طوبة فى الكبوت عملت نقرة صغيرة بس شكلها وحش جدا

**zkralla** · 30-12-2009 08:29 PM

المشاركة الأصلية كتبت بواسطة col. Eng. Khaled

سيبها يا باشا و الحمد لله ما جاتش في السقف

و فعلا زي الزميل ما قال أوعى تخلّي حد يفك عظم الكبود (الخوصة)

إن شاء الله وقت ما ربنا يحقق المراد ، أعملها لحضرتك نقوط العربية

ربنا يبارك فيك يا جنزال وأنا والله - وربنا الاعلم بالقلوب - بتمنى أن ربنا يوفقك وييسرليك الخير وبعدين يا جنزال نقوط أيه يا باشا حضرتك لو نقطت كل حبايبك فى المنتدى والقسم ( شوف قد ايه )
بسم الله الرحمن الرحيم " إن الذين آمنوا وعملوا الصالحات سيجعل لهم الرحمن ودا "
يبقى الشغل هيكون على ودنه بس الفلوس مش هتكون على ودنه خالص
الف شكر يا سيادة العقيد

**bassem.naguib** · 30-12-2009 08:46 PM

المشاركة الأصلية كتبت بواسطة zkralla

الف شكر يا باشا على الاهتمام
موضوع الحاجة الى زى التلج ده أنا مسمعتش عنه وها احاول اعمل سرش عليه
موضوع الشفاط ده واحد معرفة قالى عليه بس معندوش اى تفاصيل وأنا باسأل لو حد عنده تفاصيل اكتر
وبعدين صاج الكبوت - وده ضايقنى فى الحالة ديه - صاج محمل وحاسس أنه مدملك كده وصعب رده وأنا لانى من انصار المدرعات الحربية كان عجبنى الصاج لغاية الطوبة الملعونة ديه (بس فعلا لسه عاجبنى ومش مهم الطوبة خالص )
اكيد الواحد لو فيه فك دعامات مش هيفك الدعامات لانها مش سهل ترجع زى ماكانت وبعدين كل الدعامات مرتبطة ببعض فى الكبوت وتقريبا مغطيه حوالى نصف مساحة الكبوت يعنى الموضوع مش هيبقى سهل ومشكور على الاهتمام والنصيحة

يا باشا .. مفيش شكر ولا حاجة .. وبعدين أنا كنت بسأل عن حاجات في اللوجان .. ومبخلتش عليا في الرد سواء حضرتك ولا سيادة (القائمقام) خالد باشا .. اللي من الواضح أنكم شخصيات محترمة بجد .

أنا رغم أني معرفش حضرتك إلا أني حسيت أن العربية بتاعتي وحصل فيها الكلام ده .. وهي حاجة تضايق حتى لو صغيرة علشان العربية لسه جديدة (ربنا يبارك ليك فيها ويكفيك شرها) .

على فكرة فيه سمكري أسمه زينهم .. ومكانه في الشارع اللي بعد محطة البنزين (اسو على ما اتذكر) اللي قدام نادي المقاولون العرب (الشارع دخلته بتاعة قرافة "مقابر يعني") .. انا معرفوش معرفة شخصية .. بس واحد صاحبي يعرفة واتعامل معاه كمان .. وده مش عاوز أقولك غير أنه أقل حاجة عفريت في السمكرة .. وكفاية أن معرض مشهور جنبه في المنطقة بيودي ليه العربيات الزيرو المخبوطة (ومش عاوز أقول ليك على الماركات) .. وبيرجعها ولا أكن فيها حاجة .. وشفت شغلة في عربية صاحبي ده في حاجات مشابهة ويمكن أكبر كمان بكتير .. ورجعها ولا أكن شاكوش مشي عليها .

لو مضيقاك الخبطة قوي روح عنده وهو يعملهالك .. وأنا انصح أنك تسيبها شوية علشان تاخد العين .

**alfa_we** · 30-12-2009 09:06 PM

وانا الى كنت فاكر الموضوع سهل انا سمعت فعلا عن موضوع التلج وكمان الشفط بس معنديش تفاصيل عنهم ياريت لو حد يعرف حاجة عن الموضع دا ميبخلش علينا بيه

**bishoy02010** · 30-12-2009 09:16 PM

المشاركة الأصلية كتبت بواسطة zkralla

الف شكر يا بشوى وبكره أن شاء الله احاول اصورها وطمنا رحت التوكيل تانى ولا لسه ؟

العفو
قريب انشاء الله خلاص قربت على ال 10 تلاف

وموضوع الدعامات فنا منصحكش انك تفكة طبعا وموضوع التلج انا شوفت الموضوع وعارفة كويس بس معتقدش انة هينفع فى النقرة اللى تحتيها دعامات ديه بس جرب مش هتخسر حاجة بس المشكلة محدش عرف مكان الثلج ده فين للأسف

**waleedrahmy** · 30-12-2009 09:50 PM

سيبها زي ماهية وانساها خالص واوعي تلعب في العربية دي مو2010

**youssefmegane** · 30-12-2009 10:12 PM

انا كمان رأيى تسيبها تاخد العين و بلاش موضوع فك الدعامات ده

**alex_life1989** · 30-12-2009 10:58 PM

خليها زى ما هيا على الاقل تاخد العين
و ابقى اسال فى التوكيل
بس نصيحة اوعى تفك الخوصة ابدا كده حتصلح حاجة و حتبوظ حاجاة تانية
لانه عمره ما حيرجعها زى الفبريكة مهما عمل

**MoHaMed HaMeD** · 30-12-2009 11:03 PM

سيبها لغايه ماتورح التوكيل ان شاء الله

انا بقى الشماسه النهارده اتكسرت منى وانا بعدلها علشان الشمس ضربه فى ياترى هتتغير عند الصيانه ولا ايه ظروفها

**ramy_gamal** · 30-12-2009 11:12 PM

طبعا فك العضم دة شيى مش مستحب
والمنتشر اوى دلوقتى نظام الشفط بيرجع الصاج زى الجديد بالظبط انا صحبى عملها فى عربيته وطلعت زى الفل . بس انا من اسكندريه والراجل اللى قصدى عليه من هنا ( فى سيدى جابر )

-

الموضوع: طوبة فى الكبوت عملت نقرة صغيرة بس شكلها وحش جدا

LinkBack

أدوات الموضوع

عرض

-

-

-

-

-

-

-

-

المواضيع المتشابهه

طوبة وقعت على كبوت العربية

عملت وش نظافة والعربية اتخبطط وهيا واقفة فى اول اسبوع فى الكبوت والفانوس !!!!!!!!!!!!

نظرية 100 طوبة

طوبة في الزجاج

عملت حادثة صغيرة الحمد لله

الكلمات الدلالية لهذا الموضوع

المفضلات

المفضلات

ضوابط المشاركة