لكل من لديه معلومات (جولف 98-سيفيك 98-فكترا 98 )

**ahmedzalita** · 16-05-2007 06:21 AM

لكل من لديه معلومات انا الان في حيرة من امري في الاختيار بين:
جولف 98-->العربية جميلة و لكن سمعت ان التوكيل تعبان و قطع الغيار نار يا حبيبي نار :( و مع ذلك انها ارخص من قطع السيفيك :lol:
سيفيك 98-->غانية عن التعريف ولكن مع انها واطية لكنى سمعت ان اداءها على المطبات حلو علشان هى مصممة واطية اصلا
فكترا 98-->العربية ممتازة و قطع الغيار لا تقارن بالسيفيك ولا الجولف ولكن 1600(مانيول)ولا 2000سس(اتوماتيك). :D

برجاء الافادة بخصوص الموديل الافضل من حيث الفخامة و الاسعار في قطع الغيار.

----------------------------------------
تم تعديل العنوان من "لكل من لديه معلومات" الي "لكل من لديه معلومات (جولف 98-سيفيك 98-فكترا 98 )"
مشرف 4

**أبو عبدالله** · 16-05-2007 12:17 PM

أرجح اليك سيفيك 98 هتريحك من كل الجوانب

**Ahmed Hassan** · 16-05-2007 12:42 PM

السيفك اريحهم في قطع الغيار و ادائها ممتاز و اي حاجه عايزها ليها موجوده هنا في بورسعيد خصوصا الصاج. طبعا في حاجات يفضل تجيبها جديده من القاهرة لو انته واثق من مصدرها و انها اصليه, بس عموما العربيه مش مستهلكه لقطع الغيار.

الفيكترا عربيه ركوبها محترم و آداء ال 2000 سي سي ممتاز, بس و على عكس السيفيك فالفيكترا مستهلكة لقطع الغيار, و دايما عايزه شغل في العفشة. انا اتصدمت من المعلومات دي لما كنت بفكر اجيب واحده, لكن ده اللي توصلت ليه من 3 مصادر مختلفه و كلهم اجمعوا على كده.

الجولف قطع غيارها غاليه, ادائها مش قوي, و لكن عربيه كويسه, و في رأي الشخصي المتواضع خليك في السيفيك و يا سلام لو وقعت في واحده 1.6

**ahmedzalita** · 17-05-2007 08:29 AM

شكرا جزيلا علي المعلومات. :o
و لكن السيفيك هل انخفاضها علي مستوي الارض سيسبب لي المشاكل خصوصا في مطبات القاهرة, وهل عفشتها تستحمل النقر اللي في الطرق. :mrgreen:
و علي هذا الاساس هل ستكون الفكترا افضل ام ماذا ؟؟
عفوا علي المبالغة و لكن ممكن افكر في كورسا زيرو ولا مش أوي ؟

**محمد المصرى** · 17-05-2007 09:26 AM

الفيكترا طبعاً بلا منازع بس حاول تدور على الفيكترا 1600 مو 2000 حتى 2002 عربية بجد تحفة وارخصهم فى قطع الغيار
وبالنسبة ان الفيكترا بتاكل العفشة زى ما بيقولوا ده كلام مش سليم لان الفيكترا عفشه قوية جدا جدا والاهم من ده كل عفشة رخيصة بالنسبة للهوندا والجولف لان انا لسه شارى حاجات فى العفشة ومغيرها
عدد 2 مساعد امامى 600 جنيه بضمان سنة
عدد 2 مساعد خلفى 550 جنيه بضمان سنة

وطبعا الهوندا عربية ممتازة ( تسارع رائع احسن من الفيكترا ) بس الفيكترا عبارة عن وحش على الطريق واقى من الهوندا
ويكفى انك تشوف صاج الاوبل فهو قوى جدا جدا مشاء الله

وربنا يوفقك فى الاختيار الصحيح

**أبو عبدالله** · 17-05-2007 11:07 AM

كورسا لا أنصحك بها
فهي ليس لها سوق خالص لأنها ليست بالكفاءة المطلوبه

ولأخونا الفاضل محمد المصري مع احترامي للأوبل ولكن انا مجرب عفشتها وهي مش وحشه كمساعدين ولا راحه انما بالعكس فهيا ممتازه ولكن دايما الزوايا فيها بتخرب لما العجل يتخبط من الجانبين
والأوبل معروف بمشكلة الكمبيوتر اللي لا أحد بيعرف فيه حاجه ودايما ولا أقول عالطول ولكن دايما ليه مشاكل وبالذات في الكورسا القديمه وانا الكلام ده مش من عندي والله انا شايف العربيات مع معارفي

