الموضوع: هل السيارات الياباني سيئة ؟؟ استطلاع للرأي

لا بأس معلومة صغيرة فقط, فيرارى انزو متوفرة بناقل حركة يدوى و ناقل حركة سيلسبيد و هو نسخة مطورة من السيلسبيد القديم, و مركزها الثانى بالمناصفة بينها و بين البى ام فى, أما ألفاروميو و فيات فهم يستخدمون النسخة القديمة من السلسبيد.

لا تعلم اي شيئ عن انزو :)


انزو تستخدم جير بوكس مطور من الDSG اسمه
semi-automatic transmission
حسب الاعلان الخاص بفيراري :)
و من تعرفه انه :

also known as clutchless manual transmission, dual-clutch transmission, automated manual transmission, e-gear, or paddle shift gearbox


و هي نفس خاصيه الDSG :)

لكن الفرق ان الDSG بيستخدم نظام دايركت شيفت و التروس ترتيبها مختلف

لن حق فيراري فتروسه متتابعه بالطول :)

لكنه تستخدم نفس البتكار ( ابو روحين :D ) ههههههههههههههههه

ما فهمته مما كتبته أن الدى سى جى هو ناقل حركة من أودى, أى أن نيسان لم تطوره بل أخذته من أودى فياليتك تخبرنى لماذا لم تستطع نيسان تطوير علبة التروس الخاصة بها؟؟ هل يعانى ال"عملاق" اليابانى الذى تلهث سيارات فيرارى و لمبرجينى و بورش وراءه من نقص حاد فى التكنولوجيا لا سمح الله؟؟؟

من توضيح سابق لموضوع السيلسبيد و السيكونتال ان فيراري لم تطور ناقل الحركه ده
اي شيئ بل اخدته من اوتوموتيف سبلاير كما هو الحال مع نيسان :)


علي فكره اقدر اقول ان مفيش غير 3 شركات سيارات في العالم كله بيصنعوا الجير بوكس لسياراتهم :)

هما 1- فولكس فاجن
2- جينرال موتورز
3- دايملر ايه جي

جنرال موتورز لأنه تملك شركه لصناعه الجير بوكسز
و هو الحال مع دايملر

فولكس فقط هي شركه السيارات اللي بتطور الجير بوكسز لنفسها :)

يا ريت ترد على هذه النقطة.

اعتقد اني رديت :)

ملحوظة أخيرة, الدى سى جى الموجود فى القائمة هو ذلك الموضوع فى سيارة جولف جى تى أى, فأين ذلك الموضوع فى النيسان؟؟ لو لاحظت أن علبة التروس نفسها مختلفة من سيارة الى أخرى فمثلا علبة التروس اس ام جى الخاصة ببى ام فى أخذت مركزين الثانى و الخامس لأن موديل كل واحدة مختلف اى 46 و اى 36 فياريت توضح لنا

سؤال :) هل BMW M5 موديل 90 تطابق سرعه BMW موديل 2002 ؟؟؟

الاتنين نفس المحرك نفس عدد السلندرات مصنوعين في نفس المصنع :)
لكنه التطور يا صديقي :)

موديل علبة التروس الخاصة بنيسان.

6-speed dual clutch automated manual transaxle with triple cone synchros and 3 shift modes

سؤال أخير عالماشى, لماذا لا توجد أى سيارة يابانية فى تلك القائمة؟؟؟ هل لا تزال اليابان الدولة العظمى التى بهرت العالم بتقدمها عاجزة عن تطوير علبة تروس يابانية؟ أم أن ماما أمريكا لم تعطهم الاذن بعد لتطوير شىء مثل هذا؟؟

اقولك ليه :)


لان كان في قانون قديييم في اليابان متشالش غير اخيرا
ان الشركات اليابانيه متصنعش سيارات اقوي من 280 حصان :)
و مفيش سياره تدخل اليابان اقوي من 280 حصان :)

القانون دا تقريبا بقالوا سنه اتشال :)

