الموضوع: رينو و داتسون تنقذ اوتو فاز

^^^^^^^^^^^^^^^^^
وانا كمان
داتسون خلاص ماعدتش موجودة وبقت نيسان
بس الداتسون بشوفها فى عربيات النقل عربية جامدة انها تتحمل كل السنين دى

علي فكره كل النيسانيين بيفتخروا بأسم داتسون و عمر ما حد اعتبره عار زي ما الناس بتفتكر
داتسون تدل علي الاخلاص من الابن لابوه
لان الشركه كان اسمها Dat علي اسم مؤسسها
بعدين مات فأبنه سماها ( ابن دات ) Datson بس كلمه Son في البلاد الناطقه بالاسبانيه و البرتغاليه كلمه سيئه فخلوها Datsun

اكيد لابس نضارة بتشوف بالاشعة تحت الحمرا .... و بعدين يعنى الحمير لسة بتمشى فى شوارع مصر !!!

الحمير تتكاثر هههههههههههههه

لكن داتسون لا تتكاثر هههههههههههه
و علي فكره دا كان تعليقي ان داتسون ورق
يعني زي ما بتقوالوا ان الادا و ال128 لسه عايشه لسه برضه داتسون عايشه :)

اول ما قريت الموضوع كنت ناوى اعلق عليه لانه يحمل خبر جديد ومعلومه مهمة واشكر الزميل اللى نقل لنا الخبر

لكن بصراحة مستوى الردود والتعليقات على الموضوع خلتنى غيرت راييى تماما وقررت انى مش هعلق على الموضوع نهائيا، وعموما انا ملاحظ ان ففيه سمة عامة من الإفتقار للموضوعية بدأت تنتشر فى ردود كتيرة جدا فى المنتدى، ممكن ده يكون بسبب شعبية المنتدى اللى جذبت ناس كتير جدا له، وطبعا كلان عارفين اننا شعب بيحب يفتى بعلم او بدون علم وبالتالى تتحول مواضيع المفروض ان الفيصل الأساساى فيها فيصل علمى وتكنولوجى الى مواضيع اشبه بالمهاترات الكلامية بين الاهلاوية والزملكاوية على المقاهى

المشاركة الأصلية كتبت بواسطة Abu Aly

??? !!!!!!! يا استاذ سبعاوى اذا كنت انا المقصود او من بين المقصودين بهذا الكلام فأنا اعتذر لسيادتك و اخطر سيادتك بأنى بره الموضوع و مش حاكتب اى تعليق بدل ما سيادتك تنسحب .. و اترك لسيادتك المجال لتقول الكلام الفيصل من الناحية العلمية و التكنولوجيه
راجيا ان تعذر جهلنا و فتوانا و كلام القهاوى و المهاترات و الكلام الكبير ده كله ..
على فكره سيادتك مثلا فتحت موضوع ان اتجاه تانك النزين موجود فى صورة التابلوه و تبين من ردود معظم الزملاء انه كلام غير علمى و غير صحيح .. انا مش حقول انه كلام قهاوى او انه فتاوى بغير علم .. الخ ... الخ ... الخ

انا مش عارف انت ليه خدت الكلام على نفسك لوحدك دونا عن الجميع ، لكن ياريت كدة تعيد قراءة كل الردود المكتوبة من الجميع وانت هتعرف انا بتكلم عن ايه ،

ده كل اللى هقوله ردا على كلامك لان انا بصراحة لا عندى وقت نقل لك احصائيات على نسبة كام فى المية صح فى موضوع تنك البنزين وان العربيات اللى فيها الكلام ده مش مظبوط كام فى المية -وإلا كنت عملت الكلام ده وقت فتح الموضوع-ولا عندى استعداد ارد على كلام من نوعية ان مواتير اللادا معمرة عن اليابانى!!!!! كل ده حديث لا طائل من وراءه لان الهدف من هذا المكان هو تبادل الخبرات وليس االإقتتال فى اثبات اى مننا صح دفاعا عما يظن كل منا انه كرامته المبعثرة فيما اراه تضييعا للوقت بلا طائل ،وبدلا من انى اضيع الوقت فى اثبات ان معظم العربيات مثلا يا إما فيها خرطوم تنك البنزين فى الناحية الصح يا إما فيها سهم بيشاور لمكان الفتحه والإستثناءات قليلة جدا استثمر وقتى فى إيجاد موضوع مفيد آخر بدلا من الكلام عن ام العيال والبنت الدلوعة

المشاركة الأصلية كتبت بواسطة Abu Aly

يا استاذ سبعاوى سيادتك راجل فاضل و انا شخصيا استفدت من كثير من مداخلاتك لكن بلاش لهجة التعالى و اتهام الاخرين بأن ارائهم غير علمية و ان كلامهم غير علمى و مهاترات و كلام قهاوى و انك مش فاضى لامثالهم ... الخ الخ ! بعض التواضع يا استاذنا !

