.maksoud

هو صوت تزييق و لا صوت صفارة واطية قوى و بتبان قوى وأنت جنب رصيف ؟؟؟

حضرتك تقصد أيه او شاكك فى حاجة معينة

**menocomp** · 28-12-2009 03:33 PM

المشاركة الأصلية كتبت بواسطة raedegypt

ايه الحلاوة دة تزييق وعصايه فتيس ترتعش وال يقولك عدى على التوكيل يعنى سؤال هى الناس بتشترى الزيرو لترتاح من هم العربيات والورش وهنا بدل الورش روح للتوكيل ولما تروح يقلك احجز ميعاد انا مش فاضى لك . ياجماعه خليكوا فى العربيات المجربه المتوفرة فى الشارع

أخى الفاضل , أنا بتكلم عن عيب موجود فى عربيتى عبارة عن صوت بسيط وانا على سرعات عالية وبيالنسبالى هو مش مهم اوى وعلى صيانة ال 5000 حقول للتوكيل علية.
ياريت تقولى اية هي العربيات المجربة فى الشارع علشان اجربها انا كمان.

**gebreel** · 28-12-2009 03:40 PM

بالاضافي لردود الاعضاء بخصوص العربيات المتجربة فالعربيات المتجربة دي بردو ليها مشاكل و مشاكل كبيرة الفكرة كلها ان سببها معروف و حلها كمان معروف و ده نتيجة لوجود العربية في الشوارع لمدة لا تقل عن 4 او 5 سنوات و اتعرفت عيوبها و حلولها

تاني حاجة ان الحاجات دي بتبقى حاجات فردية مش اكثر يعني انا الحمد لله معنديش الصوت ده خالص و في نفس الوقت عندي رعشة في الفتيس (خفيفة) و مش موجودة في عربيات تانية

و هقتبس كلمة كان العقيد خالد قالها و احنا في المقابلة اللي فاتت ان لما بيبقى فيه 2 اخوات و توأم مبتعرفش تفرق بينهم الا بعد فترة فمتحاولش تقنعني ان في مصنع في الدنيا كلها بينتج عدد من العربيات مهوول كل سنة و بيصدر لدول كثير و مش هيبقى فيه عربية مختلفة عن التانية و مفيش عربية في العالم ملهاش عيوب الكمال لله وحده

**hobby10** · 29-12-2009 01:57 AM

والله ياجماعة انا برضه بسمع صوت من ناحية السواق هو زى صوت تكتكة كده .. اكن مثلا عارفين الشريط اللى بتتربط بيه الطاسات بتاعت العجل لو الشريط بيخبط فى الطاسة ... صوت شبه كده ولما بقفل الازاز مبسمعش حاجة خالص ... وبرضه مش عارفة احدد الصوت ده من ايه وبرضه بنزل ابص ومش عارفة

وكمان بقى عندى صوت ازازة الميه اللى فى ناس اتكلمت عليه قبل كده واحساسى انه جاية من قدام بس برضه مش متأكدة

**Col. Eng. Khaled** · 29-12-2009 02:27 AM

المشاركة الأصلية كتبت بواسطة raedegypt

ايه الحلاوة دة تزييق وعصايه فتيس ترتعش وال يقولك عدى على التوكيل يعنى سؤال هى الناس بتشترى الزيرو لترتاح من هم العربيات والورش وهنا بدل الورش روح للتوكيل ولما تروح يقلك احجز ميعاد انا مش فاضى لك . ياجماعه خليكوا فى العربيات المجربه المتوفرة فى الشارع

Welcome Back

**Ahmed Selim** · 29-12-2009 09:28 AM

المشاركة الأصلية كتبت بواسطة zkralla

حضرتك تقصد أيه او شاكك فى حاجة معينة

كان فى صوت بيحصل معايا زمان و مش فاكر من أيه بالظبط بس هو كان بيبقى جاى من ناحية العجلة الشمال الخلفية عبارة عن صوت صفارة بسيطة قوى و بتبان تحديداً لما يبقى ناحية الشمال فى عربية تانية أو رصيف

أنا مش فاكر السبب بالظبط اللى قالولى عليه فى التوكيل بس غالباً كان تراب على الطنابير الخلفية

المهم أنها حاجة بسيطة و بتتنضف و مفيش منها قلق.

و لو هو صوت تكتكة خفيفة بتزيد مع زيادة السرعة يبقى زلطة فى الكاوتش.....و ده اللى عاوز الأستاذة hobby10 تبص عليه.

-

الموضوع: صوت تزييق مجننى فى اللوجان

LinkBack

أدوات الموضوع

عرض

-

-

-

-

-

-

المواضيع المتشابهه

لكل اللي عنده مشكلة تزييق في عفشة اللوجان ......... الحل السحري

لاب توب ديل مجننى مع و يندوز 8

صوت مجننى يا شاركاوية !!!!!

صوت مجننى

صوت تزييق فى عفشة اللوجان

الكلمات الدلالية لهذا الموضوع

المفضلات

المفضلات

ضوابط المشاركة