عزيزي Prodrive باشا
Carrera GT دي حكاية و رواية و قصة و مناظر :D:D
بس للأسف وقفوا إنتاجهامن 2006 و كانت بتتباع ب400 ألف دولار في أمريكا;)
عرض للطباعة
عشان السبلاير اللي كان بيجيب الجديد بتاع العربيه افلس و مقدروش يجيبوا حديد نفس النوع من اي مكان فوقفوا انتاجها :(
quote
و لا وجود له فى أوروبا, فمثلا لم أسمع عن أوروبى يحلم بتويوتا أو لكزس, بل هم يركبون فيات و فولكس و رينو و أوبل, و يحلمون بألفاروميو و مرسيدس و بى ام فى.
unquote
استاذ فادي إسمحلي اقولك إن كلامك خطأ بالمرة في هذة الجزئية ويظهر أن حضرتك لم تغادر شوارع المحروسة ولذلك اتيت بهذا الرأي..... أحب اسوق لك مثال لدولة مثل النرويج وهي عدد سكانها لا يتجاوز 4 ونص مليون نسمة وهي من اغني دول اوروبا ومن اعلى معدلات دخل للفرد وكذا وكذا..... يعني دولة غنية ومعندهومش جمارك وفي اوروبا يعني الالماني جارهم...... ومع ذلك فإن أكثر السيارات مبيعا عندهم هي الياباني وهذا بشهادة اهل البلد الذين أعمل معهم.... بل إن حلم اي نرويجي هو سيارة تويوتا لاند كروزر للتخييم والذهاب غلى الجبال..... بل يفضلونها عن مثيلاتها (4x4) مثل اودي او بي إم او مرسيدس!
نحترم وجهة نظرك ودة راي خاص بيك ولكن لا تتكلم وتعمم عن اشياء ليس لك بها معرفة او تجربة!
السيارات اليابانية فعلا ً سيارات جيدة جدا ً وعملية للغايه
هي ليست بكفاءة السيارات الاوروبية أو الالمانيه تحديدا لكنها عملية لأنها بها امكانيات كتيره كويسه تحاكي التطور العصري للعربيات الاوروبية ولكن بأسعار تناسب المصريين
وكمان شوارعنا أصلا عاوزة العربيات الياباني مش الالماني الغاليغ تتبهدل معانا ولكن لو قدامي سيارة ألمانيه أو اوروبية بنفس سعر الياباني وامكانياتها أكيف هفضل الالماني
وانا مش عارف ليه سياره زي التيوتا كامري سعرها عالي قوي كده في حين ان سعرها يجيب عربية مرسيدس او بي ام أحسن منها .
تويوتا الأولى عالميا في إنتاج السيارات
رغم تراجع مبيعات شركة تويوتا العملاقة لصناعة السيارات قليلا و إحلال المجموعة العالمية الأمريكية "جنرال موتورز " مكانها كأول أكبر منتج عالمي لسنة 2007 إلا أنها تفوقت عليها في الإنتاج العالمي من السيارات .
و أظهرت الاحصائيات الأخيرة لإنتاج الشركتين من السيارات أن تويوتا سجلت إنتاج و تصنيع أقل من 9.5 مليون سيارة خلال العام 2007 أي بزيادة قدرها 5.3 % عن العام الذي يسبقه
و يزيد إنتاج تويوتا بحدود 213 سيارة عما أنتجته منافستها الأمريكية و الذي بلغ 9.284 مليون سيارة خلال العام المذكور وفقا لوكالة أسوشيتد برس الأمريكية .
