كيفية قيادة عربة مانيوال؟؟

**AYMAN4PLUS** · 31-12-2007 08:13 PM

السلام عليكم ورحمة الله وبركاته ،

أنا بدأت تعلم قيادة السيارات يوم 8 ديسمبر 2007 على سيارتى الجديدة الكيا سبكترا 2003 ، والحمد لله بعد حوالى 4 ساعات تعليم أستطيع الآن قيادة السيارة بمفردى وحاليا أتدرب عليها ، ولكن النهاردة اكتشفت حاجة غلط فى سواقتى ، والحقيقة أنا مش مبسوط لان الغلطة دى خطيرة جدا .

النهاردة كنت ماشى على الاوستراد وكنت عايز أغير طريقى من اتجاه الى الاتجاه المعاكس ، وقفت بالسيارة عند فتحة الاتجاه المعاكس وكانت رجلى على الدبرياج وعلى الفرامل ، ولما لقيت مافيش سيارات جاية من الناحية الاخرى حاولت أترك الفرامل وأروح برجلى على البنزين ، فى اللحظة اللى كنت بأسيب فيها الفرامل لقيت العربية بترجع للخلف ، مع العلم ان السيارة على الغيار الاولانى ، طبعا دوست فرامل مرة أخرى والعربية بطلت منى ، مسكت فرامل بقوة ودورت الموتور واتحركت بالعربية ، ازاى معرفش ، ومش فاكر أنا عملت ايه بالضبط ، والله دى حقيقة ، المهم انى اتخلصت من الموقف الخطير ده خاصة ان فى سيارات خلفى وأخرى جاية من الاتجاه المعاكس ، المهم ربنا ستر .

والله انا عندى سؤالين :

السؤال الاول :

ايه اللى انا عملته غلط عشان العربية ترجع للخلف مع انها كانت على الغيار الاولانى ، هل فى حاجة غير انى سبت الدبرياج ؟

السؤال الثانى المهم :

لما أكون عايز أدخل من اتجاه الى اتجاه معاكس ، والعربية فى حالة وقوف تام ، ماهو التصرف السليم والآمن لى ولسيارتى ؟

أرجو الرد من أصحاب الخبرة بقيادة السيارات المانوال .

مع جزيل الشكر والاحترام .

**fahd_628** · 31-12-2007 08:26 PM

ايه اللى انا عملته غلط عشان العربية ترجع للخلف مع انها كانت على الغيار الاولانى ، هل فى حاجة غير انى سبت الدبرياج ؟

عادى يا باشا بتحصل معايا و معانا كلنا و حتلاقى انك كنت واقف على حاجة او الطريق مائل و الحل انك تظبط رجلك انك تطلع عادى جدا و متخفش و لو مثلا عاوز تقف تظبط بالدبرياج و سنة بنزين يعنى متخليش لا العربية ترجع ولا تطلع و لو عاوز تكون فى ال SAFE SIDE فى الأول مادام انت بتتعلم السواقة شد فرامل اليد و هات اول عادى و لما تحس ان العربية خلاص عاوزة تطلع و فرامل اليد هية الى مفرملاها نزل فرامل اليد و الكلام دة برضة فى المطالع :)

لما أكون عايز أدخل من اتجاه الى اتجاه معاكس ، والعربية فى حالة وقوف تام ، ماهو التصرف السليم والآمن لى ولسيارتى ؟

أرجو الرد من أصحاب الخبرة بقيادة السيارات المانوال .

انا مش فاهم قوى قصدك بس لو تقصد انك عاوز تلف فى U Turn انك تبص كويس على العربيات الى جاية فى الأتجاة المعاكس و لما تلاقى الطريق فضى او الحارة الى انت حتاخدها اثناء الملف فاضة ( بتكون الحارة الى جمب اللفة على طول ) و تطلع عادى جدا و تكون واخد بالك كويس من العربيات المعاكسة بس كدة :)