و دلوقتي بقت القوه الحصانيه لليابانيين غير محدوده بقانون
و حطلع الابداعات لسه :)

نيسان دلوقتي طلعت GT-R
تويوتا حتطلع تويوتا SUPRA الجديده
و لكزس LF-A
و هوندا اعلنت عن سوبر كار لكن لم تعلن اسمها
و اكيورا التابعه لهوندا اعلنت عن NSX :)

كل دول بشاير بعد انتهاء قانون ال280 حصان :)

و لسه بعد سوبارو حتطلع LEGACY H6 STI اللي حتكون اقوي من 600 حصان :) ايضا :)


استعد للوحوش اليابانيه القادمه :)

لو كلامك ده صح يبقي إشمعني المؤامرة المزعومة ضد فيات وبيجو ما طالتش Vw و سيبك من فولفو و ساب ولا هي السويد حليف قوي لأمريكا!!?

و ليه بورش مطلعتش من امريكا ؟؟
و ليه مرسيدس مطلعتش من امريكا ؟؟
و ليه فيراري مطلعتش من امريكا
و ليه لمبروجيني مطلعتش من امريكا ؟؟


مش دول ايطاليين بردوا ؟؟
و مرسيدس المانيه



اه كمان ليه جنرال موتورز اشترت ساب ؟؟
ولا هما بيحبوا يشتروا اعدائهم ؟؟
و ليه جنرال موتورز اشترت اوبل ؟؟
ولا هما برضوا بيحبوا يشتروا عدائهم ؟؟
و ليه فورد اشترت فولفو ؟؟
ولا برضوا هما كمان بيحبوا اعدائهم ؟؟
و ليه مرسيدس بنز اشترت كرايسلر و دودج و جيب ؟؟
ولا هما بيحبوا يشتروا عدائهم ؟؟؟

كلامك خالي من الصحه !!!

المشاركة الأصلية كتبت بواسطة fahd_628

انا صوتت جيدة جدا لأن هنالك الألمانى احسن منة

وانا كمان مع الراى ده

طبعا من كل العربيات الياباني حلوة
انا بعشق النيسان والسوبارو والميتسوبيشي وبس

دى بقى أظرف حاجة انت قلتها من زمان.:)
يا راجل يا طيب هو ايه علاقة علبة التروس بالأحصنة, ده كلام برضه؟ بجد اشرحلى العلاقة بين علبة التروس و الأحصنة الى بيولدها الموتور عشان منكم نستفيد ههههههههاااهاههاهاهاه:)

العلاقه انك مش حتحتاج علبه تروس تستحمل القوه دي علي محرك اصلا صغير
ليه اجيب علبه تروس تستحمل 1000 حصان علي عربيه 200 حصان !!!

عموما لا أعرف كيف يمكن لشركات صغيرة و ضعبفة و متخلفة تقنيا مثل فولكس و جنرال موتورز و مرسيدس و فيات انهم يطوروا علب تروس مثل هذه, بينما تقف الشركات العملاقة مثل داتسون و تويوتا و هوندا عاجزة عن اختراع أشياء بسيطة مثل هذه؟ حقيقة من عجائب الزمن.

تريقه :D بس ماشي :)

للعلم انا مش من محبين تويوتا ابدااا ولا من محبين جنرال موتورز

لكن اكيد انت عارف ان مفيش شركه عربيات بتصنع 100% من السياره :)
يعني مرسيدس كل التابلوه بتاعها و كل نظام الحقن من اول مضخه الوقود لحددد الصبابات :D مصنع من بوش بالكامل
هل اقدر اقول ان مرسيدس متخلفه ؟؟
لا مش متخلفه :) لانهم لقوا انهم لو اشتروا المنتجات من شركه اساسا مطوره للانظمه دي حيكون اوفر من انهم يبدأوا يطوروها بنفسهم :)

جنرال موتورز تقدر تقول هي شركه عندها اكتفاء ذاتي :) من الشركات اللي بتملكها

لكني مش حنسي ان جنرال موتورز بجلاله قدرها اشترت 9% من اسهم سوبارو
عشان تستفيد بأنظمه الكهرباء :)

على فكرة أنا لست من محبى علب التروس الاوتوماتيك أو النصف اوتوماتيكية, أنا من مؤيدى المانيوال و من محبيه, و لا أحب علب التروس الى بتتصرف من دماغها لأنها فى النهاية لا يمكن أن تصل علبة تروس مهما بلغت كفائتها الى ما يمكن أن تصل اليه المانيوال.