و كانت تقارير صحفية نقلت في ديسمبر الماضي أن قطب صناعة السيارات الياباني يخطط لرفع إنتاجه العالمي بقرابه 10 ملايين سيارة العام المقبل ليتفوق بذلك على غريمه الأمريكي جنرال موتورز
و يعكس قرار رفع كمية الانتاج هو ازدهار مبيعات تويوتا في عدد من الأسواق الهامة في العالم مثل الصين و الشرق الأوسط بجانب الدول الأخرى التي يشهد اقتادها نموا مطردا
و أفادات شركات يابانية أخرى بزيادة إنتاجها العالمي مثل هوندا و سوزوكي و ميتسوبيشي
إلا أن مازدا هي الشركة اليابانية الوحيدة التي أنخفض انتاجها عالميا عام 2007
و على صعيد المبيعات و ليس الإنتاج تفوقت جنرال موتورز على تويوتا ب 3000 سيارة فقط لا غير ....
و بلغ إنتاج هوندا من السيارات 3.91 مليون سيارة بزيادة 7.7 % و بذلك يتواصل الزيادة في الإنتاج على المستوى العالمي للسنة رقم 11 على التوالي مما يعكس نجاح الشركة عالميا
و قفز إنتاج نيسان التي وقعت اتفاقية شراكة مع رينو الفرنسية بنسبة 6.2 % حيث بلغ إنتاجها 3.43 مليون سيارة و ذلك بسبب الزيادة في الطلب على السيارتين أنفنيتي جي 35 و جي 37
و بلغ إنتاج شركة ميتسوبيشي خلال العام المنصرم 1.41 مليون سيارة في حين تقلص إنتاج مازدا التي تمتلك فورد الأمريكية 33.4 % من أسهمها بنسبة 1.9 % ليقف إنتاجها عند 1.29 مليون سيارة فقط
-----------------------------------------------
الياباني يثبت يوم بعد يوم انه الافضل في بلدنا...
الناس بتقول الماني الماني ... يجماعه معاكم ان الالماني قد يكون في بعض السيارات افضل... ولكان العمر الافتراضي للياباني اكبر وخلال العمر دة مشاكله اقل بكتيييييييير من الالماني...
والله اعلي واعلم..
جيدة جدا
انا بفضل اختيار ممتازة للسيارات الالمانية حيث لا يوجد جدال عليها او مقارنة بأى نوع اخر الا اذا كان المانى الصنع فى الغالب.
و رأيى ان السيارات اليابانى منذ سنوات طويلة اثبتت كفاءة و قدرة تحمل و معمرة بالاضافة الى متعة و سهولة قيادتها و لكن اختلفت الاراء و المناقشات حول بعض العيوب فى بعض الانواع
مثل لانسر 1300 اتوماتيك - تويوتا ايكو - ياريس
يا جدعان
رجاء
لا يمكن مقارنه لانسر او ياريس بجولف مثلا
لكي تعلموا من احسن و في اي فئه عليكم ان تقسموها حسب فئات
و الالماني لهم عيوبهم و الياباني له عيوبه
كلنا بشر
و لكني اظن ان الياباني و الالماني واحد في نفس الموقع او في نفس المكانه
ما نقص هناك زاد هنا و العكس بالعكس
+1اقتباس:
لكي تعلموا من احسن و في اي فئه عليكم ان تقسموها حسب فئات
و الالماني لهم عيوبهم و الياباني له عيوبه
كلنا بشر
و لكني اظن ان الياباني و الالماني واحد في نفس الموقع او في نفس المكانه
ما نقص هناك زاد هنا و العكس بالعكس
كلام مظبوط ١٠٠ في ال١٠٠
بس بجد نفسي أعرف غير فادي باشا مين العضوين اللي قالوا على الياباني سيء جدا :D:D
الياباني ممتازة
بوضع السعر في الإعتبار فهي الأنسب للسوق المصري
و بعدين من غير استطلاع الموضوع كان واضح من الأول يا عم فادي
أنا بافكر أعمل موضوع أقول فيه إن أمريكا بتضحك عليكوا يا جماعة دي مصر هي نمرة واحد في العالم بس نعمل إيه في الإعلام المأجور :)
السلام عليكم انا مش هكلم علي موديلات انا مع مراتي سويفت 93 والحمد للة مجتش جنب الموتور و لا كهربة العربية غير اني غيرت مرة جوان بس هي عبها البودي بتمسك فية البارومة بسرعة فانا شايف ان الياباني معمر عن تجربة
أنل رأيى أنها ممتازة على حدود نطاقها بل أنها تتقدم و لكن دوليا أنا رأيى أنها جيدة جدا
انا شايف ان اليابانى قريبة من الممتازة لكن الألمانى افضل.
