الموضوع: استفسار عن ضغط الإطارات أثناء السفر

المشاركة الأصلية كتبت بواسطة angeliccore

المشكلة في الموضوع ده إنك ياحتحتاج يكون عندك كمبرسر هوا يا عندك بنزينة تحت بيتك.
عشان تروح للبنزينة أو بتاع كاوتش مايكونش جنبك = حركة = احتكاك = حرارة

صحيح بس اعتقد ان مسافة فى حدود 5 كيلو مسموح بيها وميلحقش الكاوتش يسخن اوى وتكفيك انك توصل لاقرب محل كاوتش او بنزينة قريبة منك

فعلا لازم العربيه تكون واقفه في الضل فتره طويله علشان تعرف تضبط الضغط صح. الحل انك يكون عندك جهاز قياس ضغط الاطارات الديجيتال (هاته من راديو شاك علشان يكون محترم و شغال صح). و انت راجع من الشغل ضبط الكاوتش عند بتاع الكاوتش عادي بس زود 5 درجات زياده (يعني لو عايز 30 خليه يضبطه على 35) و روح اركن العربيه تحت البيت و الصبح قبل ما تروح الشغل تقيس ضغط الكاوتش و تنقصه بالمقاس اللي معاك لحد ما يوصل للدرجه اللي انت عايزها.

المشاركة الأصلية كتبت بواسطة ahmed hassan

فعلا لازم العربيه تكون واقفه في الضل فتره طويله علشان تعرف تضبط الضغط صح. الحل انك يكون عندك جهاز قياس ضغط الاطارات الديجيتال (هاته من راديو شاك علشان يكون محترم و شغال صح). و انت راجع من الشغل ضبط الكاوتش عند بتاع الكاوتش عادي بس زود 5 درجات زياده (يعني لو عايز 30 خليه يضبطه على 35) و روح اركن العربيه تحت البيت و الصبح قبل ما تروح الشغل تقيس ضغط الكاوتش و تنقصه بالمقاس اللي معاك لحد ما يوصل للدرجه اللي انت عايزها.

الله ينور عليك ..ده اللى بعمله بالظبط ...طبعا بتاع الكاوتش بيقعد يفتى وانت بتقوله زود لانه لما بيقيسه وهو سخن بيلاقيه زايد عن الطبيعى فلما يلاقيك بتقوله زود كمان 5 ومتنقصش بيستغرب
لكن سيبك منه وصمم وزى ما حضرتك قلت الصبح تظبط الضغك بالمقاس اللى معاك .
لكن يفضل طبعا انك تعمل كده فى بنزينة او محل قريب من البيت عشان متمشيش مسافة طويلة بالكاوتش وضغطه عالى عن الطبيعى

المشاركة الأصلية كتبت بواسطة ahmed hassan

فيه هنا سوء تفاهم. بعض صناع السيارات بيحطوا نوعين لضغط الاطار.. واحد في الاحوال العاديه و واحد في حالة الحمل الاقصى او جر مقطوره (و ده بيكون اعلى). طبعا ممكن تضبط الكاوتش على الضغط الاعلى حتى في الاحوال العاديه.. بس ده هيكون على حساب الراحه.

الضغط الاعلى اللي ممكن يتحمله الكاوتش و ده بيحدده صانع الكاوتش مش العربيه ده موضوع تاني خالص و اعلى كتير من اي ضغط في مواصفات صانع السياره.

كلام سليم
حياك الله

في كتالوج الشاهين مكتوب الضغط الإفتراضي للعجل الأمامي والخلفي
ومكتوب أنه في حال التحميل يتم زيادة الضغط الإفتراضي درجتين