و لو عزت اى حاجة احنا تحت امرك و مبرووووووك العربية الجديدة

**AYMAN4PLUS** · 31-12-2007 08:43 PM

النهاردة كنت ماشى على الاوستراد وكنت عايز أغير طريقى من اتجاه الى الاتجاه المعاكس ، وقفت بالسيارة عند فتحة الاتجاه المعاكس وكانت رجلى على الدبرياج وعلى الفرامل ، ولما لقيت مافيش سيارات جاية من الناحية الاخرى حاولت أترك الفرامل وأروح برجلى على البنزين ، فى اللحظة اللى كنت بأسيب فيها الفرامل لقيت العربية بترجع للخلف ، مع العلم ان السيارة على الغيار الاولانى ، طبعا دوست فرامل مرة أخرى والعربية بطلت منى ، مسكت فرامل بقوة ودورت الموتور واتحركت بالعربية ، ازاى معرفش ، ومش فاكر أنا عملت ايه بالضبط ، والله دى حقيقة ، المهم انى اتخلصت من الموقف الخطير ده خاصة ان فى سيارات خلفى وأخرى جاية من الاتجاه المعاكس ، المهم ربنا ستر .

والله انا عندى سؤالين :السلام عليكم ورحمة الله وبركاته ،

أنا بدأت تعلم قيادة السيارات يوم 8 ديسمبر 2007 على سيارتى الجديدة الكيا سبكترا 2003 ، والحمد لله بعد حوالى 4 ساعات تعليم أستطيع الآن قيادة السيارة بمفردى وحاليا أتدرب عليها ، ولكن النهاردة اكتشفت حاجة غلط فى سواقتى ، والحقيقة أنا مش مبسوط لان الغلطة دى خطيرة جدا .

السؤال الاول :

ايه اللى انا عملته غلط عشان العربية ترجع للخلف مع انها كانت على الغيار الاولانى ، هل فى حاجة غير انى سبت الدبرياج ؟

السؤال الثانى :

لما أكون عايز أدخل من اتجاه الى اتجاه معاكس ، والعربية فى حالة وقوف تام ، أعمل ايه بالضبط ؟ أرجو الشرح بالتفصيل .

أرجو الرد من أصحاب الخبرة بقيادة السيارات المانوال .

مع جزيل الشكر والاحترام .

**AYMAN4PLUS** · 31-12-2007 09:26 PM

أولا

شكرا ياأستاذ فهد على ردك الواضح ، على فكرة انت فهمت قصدى من سؤالى انا فعلا بأتكلم عن الملفات أو الدوران من اتجاه الى اتجاه معاكس .

ثانيا :
أنا آسف لارسال الرسالة السابقة مرتين عن طريق الخطأ .

على فكرة موضوع قيادة سيارات المانيوال من أجمل موضوعات القسم التعليمى . وشكرا لكل من اشترك فى هذا الموضوع .

**momo44** · 07-01-2008 11:13 PM

ده اول رد ليا فى المنتدى اللى بجد عظيم جداااااااااااااا والله وحبيت اضعه فى اعظم موضوع فى المنتدى لان الموضوع ده بجد عجبنى اوى وبين لى الاخطاء اللى فى سواقتى على الرغم من انى بسوق منذ اعوام الا اننى اكتشفت اخطاء خطيرة عند قرائتى لهذا الموضوع
شكراااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااا

**ASD peugeot** · 07-01-2008 11:19 PM

خلي بالك شويه وركز بس

**elrasy** · 08-01-2008 01:15 AM

انا استفدت جدا من الموضوع وبشكر كل الاخوة اللى ردوا علية:)

ارجوا من السادة المشرفين تثبيت الموضوع علشان الفايدة تعم.

**Nistelrooy** · 10-04-2008 10:46 AM

ممتاز جدا الموضوع

**islamnabil** · 10-04-2008 11:59 AM

الموضوع مميز جدا و فعلا انا كمان استفدت جدا
شكرا لكل من ساهم في الموضوع
و ياريت التثبيت

**morabet79** · 19-04-2008 10:08 PM

ما شاء لله موضوع متميز

إللي علمني السواقه عودني إني أدوس دبرياج لما أحاول أهدي العربية عشان متقفش مني

وطبعا إتعودت على الدبرياج وبقيت بدوس دبرياج بس من غير فرامل لما أعوز أهدي " عاده سيئه"