الموضوع: هل السيارات الياباني سيئة ؟؟ استطلاع للرأي

المشاركة الأصلية كتبت بواسطة mirage8582

بس فى حاجة على الرغم انى راكب يابانى بس اللى ماركبش الالمانى ما ركبش عربيات

بداية أحب أقول إن المصنع الأول للسيارات في العالم الآن هو vw مش تويوتا ، vw عدتها الحمد لله ، أما بالنسبة لل ياباني عامةً فهي عربيات إقتصادية و بس متخدش منها أكتر من كدة ، أي عربية ياباني تركبها تحس انها رخيصة جداً و مش مصروف عليها ، د غير إن الأداء عل سرعة العالية طبعاً ضايع ، أما أي عربية ألماني مثلاً من فتحتك للباب وطى بتركب بتحس بإن فلوسها فيها و منتهى الأمان والفخامة ، مش شوية فبر رخص على صاغ تعبان ، د غير إن قطع الغيار في تويوتا مثلاً مش رخيصة رغم إن العربية "low end car"

ahmed sadek ... و كل الناس اللي بتقول علي الياباني انو رخيص اسمحولي لا ثم لا و بعدين قطع غيار التيوتا غالي حبتين بس اكيد ارخص من الالماني و بعدين العربيه نفسها ارخص يعني ...
و بعدين في عربيات ياباني كثيره اوي محترمه جدا و تحس انك راكب عربيه محترمه زي السيفيك و السوبارو مثلا
و بعدين الشركات اليابانيه كل منها عنده انواع متعدده من العربيات للاسف احنا بيجيلنا اقل حاجه فعشان كده الياباني واخد سمعه في مصر مش كويسه زي الاماني مع انه بالعكس بره عربيات وهميه ..

كفايه الايفو و الsti و لا العملاقه الgtr من نيسان اللي تفوقت علي الاودي r8 و غيرها من السيارات الامانيه السوبر كار مع انها بنصف الثمن ...

و بعدين انت بتقول الحمدلله ان فولكس اكبر مصنع ؟؟؟ والله كنت اتمني انك تدعيلنا احنا كعرب نعمل عربيه توحد ربنا حتي انشالله ننافس اللادا يا جدع و بعدين ايه يعني الفولكس دي بتحبها اوي للدرجه دي ؟؟؟ يا باشا الموضوع كله عربيات و شركات ولا انت علي بالهم اساسا

وللعلم انا عندي فولكس فاجن جولف 4 و عمتي اللي هي جارتي معاها باسات 2002 و والله السوبارو بالنسبه لي افضل بكثير منهم الاتنين ... و علي العموم انا اصلا عشقي الاول مرسيدس بنز يعني كلامي ده مش من تحيز للياباني بس راي مجرد راي لاني شايف انها مابقتش فارقه ياباني او الماني المهم ان تكون بسعر مناسب و امكانيات عاليه

بداية أحب أقول إن المصنع الأول للسيارات في العالم الآن هو vw مش تويوتا

اللي اعرفه ان تويوتا الاول ٢٠٠٨
النص الاول من ٢٠٠٩ بردو تويوتا الاول. هل الترتيب اتغير في النص التاني من السنه؟ و يا ريت مصدر المعلومه

المشاركة الأصلية كتبت بواسطة Kazzaz

ahmed sadek ... و كل الناس اللي بتقول علي الياباني انو رخيص اسمحولي لا ثم لا و بعدين قطع غيار التيوتا غالي حبتين بس اكيد ارخص من الالماني و بعدين العربيه نفسها ارخص يعني ...
و بعدين في عربيات ياباني كثيره اوي محترمه جدا و تحس انك راكب عربيه محترمه زي السيفيك و السوبارو مثلا
و بعدين الشركات اليابانيه كل منها عنده انواع متعدده من العربيات للاسف احنا بيجيلنا اقل حاجه فعشان كده الياباني واخد سمعه في مصر مش كويسه زي الاماني مع انه بالعكس بره عربيات وهميه ..

كفايه الايفو و الsti و لا العملاقه الgtr من نيسان اللي تفوقت علي الاودي r8 و غيرها من السيارات الامانيه السوبر كار مع انها بنصف الثمن ...

والدي عنده civic و سقتها كتير بتجري جمد بس ، دي ميزتها ، لكن فرامل وحشة جداً و الخامات بتاعة الصالون ردئىة زي تويوتا كدة ، الباب تحس إن شوية فبر على صاغ ملوش سمك ، أما لو أصدق على acura و infinity و لكزس والكلام دة فدول غلين جداً و بتمن بمو و عوده و مرسيدس ، و بيتفوق عليهم الألمان بردو ، أما بالنسبة لقطع الغيار فازاي تبئة طنبورة الفرامل بتاعة كورولا ب-١٢٠٠ ج ، و بتاعة bmw e90 ب-١١٠٠ ، و دي عربية ب-١٥٠٠٠٠ و البيمر ب-٣٥٠٠٠٠ , فن إلي رخصة بئة ، عامةً العربيات الغالية تمنها فيها و مصروف عليها ، عشان كدة الألمانيا غالي و يستاهل كل جنيه فيه ، والكلام دة عن تجربة ،






و بعدين انت بتقول الحمدلله ان فولكس اكبر مصنع ؟؟؟ والله كنت اتمني انك تدعيلنا احنا كعرب نعمل عربيه توحد ربنا حتي انشالله ننافس اللادا يا جدع و بعدين ايه يعني الفولكس دي بتحبها اوي للدرجه دي ؟؟؟ يا باشا الموضوع كله عربيات و شركات ولا انت علي بالهم اساسا

وللعلم انا عندي فولكس فاجن جولف 4 و عمتي اللي هي جارتي معاها باسات 2002 و والله السوبارو بالنسبه لي افضل بكثير منهم الاتنين ... و علي العموم انا اصلا عشقي الاول مرسيدس بنز يعني كلامي ده مش من تحيز للياباني بس راي مجرد راي لاني شايف انها مابقتش فارقه ياباني او الماني المهم ان تكون بسعر مناسب و امكانيات عاليه

بصوا يا جماعة في الدنيا كلها الياباني يعتبر بعد الاوروبي ل أسباب منها التكنولجيا وال r&d وكده
فنقدر نقول جيدا جدا ...أما رديئة فـمش عارف على أي أساس .....
ولما الياباني يبقى رديء أُمّال الكوري يبقى ايه
والصيني حيتقال عليه ايه....
المقارنة لازم تبقى عادلة يعني لما تقارن ماينفعش تقارن بين الباسات وال كورولا مثلا دي فئة ودي فئة تانية ...وساعتها آه حتقول إن الياباني رديء أما لو قارنتها بالميجان يبقى أوكيه ...نفس الفئة