الموضوع: حرية الدعوة الى الفضيلة و حرية الدعوة الى الرذيلة

أولا .. شكرا جزيلا للأخ جندى مجند .. من أجل الالتفاف للوصول إلي موقع الدكتور المسيرى .. وإن لم أستطع الوصول إليه أيضا .. فأرجو لمن أستطاع الوصول .. أن يخبرنا بذلك .. مع خالص الشكر للجميع ..

ثانيا .. لقد أعجبني بشدة تعليق الأخ Nile Heart
وسخريته الضمنية الشديدة العذوبة .. ولأني كنت سوف أعقب علي الكلمات التي ضمنها ضمن تعقيبه .. فاسمحوا لي أن اعتبرها اقتباسا واحدا ...وأسمحوا لي أن أعقب بالعامية ..

نظرية المؤامره اياها...صدقوني احنا مش بالاهمية دي بالنسبة ليهم....
-------------------------------------------------------------------
أأويد وبشده
-------------------------------------------------------------------
احنا والله بنشتمهم كل جمعة "الغرب الكافر""امريكا الفاجرة"......الخ وانتو عارفين الباقي
و الناس مابيفتحوش بقهم... (مع انهم سبب المنتدى اللي احنا فيه ده!!)
-------------------------------------------------------------------
بس احنا بس اللي بنعمل ال"فتوحات الاسلامية" و همة اللي بيعملوا ال"غزوات الصليبية"!!!!!!!!!
-------------------------------------------------------------------
أعتقد والله اعلم ان الكلام بهذا الأسلوب وتحديد اسماء الناس "الغير مغيبه" يندرج تحت باب السب العلنى!
-------------------------------------------------------------------
ليلتك سوده!

الرجل مش حتكون ليلته سوده زى ما حضرتك بتقول ..
لأن الناس مش مجانين .. وعلي ظني أن كلامك ده هو اللي ممكن يندرج تحت باب السب العلني ..( خد بالك أحنا بنهزر ) ..
علي كل حال .. مش مهم .. لأن البديهة تقول أن الخلاف في الرأى لا يفسد للود قضية ..
نظرية المؤامرة وأحنا مش بالأهمية دى بالنسبة لهم .. ونفي الفكرة دى ..
طب ياسيدى لو كنا علي هامش تفكيرهم زى ما حضرتك بتقول .. ليه طول التاريخ بيحاولوا يحتلونا ويرجعونا لصوابنا .. ( بدليل الحملات المقدسة المتتالية في القرون الوسطي ..وبلاش نقول عليها الحروب الصليبية نسبة إلي حاملي الصليب ..) .. وليه تاعبين نفسهم وصارفين كل الفلوس دى علشان حته صحرا زى العراق ( ما أنا مش فاهم حاجه بقي ) .. وإلا بلد ما لهاش لازمة زى السودان وألا حتي بلد مخنوقة زى افعانستان .. وليه رغم التسامح بتاعهم ده مش راضيين يدخلوا تركيا جنة اوروبا .. وليه جرى عملوا أنقلاب علي جبهة الإنقاذ في الجزاير .. وخنقوا الأسلاميين في تونس .. وليه مصرين علي الحفاظ علي الوضع في مصر .. ومش عايزين يعملوا فيها القلق المتعودين عليه في كل حته .. وليه وليه وليه .. حاجات كتير ..
بس واضح أن احنا مش علي الخريطة بتاعتهم ولا هم مهتمين بينا لدرحة أنهم يغيروا في الكتب الدراسية بتاعتنا .. ويطلبوا الغاء جماعة الأمر بالمعروف في السعودية .. ويلغوا قناة الزوراء ويضغطوا علي الجزيرة لدرجة أن الأستشهادين بقوا أسمهم الأنتحارين والمقاومة بقت أسمها الجماعات الأرهابية ..
واضح أني مش عارف أيه قيمتنا بالنسبة ليهم .. ده حتي الأفلام اللي بتوصل لينا أول بأول والمسلسلات الاجتماعية الهابطة وأم بلاش دى موجههة لدول الكاف كاف ..مش لينا احنا .. ماعلينا .. ما هي نظرية المؤامرة بقي ..
وأحنا بنشتمهم كل جمعة ( يعني ولاد الأيه المسلمين المتدينين بتوع الجمعة دول .. ) .. ونقول عليهم الغرب الكافر ..( حد فاهم الأول معني كلمة كافر إيه .." الذين يؤمنون بالله ويكفرون بالطاغوت .. " ) ..
وأمريكا الفاجرة .. لأ أمريكا الحلوة الجميلة بتاعة رايس وتشيني والدبح إللي علي ودنه في العراق وافغانستان وحتي في الصومال وبنما .. دى أمريكا المؤدبة المخلصة الحنينة ..بتاع جوانتنامو وأبو غريب وأبو قريب .. وما خفي كان أعظم ..
بس احنا بنعمل الفتوحات وهم بيعملوا الغزوات .. علي فكرة في التاريخ الاسلامي أسمها الغزوات .. وبرضوا هم كانوا بيقولوا علي الحروب الصليبية ( الحروب المقدسة .. وتحت راية الصليب ..يعني صليبية وهم نفسهم بيقولوا عليها صليبية لو تفتكر تصريحات بوش ( زلة اللسان .. قال يعني زلة لسان ) .. ) بنفسه بهم سلف زى ما بيقولوا ..
وبعدين هم السبب في المنتدى علشان النت ..
ثق تماما يا أخي العزيز .. أن لو النت لاتمثل لهم مكسب وتسويق ودعاية.. وتجسس ..
ما كانوش سمحوا لينا بأستخدامها .. واكبر دليل علي كده .. حرب المعلومات .. والقيود علي تصدير التكنولوجيا .. وسرقة التكنولوجيا من الخصوم .. وهكذا ..

وأخيرا شفت بقي .. يانايل باشا .. أن الراجل مش ليلته سوده ولا حاجه ..