سيدى الفاضل انا لم اتعالى على حد، بس انا برضه من حقى يتحرق دمى لما الاقى واحد بيقول ان لما شركة سيارة يابانية تستعمل تكنولوجيا لادا لكى تنتج محركات معمرة فانا من حقى ان يجيلى ضغط وسكر وشلل رعاش وسرطان المثانة

وبصراحة الجدال فى مسالة مثل هذة هتكون عاملة زى بالظبط اللى رايح تشترى منه عربية 128 موديل 83 وتساله عايز فيها كام يقوللك عايز فيها مية وخمسين الف جنيه. طب ده هتفاصله تقول له كام؟

لأان انا علشان اجادل فى مسألة مثل هذة لازم نجيب على اسئلة من النوعية الآتية:

1- مدى جودة او رداءة الصلب الروسى المصنع منة المحركات الروسية مقارنة بانواع الصلب العالمية؟ الإجابة يا سيدى ان الصلب الروسى يقع فى مرتبة متاخرة بسبب ارتفاع الشوائب فيه مما يؤدى قله صلابته وصلادته ويؤدى الى احتياج الروس دائما لعمل لحميات عالية لمحركاتهم مما يؤدى الى انخفاض القدرة النوعية للمحرك(كم حصان لكل كيلوجرام من وزن المحرك) وسرعة تآكلها، احنا بنفرح من منظر اللحميات التخينة لكن ده مش معناه انها اشد فى التحمل او افضل فى الأداء او اكثر عمرا، وإلا لكانت العربيات الإلترامكو اكثر الميكروباصات كفاءة فى مصر

2- نفس السؤال بالنسبة للصلب اليابانى؟ الصلب اليابانى ياتى فى مرتبة متقدمة تلى الصلب السويدى والالمانى مباشرة

3- عمرالتكنولوجيا المستخدمة لتصنيع محركات سيارات اللادا 2107 (35 سنة)ونفس السؤال بالنسبة لأسوأ سيارة يابانية حاليا ايا كانت(عشرة سنوات على الأكثر)

4- الارقام المعلنة من قبل الشركات اليابانية لأعمار محركاتها قبل ان يبدأ فى استهلاك جرام زيت واحد (200ألف كيلومتر فى ظروف تشغيل قياسية)ومقارنة ذلك بمثيلاتها فى لادا (لا يوجد رقم معلن)، وبتجربة مستخدمى السيارات مدى تواتر احتياج سيارة يابانية لعمرة مقابل مدى احتياج سيارة لادا لعمرة

5-من يحتاج لشراء تكنولوجيا من الآخر حاليا ، اليابانويون يحتاجون تكنولوجيا لادا، ام لادا التى تسولت تكنولوجيا فيات قديما وجنرال موتوز منذ فترة بسيطة ونيسان-رينو حاليا هى التى تحتاج تكنولوجيا اليابانيين

6- كم مرة حضرتك شفت عربية يابانى تبرك فى الطريق بلا حراك وقد ملصت منها بيضة المقص ، وكم مرة شفتها فى اللادا

7-لأ ادرى اذا كنت حضرتك صاحب مقولة ان داتسون كانت شركة تنتج سيارات نصف نقل قديما وانقرضت ام من الذى كان صاحبها ، لكن قليل من البحث قد يفيد لمعرفة ان داتسون هى نيسان وان السيارة داتسون 120 التى غزت العالم فى السبعينات هى جدة معظم موديلات نيسان حاليا التى كانت تستعمل اسم داتسون للملاكى ونيسان للنقل وتم تغيير اسم كل السيارات الى نيسان فى اوائل الثمانينات وبالتالى لا هى فشلت ولا انقرضت كما ذكر احدهم هنا، وعموما بعض القراءة فى هذا الرابط قد تفيد لتأكيد المعلومة

http://en.wikipedia.org/wiki/Nissan

8- صحيح ان اللادا 2105 و 2107 طبقا لإدعاء الروس من اكثر السيارات انتاجا فى العالم (30 مليون سيارة) لكنها ببساطة تشبه اللغة الصينية، لغة يتحدث بها ربع سكان العالم ومع ذلك فإنها ليست لينجوافرانكا (لغة واسعة الإنتشار يتعامل بها غير أهلها كالفرنسية والإنجليزية) لأن ربع العالم المتحدث بها يقيم بالكامل فى دولة واحدة، ومثل ذلك فإن اكثر من 90% من مستعمل اللادا يقيمون فى روسيا،

9- فى حين ان السيارات اليابانية بكافة اشكالها غزت العالم كله بدون ضغوط سياسية فإن كل الدول التى كانت اللادا واسعة الإنتشار فيها بسبب الظروف السياسية اضمحل سوق اللادا فيها وانتهى بمجرد انتهاء الظرف السياسى الذى فرضها على شريحة من سكان العالم واول من تنازل عن تللك السيارة هم اهلها انفسهم لصالح الماركات الحديثة التى فتحت مصانع لها فى طول روسيا وعرضها لاستقطاب السوق الروسى الضخم

فيبقى مش من حقى بعد ده كله انى تجيلى جلطة فى الشريان التاجى لما الاقى ان فيه حد بيقول ان اليابانيين محتاجين لمحركات معمرة من لادا؟ كان لازم اعبر عن الجلطة دى بأى شكل بدل ما اموت ، فإذا انت كنت حاسس ان تعبيرى ده كان فيه شئ من الإهانة فانا لم اقصدها واعتذر عنها اذا كانت وصلتك على هذا المحمل، كما انى لم اقصد التعالى اطلاقا وكل الناس اللى يعرفونى عارفين انى كائن هليهلى على باب الله ابعد ما اكون عن التفاخر والتعالى ، لكن اعذرنى انت ماترضاليش اموت بجلطة فكان لازم اقول اى حاجة بدل ما أطق