الموضوع: كيفية قيادة عربة مانيوال؟؟

المشكلة عند أي حد بيتعود لسه على قيادة سيارة مانيوال هي أنه يعتاد الضغط على الدبرياج قبل أي شيء .
حاول تتعود تدوس على الفرامل قبل الدبرياج ، وبعدين تدوس دبرياج قبل ما العربية تقف علشان تنقل ، بكدة هتطول عمر الاسطوانة وأداء الفرامل هيكون أحسن . ومتخافش العربية مش هاتبطل ولا حاجة .

أحب أضيف حاجة كمان وهي حكاية الوقوف على المطالع لما تحس إن العربية هترجع لورا لو نقلت رجلك من الفرامل إلى دواسة البنزين في الوقت اللي ممكن رجلك متكونش متعودة على نقطة الفصل في الدبرياج حلها بسيط جداً وهو إنك تشد فرامل اليد ، وتضبط وضع رجلك على البنزين والدبرياج وتنزل فرامل اليد قبل الحركة كدة العربية مش هترجع لورا ولا نص سنتيمتر .
تقبل خالص مودتي

بلاقى تقل او عضة فى الفتيس لما انقل للتانى (يعنى لما اكون على سرعة 70 او 60 والطريق يهدى وتكون السرعة 40او 30 وانقل للتانى بلاقى عضة فى الفتيس,,, لكن لما اكون على الاول وبعدين اجيب التانى مبيكنش فى مشكلة خالص والتانى بيجى بسهولة),,
يا ترى العيب فية ولا فى الفتيس,, خصوصا انى مبتدىء سواقة منيوال:o

المشاركة الأصلية كتبت بواسطة elrasy

بلاقى تقل او عضة فى الفتيس لما انقل للتانى (يعنى لما اكون على سرعة 70 او 60 والطريق يهدى وتكون السرعة 40او 30 وانقل للتانى بلاقى عضة فى الفتيس,,, لكن لما اكون على الاول وبعدين اجيب التانى مبيكنش فى مشكلة خالص والتانى بيجى بسهولة),,
يا ترى العيب فية ولا فى الفتيس,, خصوصا انى مبتدىء سواقة منيوال:o

أولا تأكد 100 % أنك بتدوس على أخر مشوار دواسة الدبرياج علشان تفصل حركة التروس خالص
ثانيا أتأكد أنك بتحط الغيار في مكانه بالظبط
و و بعد كدا ما تغيرش على التاني إلا لما سرعتك تنزل لعشرين مثلا ( جرب و شوف أيه النتيجة ) لأن خلي بالك و أنت بتطلع بالسرعة غير لما تنزل بيها علشان سرعة الموتور
و إن شاء الله المشكلة تتحل

تسلم على الرد وعلى الاهتمام وهبقى اجرب واقولك,,
سؤال كمان: على غلطت انى اجيب الاول والعربية بتتحرك ,, يعنى لازم اجيب الاول فى حالة سكون العربية بس ولا ممكن اجيبة والعربية بتتحرك على الهادى,,,
مع ملاحظة انى لما اجيب الاول والعربية فى حالة حركة بيكون صعب اوى ولما اجيبة من السكون بيكون سهل جدا.

المشاركة الأصلية كتبت بواسطة elrasy

تسلم على الرد وعلى الاهتمام وهبقى اجرب واقولك,,
سؤال كمان: على غلطت انى اجيب الاول والعربية بتتحرك ,, يعنى لازم اجيب الاول فى حالة سكون العربية بس ولا ممكن اجيبة والعربية بتتحرك على الهادى,,,
مع ملاحظة انى لما اجيب الاول والعربية فى حالة حركة بيكون صعب اوى ولما اجيبة من السكون بيكون سهل جدا.

بص الغيار الأول تقريبا يستخدم و العربية في وضع سكون تام ..... أو حركة بسيطة خالص
يعني مثلا حركة العربية ما تسبقش واحد ماشي جنبك مشي على رجليه
أما لو العربية في حالة حركة و ماشية مثلا على سرعة 5 أو 10 كيلومتر في الساعة
يبقى خليك في التاني على طول ........ لأن النزول بالغيار غلط ممكن يدمرلك التروس و يقلل عمرها

[quote=tutankhamoun;131088]أولا تأكد 100 % أنك بتدوس على أخر مشوار دواسة الدبرياج علشان تفصل حركة التروس خالص
ثانيا أتأكد أنك بتحط الغيار في مكانه بالظبط
و و بعد كدا ما تغيرش على التاني إلا لما سرعتك تنزل لعشرين مثلا ( جرب و شوف أيه النتيجة ) لأن خلي بالك و أنت بتطلع بالسرعة غير لما تنزل بيها علشان سرعة الموتور


ممكن تشرحلى النقطة دى

[quote=elrasy;131307]

المشاركة الأصلية كتبت بواسطة tutankhamoun

أولا تأكد 100 % أنك بتدوس على أخر مشوار دواسة الدبرياج علشان تفصل حركة التروس خالص
ثانيا أتأكد أنك بتحط الغيار في مكانه بالظبط
و و بعد كدا ما تغيرش على التاني إلا لما سرعتك تنزل لعشرين مثلا ( جرب و شوف أيه النتيجة ) لأن خلي بالك و أنت بتطلع بالسرعة غير لما تنزل بيها علشان سرعة الموتور


ممكن تشرحلى النقطة دى

بص يا باشا
الموتور بيوصل لسرعة معينة حسب سرعة السيارة و حسب ظروف التشغيل
يعني مثلا لما بتكون ماشي على 60 و أنت على التالث و نزلت ل 50 أو ل 40 مينفعش تحطها في الثاني ........ إلا لو العربية محملة أو طالعة كوبري
لأنك هتلاقي صوت الموتور علي قوي و تحس أنها راحت مفرملة فرملة لحظية و دي بسبب أنك أجبرت الموتور على تقليل سرعته ( و ده طبعا غلط) و لكن على السرعات القليلة ليس بتأثير كبير على الموتور و لكن على المدى الطويل بيؤثر على الموتور و علبة التروس
يعني مثلا لو أنا بدأت أشغل العربية و حطيتها في الأول و لغاية عشرين أديتها التاني و بعدين لما أوصل 40 أو 50 أديها الثالث و هكذا

و لكن في النزول بعصا السرعات لسرعة أقل بيكون مش بنفس الطريقة علشان الموتور بتكون سرعته عالية شوية ( أنا بتكلم عن سرعة الموتور مش سرعة العربية بس )
فمثلا لو أنا ماشي على االثالث و سرعتي مثلا 60 و راحت السرعة قلت ل 40 مينفعش أحطها في التاني ........ لأن ده أخر التاني 40 أو 50 و لو حطيتها في الثاني هتلاقي موضوع فرملة الموتور و تحس أن في حد بيشد العربية لورا

ملحوظة
طبعا دي بتعملها في حالات الخطر فقط لو أنت مش عارف توقف العربية بالفرامل العادية فبتستخدم قوة الموتور علشان توقف العربية

معلش هنبه علي نقطه....
علي موضوع ان التاني احيانا بيعوض معاك....
خلي بالك من انك تحرك الفتيس و انت لسه مادوستش علي الدبرياج كله 100% هتلاقي موضوع العضه ديه....
فلازم تكون دايس علي الدبرياج علي الاخر في اللحظه اللي بتنقل فيها....لأنك ممكن تفتكر انك بدوس علي الدبرياج علي الاخر (و يكون فعلا بتعمل كده)
بس في نفس الوقت بتكون حركت الفتيس للنقل