كل واحد يسوق اللي يرتاح ليه :)

لكن لعلك لاحظت في ردي السابق ان كل نواقل الحركه اللي اتذكرت تتفوق علي المانيوال
لكن اذا بتتكلم علي الاوتو العادي جدا فأنا شخصيا افضل المانيوال :)

واضح من ردك أنك بدأت تتخبط و بتقول أى كلام و تقتطع كلام من بعضه و تتجاهل بعض الكلام و ترد على بعضه

زي ما انت مرديش كدا علي موضوع السيارات الايطاليه اللي مخرجتش من امريكا
و السيارات الالمانيه اللي مخرجتش من امريكا
و السيارات الالمانيه اللي اشترتها شركه امريكيه
و الشركات الالمانيه اللي اشترت شركات امريكيه :)

مش عارف بصراحة ليه؟

ولا انا :D

ديه مش حرب

ومين قال انها حرب ؟؟؟

أنا بجد مستمتع بالحوار معك

حتي انا والله لأني بدأت ادور و ابحث عن حجات مفكرتش قبل كدا ابحث عنها :)
و اكتشفت السيلسبيد :D

أعرف أن الكثير من الزملاء قد ملوا من حوارنا عن السيارات اليابانية و يتمنون لو انقطعت وصلات النت الخاصة بنا :)

:D




الا هو حضرتك زرت الرابط هنا ؟ :

http://www.nilemotors.net/Nile/showt...523#post134523

المشاركة الأصلية كتبت بواسطة فادى

"ا أستاذ فادي ما هو المضحك؟ أظنه عدم إلمامك بهذه المعلومة التي طرحها PRO-DRIVE

لقد أنتجت هوندا محرك بنزين يدرس في جميع كليات هندسة القوى الميكانيكية
لأنه يعتبر من أكثر المحركات على مستوى العالم توفيراً في الوقود
ومن المحركات التي سبقت عصرها بعقود من الزمن
إنه محرك الشحنة الطباقية (Stratified charge engine)
والكلام هذا درسته في هندسة القوى الميكانيكية

وهذا رابط http://en.wikipedia.org/wiki/Stratified_charge_eng ine

والمشكلة أنه في هذا الرابط يوضح أن فولفو تنوي الإستعانة بميتسوبيشي لكي تصنع محركات من هذا النوع

وهذا ليس جدال مني لإثبات أن السيارات اليابانية جودتها تنافس الأمريكي والأوروبي
فأنا أرى أن الجدال في أمر مسلم به وهو جودة السيارات الياباني مضيعة للوقت

لأن الواقع والإحصاءات في دول العالم أمام أعيننا تثبت أن السيارات اليابانية أصبحت تنافس من سبقوها في الماضي بل إن سياراتها خرج منها أنواع حققت أعلى المبيعات في تاريخ السيارات
وهذا ليس من فراغ فإستطلاع الرأي الذي جرى بأمريكا عن رضاء العميل عن سيارته بعد شراءها فازت به تويوتا
فهل كل العملاء مجانين

وأظن أن التحليل النفسي والسياسي لمن إشتروا هذه السيارات ــــ القول بإصابتهم بالعمى لأنهم إختارو المش الياباني ولم يختارو الشهد الأوروبي والأمريكي ــــ هو نوع من الخيال لإثبات الخيال"