والعربيه لا تقاس بأنها وحش او غيره انما تقاس بكل الجوانب الأيجابيه والسلبيه
وبعدين معروف لدى تجار السيارات ان الهوندا من العربيات المعمره جدا وبيأخدوها وهما مغمضين ولكن الاوبل دايما يسألوا عن الكمبيوتر ومشاكله و يبقى متحفظين عليها
يعني الامر يرجع لصاحب الأختيار في ميله لجنب من الجوانب

**Sharky** · 17-05-2007 11:47 AM

السلام عليكم

الترتيب من وجهة نظرى:
1- فكترا .
2- الجولف .
3- السيفيك .

الفكترا سيارة ممتازة أنا عندى واحد فى الشغل معاه السيارة من الزيرو موديل 1998 1.6 مانيول و بيشكر فيها جدا و عامل بيها دلوقتى تقريبا 260.000 كم و لحد دلوقتى مش عايز يبيعها و لا يركب سيارة غيرها.

**محمد المصرى** · 17-05-2007 12:11 PM

لوسمحت ممكن تقولى يعنى ايه مشاكل فى الكمبيوتر الخاص بالفيكترا وده مش عشان انا متحيز للفيكترا ولكن للعلم بالشئ

**Abdallah** · 17-05-2007 09:03 PM

1 الفيكترا عفشتها سيئة وغالية وللعلم انا كنت مشارك فى محل قطع غيار اول مستعمل وعارف انا بقول ايه, الفيكترا عفشتها سيئة وقطع غيارها مولعة ويكفى انى سالت النهاردة على موتور كورسا 98 1200 وقالى 6500 جنيه .

2 الجولف سيارة عملية جدا وقوية ومحترمة ولكن يعيبها قطع الغيار المبالغ فيها, وصعوبة الصيانة نظرا لان مش اى ميكانيكى بيفهم فيها .

3 هوندا سيفيك 98 مش واطية زى ما حضرتك متخيل ولكن هيا اعلى من الموديل السابق والى بيسموه " طلقة " ولكن هى سيارة محترمة جدا وذات ثبات وقوة وقطع غيار موجودة بكثرة فى بورسعيد وفى متناول اليد ولذا انا ارشحها لك .

**أبو عبدالله** · 19-05-2007 12:14 AM

كمبيوتر الفيكترا حساس للأتربه وللماء

واحنا بلدنا لا تخلوا من التراب

ولو حضرتك تعرف حد ليه في الاجهزة الألكترونيه اساله ايه العدو الأول للدوائر الألكترونيه هيقولك التراب

ومشكلة الفيكترا ان الكمبيوتر موجود داخل الكبوت ومكانه مش كويس وظاهر يعني اي حاجه بتأثر فيه وهي دي المشكله لن اغلب العربيات الكمبيوتر بتاع الماتور بيبقى داخل الكابينه أو في مكان مش من السهل تعرضه للأتربه والماء

وانا مره كنت واقف في البنزينه بغسل العربيه النوبيرا من الداخل من الكبوت يعني
فلقيت واحد جاي بيقولي اوعى تغسلها من الكبوت قولتله ليه حضرتك وانا اصلا كنت قبل كده غاسلها كتير يعني مش أول مره

قالى انا معايا الفيكترا دي ومره واحد في المغسله فتح الكبوت وغسلها العربيه محطتشي منطق وراح التوكيل وغير الكمبيوتر بـ 6 الاف جنيه ....... علشان دخل الكبوت مياه .....

فرديت عليه وقولته على مسألة مكان الكمبيوتر الخاص بالمحرك لأني كنت عارف الكلام ده من قبل ما هو يقولهولي يعني .
لأني سمعته من كذا واحد قبل كده .........

الموضوع: لكل من لديه معلومات (جولف 98-سيفيك 98-فكترا 98 )

LinkBack

أدوات الموضوع

عرض

-

-

-

-

المواضيع المتشابهه

يا ريت كل من لديه معلومات عن c-class 2005-2007 يشارك

من لديه جولف 111 يساريت يدين معلومات عنها

كاسيت الأسترا لمن لديه معلومات صوتيه

من لديه معلومات عن عن شقق بـ 6اكتوبر او الشيخ زايد ؟

من لديه معلومات عن رينو 16

الكلمات الدلالية لهذا الموضوع

المفضلات

المفضلات

ضوابط المشاركة