كل واحد له وجهه نظره
و لولا اختلاف الاذواق لبارت السلع
اشفكم بعد 20 سنه مثلا
لما يكون التاريخ واحد بين الياباني و الالماني
و يكون الفرق ال30 سنه دوول مفيش
و نسأل نفس السؤال
جيدة جدا لأن هناك الألمانى احسن من
العربيات اليابانى ممتازة واحسن من الالمانى لسبب بسيط ان الالمانى مفيش زيه بس على الطريق فى السفر انما جوة البلد استهلاكه فى البنزين عالى ومصاريف تشغيله عاليه .انما اليابانى ملوش مثيل جوة البلد عفشه واستهلاك بنزين ومصاريف تشغيل وكمان اليابانى على الطريق جامد جدا واحسن حاجة بعد الالمانى
مينفعش نقارن العربيات الي في أمريكا بالعربيات الي هنا ...
هنا يوم ما بتسافر سفرية جامدة بتمشي 900 كيلو بالكتير أوي ...
هناك أمريكا مساحتها 9.8 مليون كيلومتر مربع ... وكلها مساحات مأهولة بالسكان مش زي مصر ...
فالمشوار هناك ممكن تفضل ماشي بالعربية كام يوم فأكيد العمر الافتراضي لازم يقل ...
لكن تقلي فيات 128 ... دي لو راحت هناك آخرها 3 شهور
لكن العربيات الياباني كفاءة
والله انا جربت الفيات و الصينى و اليابانى على الترتيب(128موديل1997-اسبرنزا2007-لانسر اسبورت2008) طبعا مفيش مقارنة بين ال3 لكن العامل المشترك بين الصينى و اليابانى البنزين الانسر حوت بنزين بتعمل 155 بدون تكيف و 150 تقريبا بالتكيف داخل البلد و دة استهلاك عالى جدا
ممتازه .........عربيات عمليه و أقتصاديه و بتعيش و سعرها أرخص من المنافسين غير كده محركتها ممتازه وتكيفاتها قويه و الدليل على كده أنها أكثر السيارات أنتشارا فى الخليج العربي حيث الحراره مرتفعه
- لو فى السرعه المحركات اليبانيه بتولد قدره أكبر من المحركات التانيه عندما يكون للمحرك نفس الحجم
- منتشره بفئات كثيره تناسب كل الأشخاص مثلا شركه ذى تويوتا تحتيها شركتين ديهاتسوا ( للسيارات الأقتصاديه) و( لكزس للسيارات الفخمه) غير طبعا السيارات اللى بتنزلها التويوتا
على فكره الموضوع ده بس فى العربيات الصغيره لكن العربيات الكبيره فوق ال2000 سى سى
عايزك تشوف ثبات عربيه ذى الكامرى مثلا شوف الشباب فى الخليج بيفحطوا بيها أذاى و شوف بتستحمل أذاى
ثبات عربيه ذى دى على الطريق أحسن من عربيات ألمانى كتيير جدا مع أنها سعرها أرخص من أغلب العربيات الألمانى فى الخليج
حقيقى موضوع جامد جدااااااااااااااااااااااا
شكرااااااااااااااااا ليك توت
اليابانى سيارات ممتازة وده عن شهاده العالم كله
ومنتهى الذكاء انهم يخلو فى تدريج فى المصانع بتاعتهم
زى ما كل العالم عامل
يعنى نلاقى فولكس واجن عربيه المانى مالهاش حل ونلاقى مرسيدس
المانى بردو بس حاجه مختلفه تمام ومعاملات اخرى بعيده تمام
وفى حاجه لازم نخليها قدام عيونا كلنا
كل العالم المنتج للسيارات بيقولوا ان اليابانى افضل من العربيات المنتجه محليا
وانا بعتقد لعده اسباب منها
1- الاقتصاد فى استهلاك البنزين
2- قطع الغيار المعمرة
3- السعر الاقل من اى سيارة من نفس الفئه
4- الاداء القوى
وكمان اعتقد لينا هنا فى اسيا وافريقيا احسن عربيات ممكن نركبها
