الموضوع: بتدي عربيتك لحد تاني يسوقها؟

المشاركة الأصلية كتبت بواسطة NoRmAl

لايمكن
مطلقا
وكمان فى مثل بيتقال على الحكايه دى بس مينفعش اذكره :)

هههههههههههه
اوعك تقولو

طبعا الموضوع مهم جدا وشائع جدا بين الناس وبعضها , المشكله الي بتحصل معايا ومش عارف بجد حلها ايه هي وان انا للاسف لما يجي حد يطلب مني ان يسوق عربيتي بتكسف اقوله لا او بلاش او كده خصوصا لما اكون عارف انه بياخد عربيات اصحابه الاخرين وبيسوقها عادي والعكس , مشكلتنا هنا ان كتير من الناس مش بتحترم او تتفهم خصوصيات الناس وكتير منهم لا يحترم رايك وانهم اتعودا على انك تقولهم "نعم " في كل شئ وياويلك لو قولتهم "لا" , انا راي ان زي ما الناس بتقول هنا انه ما ينفع تسلم او تخلي حـــد يسوق عربيتك او انت تسوق عربية حد ويكون الموضوع استثنائي فقط مع الاقارب (تكون معاهم) او طبعا حد من عائلتك (والدك-والدتك-اخوك-اختك) بجد يا جماعه خلي عندكوا مبدأ وهو لا اسوق عربية حد ولا اخلي حد يسوق عربيتي بسسسسسس

عربيتى محدش بيركبها غيرى انا و اخويه ...
لانها بتاعنا احنا الاتنين من يوم ما اشتريناها ...
و احنا الاتنين سواقتنا زى بعض و محدش فينا يختلف عن التانى ...
و الكرسى و المرايه الحمد لله العربيه كراسى كهرباء بالميمورى ...
انما اصحابى و كده واحد بس بثق فيه ممكن ياخدها يجيب حاجه و يرجع ...
غير كده مفيش ..

المشاركة الأصلية كتبت بواسطة eng.geo

:pointi~2[2]:
جامدة جدا
بالنسبة للموضوع:
انا كنت انا واصحابي عربياتنا واحدة
يعني انا عربيتي مش فاضية او فيها حاجة فبروح لاي واحد من اصحابي واخد عربيته عادي جدا بدون اي مشاكل وبكون محرص جدا علي عربية صاحبي اكتر من عربيتي
لغاية هذا الموقف : واحد صاحبي قاللي عايز العربية عشان رايح مشوار مهم وبعد نص ساعة اتصل بيا يقوللي تعالة عشان العربية مش شغالة (أنا قلت يمكن فاصلة كهربا ولا حاجة ) المهم نزلت رحتلة ولقيت المصيبة .............. العربية بقت هاتشباك
العربية كانت نيسان صني موديل اخر 2008
وعرفت تفاصيل الحادثة وهي انه كان بياخد غرزة ... تفاصيل الغرزة : الطريق اتجاهين يساعي عربيتين جمب بعض فقط .. فكان في عربية قدامه راح جاي في الاتجاه التاني علي يمين العربية عشان ياخد غرزة لقي عربية جاية في وشة راح دخل علي العربية اللي جمبه بالشنطة والعربية الي جاية في الاتجاه التاني دخلت برده في الشنطة ....عملوا الشنطة سندوتش
ومن ساعتها مبسوقش عربية حد من اصحابي وبعت العربية بعد ما صرفت عليها عشرة الاف .... وده بسبب اني اتشائمت منها وكانت تاعباني

انت عاوز تقولي ان حضرتك الي دفعت ثمن الحادثه " وكلها كمان " يعني الواحد بيقدر الناس الي بتيجي وتطلب العربية مننا وهم للاسف الشدييييييييييييييييييييي ييييييييييييييد مش بيقدرونا والله العظيم يا جماعه يعني ممكن تلاقي العربيه مخبوطه (مش حادثه) او متجرحه (وحتى لو عرض عليك انه يصلح الحاجات دي على حسابه صاحب العربيه بيرفض) وساعات كتير اوي وبتحصل يجي يجيبلك السيارة ومفش فيها نقطه بنزين وعلى فكره كل ده باين ماشي لكن الي مش هيبان ولا عمره هيتعرف ان الي اخد العربيه ده من النوع الي بيحب الحرق والفحت ورفع الهاند,,الخ "صاحب العربيه المسكين " مش هيعرف للاسف دي نقطه , النقطه التانيه :_ ودي بقى في منتهى الخطورة يا جماعه ممكن احد يستلف العربيه وصاحب العربيه مش معاه ممكن طبعا علشان العربيه مش بتاعته ممكن يرتكب بيها مخالفات سواء بقى كسر اشارة -ركن في الممنوع -سير عكس اتجاه وطبعا الباشا هيسلمك مفتاح العربيه وهو مبسوط وبيضحك وانت مش عارف انه لبسك في الحيط يوم ما تيجي تجدد الرخصه ,,,,يبقى الحل هو عدم تسليم السيارة لاي شخص كان نهائيا الا اذا كان صاحب السيارة مع هذا الشخص وشكرا