حقيقة لست متابعا لما تخترعه هوندا, لأن هوندا سيارات لا تهمنى, و لكن يا عزيزى من الجيد أنك أخبرتنى أن الموضوع يتعلق بمحركات البنزين ذات الحقن المباشر.
أولا هذا النوع من الحقن ليس من اختراع هوندا و لا هو اختراع يابانى أصلا و أول من اخترعه هو شركة بوش الألمانية و أول سيارة بنزين حقن مباشر كانت المرسيدس 300 اس ال :
"The 1955 Mercedes-Benz 300SL, the first gasoline-powered automobile to use fuel injection, used direct injection. The Bosch fuel injectors were placed into the bores on the cylinder wall used by the spark plugs in other Mercedes-Benz six-cylinder engines (the spark plugs were relocated to the cylinder head). Later, more mainstream applications of fuel injection favoured less expensive indirect injection methods."
هذا النص من الرابط :
http://germancarwiki.com/doku.php/fsi
و قد تخلت مرسيدس عن هذه التقنية سريعا لما لها من أضرار جسيمة على عمر المحرك و لتخفيضها القوة بشكل ملحوظ, أما مميزاتها فهى تنحصر فى العزم المرتفع الذى تعطيه على دورات قليلة, و كذلك بعض المنافع التى تتعلق بالبيئة, و تخفيض استهلاك الوقود.
هذا كان فى سنة 1955 لاحظ التاريخ, و أعادته ميتسوبيشى مرة أخرى الى الحياة فى عام 1996 ميتسوبيشى و ليس هوندا.
و عموما تفتقد هذه التقنية الى الشعبية اللازمة, فقط دعاة الحفاظ على البيئة و ارتفاع أسعار النفط هى ما دعت الشركات الى التفكير فى استخدام تلك التقنية.
أما بالنسبة لما ذكرته عن فولفو, فأنا أقول لفولفو لو فعلت ذلك, بئس المصير, و ما هو الفرق اذن بينك و بين بروتون الماليزية اذا استعنت بميتسوبيشى!
للتذكير فقط :
بوش الألمانية هى صاحبة هذه التقنية.
مرسيدس أول من استخدمها فى سيارتها 300 اس ال.
هذه التقنية ترجع الى عام 1955.
بقى أن نذكر أن فكرتها تعتمد على تجهيز الخليط داخل المحرك و ليس خارجه, و هى مقتبسة أصلا من محركات الديزل.
بقى أن نذكر أن بيجو-سيتروين استخدموا هذه التقنية أيضا و تخلوا عنها سريعا, و كذلك فولكس و أودى و بى ام فى و كذلك جنرال موتورز.
و فى النهاية هى تقنية فاشلة تخلت عنها معظم الشركات التى استخدمتها, فبئس المصير لمن يستخدمها.

أنا لم أتحدث عن محركات البنزين ذات الحقن المباشر (Fuel Stratified Injection)
بل تحدثت عن محركات بها تكنولوجيا الشحنة الطباقية (Stratified charge engine)

فرق شاسع يا أستاذ فادي !؟!؟ وياريت الناس كلها تركز في الفرق

ولكن يبدو أنك تحاول أن تحول مسار أي موضوع لا تجد له رد إلى موضوع آخر مختلف وفيه كلمتين متشابهتين وتتحدث وكأنك ترد به على الموضوع الأصلي !!!

يعني أنا أتكلم عن محرك الشحنة الطباقية ترد عليا بالحقن المباشر !!!

ما هو الهدف من كتابة رد عن موضوع مختلف من وادي آخر ؟؟ هل لمجرد إستمرار الرد !! هل لإثبات وجهة النظر حتى لو نكتب أي حاجة !!

وحضرتك حاططلي لينك عن Fuel Stratified Injection

وأنا كلمتك عن Stratified charge engine

فرق كبير أوي يا أستاذ فادي
وإن كان الأمر ممكن يختلط على اللي بيقرأ لو مش مركز ويقول إنه رد على الكلام
لكن الوضع واضح جداً والفرق في المعاني كبير