هتكون اليابانى من حيث ملائمتها لحرارة الجو وظروف الطرق
واحب اقول طبعا ان الالمان ام الصناعه
يعنى عربياتهم ممتازة طبعا واحسن من اليابانى بس فى البلاد الاوروبيه
مش هنا لسبب واحد بس ظروف الجو
وكمان العربيات الجميله زى البيجو والرينو بردو ظروف الجو لا تناسب هذه الانواع
والاوروبى دائما مشكلته السخونه مع التشغيل المستمر والتى لم نلاحظها بتاتا
فى السيارات اليابانى
وكفايه ان العربيات اليابانى كل سنه بتحصل على جوايز كتير جدا
وكذا نوع وخصوصا تويوتا اللى ابهرت العالم كله
حقيقى ناس اتقنوا عملهم ويارب يارب فى يوم من الايام نبقى زيهم واحسن
ويبقى انتجنا لا نخجل منه لردائته الشديده
امري يا كامري
السيارات الياباني في العموم كويسه بس في بعض الموديلات بتكون فعلا تستحق الاحترام و الثقه علي سبيل المثال عندك التويوتا الكامري و الافالون كمان الاتنين جامدين جدا و النيسان الالتيما و الماكسيما كمان عربيتن محترمين جدا ده غير بقه حضرتك لو اخدت بالك من الهوندا الفويجر و الليجند و لا تنسي الاسطوره اللاند كروسر بكافه فئاتها و اللكزس و الانفنيتي
لكن بصراحه لو حاتقارن الياباني بالامريكي و الالماني يبقي تقارن الياباني اللي بقولك عليهم و مش هاتلاقيهم اقل من اي عربيه اوروبيه او امريكيه محترمه لكن المشكله في المقارنه لما تقارن بالياباني اللي في مصر اكيد مش هاينجح مع الباقي في المقارنه لان الياباني اللي بينزل مصر هو الياباني الدرجه التالته مع كامل احترامي لمالكي السيارات اليابانبه في مصر علشان محدش يزعل
و ياريت حد يعمل موضع عن مواصفات الكامري 2008
والله العظيم انا مش فاهم ايه اللي بينك وبين العربيات الياباني يا اخ فادي
انت باين عليك من كوكب تاني اصلا
انت وصلت لدرجه ان 128 احسن من الياباني
طيب ازااااااااااااااااااااااا ااااااااااااااااااااااااا اااااااااي
وبعدين معلش يعني حضرتك بتكلم وانت راكب شاهيييييييييين
عربيه اصلا ما تتركبش
ولا عمرها هتتركب بره في امركيا ولا اوروبا
ويتقولي بيجو 504 انت هتقارن دي العربيات الياباني كمان
طيب ازاي اصلا مفيش وجه مقارنه بينهم ايه اصلا مميزات ال504 عشان تتقارن بالياباني
405 والله كانت مع واحد معرفه وكانت موديل 91 اتوماتيك كانت مطلعه عييييينه وباعها خساره وكملتش معه سنه
شوف التويوتا كورولا التسعينات ماشيه وبتتباع لد دلوقتي ازاي
شوف اللانسر 91 عيون صفيه ماشيه لحد دلوقتي زي الفل
شوف العربيات القديمه زي التويوتا الكرسيدا ماشيه احد دلوقتي ازاي
المازدا ال929 ماشيه وزي الفل
نفسي افهم بس انت بتتكلم علي الجوده من ناحيه بالظبط يعني ايه معيار الجوده والكفاءه اللي انت مش شايف انها مش موجوده في الياباني
ويعني سيداتك مش شايف ان فيه اي عربيه ياباني فيها اي ميزه حته تستاهل انها تتركب عشانهاااااا
والله انا مش فاهم كل شويه يطلع واحد يقعد يفتي ويقلف ويجيب كلام ويركبه علي مزاجه عشان يطلع اي حاجه في العربيات دي وكلهم مش راكبين العربيات دي مش عارف بقه بتكلموا علي اساس ايه
وكلهم راكبين العربيه الكارو اللي اسمها نابولسي شاهين؟!!!!!!!
كل اللى بيقول على العربيات اليابانى أوحش من الألمانى ياريت يوضح الأسباب علشان نستفيد
أولا : الأخ اللى بيقولك مفيش شخص اوروبى بيحلم بالتيوتا او باللكزس ده بيقول كده على اساس انه أوروبى مثلا و عارف نفسية الناس اللى هناك و احلمها و طموحتها و ثانيا : الأخ التانى اللى بيقول أن العربيات الألمانى أثبت من اليابانى ده على اساس أيه أنشاء الله - موضوع الثبات ده على حساب راحتك لأن العربيات الالمانى معروف انها نشفه جدا فى المطبات و ده عيب فى رأى (موضوع الثبات ده موضوع نسبى ) غير كده العربيات اليابانى ثابته برضه و بتعمل كل حاجه بتعملها العربيات الألمانى
ثالثا :الأخ اللى بيقول العربيات الألمانى مفيش عيوب فيها خالص و موضوع الحرارة العاليه بتاعتها ده ايه رأيه فيه (الحرارة المفروض تكون عاليه عندهم بس فى المانيا و أوروبا بس لأن الجو برد عندهم و بيوصل للتجمد أحيانا لكن عندنا فى مصر الحراره بتوصل ل 45 درجه يبقى ايه لزمة الحراره العاليه علشان نطبخ عليها مثلا )
أنا شايف ان العربيات اللى افضل من اليابانى هى العربيات السويدى لأنها العربيات الأكثر أمانا فى العالم
:beatdeadhorse5::angry::angry:
مش هقول غير ان الياباني لا يعلي عليه في الكماليات و العفشة بجد تمام اوووي
و كفايه انهم اكتر ناس عرفه بخلو العالم متقدم
all is perfect
جيدا جدا علي اعتبار الصناعه الاروبيه هي الممتازه
جيدة جدا لأن اللأوروبي أعلي منها وهو الممتاز
انا بحترم الياباني جدا وكمان الألمانى شديد برضه
انا عندي اقتناع ان العربيات اللي بتنزل في مصر دايما فرز تاني يعني مش زي اللي بتنزل في بلدها وناقصة امكانيات وتجهيزات اساسية عشان فرق السعر يروح في جيب المستورد.
رأي إن السيارات اليابانية ممتازة ولكن خارج الحدود المصرية لإن العربية عبارة عن جودة مرتبطة بسعر فإذا كان سعر السيارة أقل من قيمتها وجودتها تبقى السيارة صفقة وإستثمار وإذا كانت السيارة أغلى من قيمتها تبقة لا صفقة ولا نيلة ، السيارة اليابانية فى مصر ليست ممتازة ممكن تديها جيدة لإن سعرها غالى جدا على إمكانيات العربية وجودتها وإن كان لا ينطبق على كل السيارات اليابانية بنفس الدرجة
انا برضه اختارت جيد عشان انا بقتنع اكثر بالعربيات الالماني
جيدة جدا ...لـــــــــــــــكن السيارات اليابانى كانت افضل فى الماضي