رينو و داتسون تنقذ اوتو فاز

**أبو عبدالله** · 17-12-2007 01:10 AM

موتني من الضحك والله يا بشمهندس سبعاوي
ومش قارد امسك نفسي

بالذات الرعاش ده

ربنا يسترنا جميعا

**Abu Aly** · 17-12-2007 01:22 AM

محمدايهاب كتب : ( لأ حضرتك كان في اتجاه لإخراج روسيا فعلا (ده كلام مش من عندي)

اللى اعرفه ان الصين عضو فعلا فى هذا التجمع و ليس هناك داعى اصلا لاخراج روسيا لضم الصين بدلها !!

( بس نيسان حلوة و لادا معفنة )

الكلام ده بيسموه انطباعات مش كلام علمى !!

و اخيرا متفق ان الرينو تفيد اللادا ... مفيش كلام و الروس يحتاجون الخبرة اليابانية و الاوربية فى هذه المرحلة ..

( انا مش من اللوبى اليابانى ) ....
اه حيغلط و يوقع نفسه فى مشاكل مش قدها.... !! يا عزيزى اللوبى اليابانى فى نايل موتورز قوى جدا.. الواحد فيهم لما يتكلم بيفكرنى بخطب الحجاج بن يوسف الثقفى !!!!

**محمدايهاب** · 17-12-2007 01:44 AM

محمدايهاب كتب : ( لأ حضرتك كان في اتجاه لإخراج روسيا فعلا (ده كلام مش من عندي)

اللى اعرفه ان الصين عضو فعلا فى هذا التجمع و ليس هناك داعى اصلا لاخراج روسيا لضم الصين بدلها !!
لأ أنا بتكلم عن السبعة الكبار ده تنظيم تاني أعضاؤه(ألمانيا و أمريكا و روسيا و اليابان و برطانيا و فرنس و تقريبا إيطاليا )

( انا مش من اللوبى اليابانى ) ....
اه حيغلط و يوقع نفسه فى مشاكل مش قدها.... !! يا عزيزى اللوبى اليابانى فى نايل موتورز قوى جدا.. الواحد فيهم لما يتكلم بيفكرنى بخطب الحجاج بن يوسف الثقفى !!!!
هاهاهاهاهاهاهاهاهاها

**Ahmed Anwer** · 17-12-2007 01:46 AM

المشاركة الأصلية كتبت بواسطة Abu Aly

اللى اعرفه ان الصين عضو فعلا فى هذا التجمع و ليس هناك داعى اصلا لاخراج روسيا لضم الصين بدلآ منها

لأ يا أخ أبو علي الصين مش عضو في المجموعة ،،

و علي فكرة روسيا مكنتش عضو في المجموعة ،،

مجموعة الدول الصناعية السبع الكبري ،،

الولايات المتحدة ، المملكة المتحدة ، اليابان ، ايطاليا ، فرنسا ، كندا ، المانيا

و بصراحة أنا مش فاهم الفرق في حاجة اسمها G8 تضم روسيا

و حاجة اسمها G7 لا تضم روسيا ،،

و اول ما روسيا انضمت كانوا بيسموها G7+1 واحد دي اللي هيا روسيا

ممكن تقري بالتفصيل في اللينكات دي ،

http://en.wikipedia.org/wiki/G8

http://en.wikipedia.org/wiki/G7

**Abu Aly** · 17-12-2007 01:50 AM

[

هدي أعصابك يا أخ ابو علي ،،

بالمناسبة هوا حضرتك اللي قولت نيسان هتستفيد بتكنولوجيا لادا عشان تعمل مواتير معمرة ؟؟ و جبت للناس جلطات و ذبحات

و جميع الأمراض المستعصية ،،،

ههههههههههه

فين ضميرك يا أخي ،، ده انتا لو ابو تريكة و ضيعت بلنتي لمصر في نهائي كأس العالم مكنتش هتعمل في الناس اللي انتا عملته ده ،،،،

شئ لا يصدكه عكل ،، علي رأي شويكار ،،،[/quote]

يا عم احمد انا اعصابى هاديه و حديد و يظهر انى مكنتش المقصود اساسا من كلام المهندس سبعاوى و ياريت محدش ينفعل او يجيله
ضغط و ذبحه و الذى منه لان الموضوع ميستحقش !
يا سيدى انا مقولتش ان نيسان حتستفيد بتكنولوجيا لادا المتطوره !! و ارجع للموضوع .. يظهر حد تانى قال الكلام ده و فلسع وانا جيت فى الرجلين !!

لكن هذا لا يمنع من عدم اعجابى بداتسون !! و كل كلامى كان على ان اللادا عربية تستحمل و رخيصة و سهلة الاصلاح و عاشت
اكتر من الداتسون اياها .. اقصد الموديلات القديمة قبل ان تستحوز عليها نيسان .. ثم انا مجبتش سيرة المواتير نهائيا !!! العربية
ليست فقط موتور !! اما ان يتم تحوير كلامى فشئ لا يصدفه عكل كما قلت نقلا عن شوشوهانم .. اما ابو تريكه اللى ضيع بنلتى فتخيل نفسك
تتقدم لضربة و ترى عيون 100000 ! تتابعك فى الملعب وعارف ملايين بتابعك فى التليفزيون و نفسهم فى انتصار و سط احباط و هزايم
معذور لو اعصابه خانته و ضيع الكوره .. لكن الناس اعصابها تتعب و يجيلها ضغط و ذبحة طيب ليه ؟؟ !!

**Abu Aly** · 17-12-2007 02:04 AM

يا عم احمد السبعة الكبار و يظهر التسمية جت من اسم الفيلم The Great Seven
اصلا كان تنظيم يضم الدول الصناعية الغربية اللى اقتصادها حر مش موجه زى روسيا
و الصين بصرف النظر عن حجم انتاجها الصناعى .. و تم ضم روسيا فيما بعد بعد الانهيار
لتشجيعها على المضى فى اقتصاد السوق .. الموضوع يعنى فيه جانب سياسى مش اقتصادى
فقط و بالنسبة للصين فربما خانتنى الذاكرة و لم يتم ضمها بعد رغم ان انتاجها يزيد عن بعض
الدول السبعة الاولى .. على العموم سارجع للينكات اللى كتبتها و شكرا على مجهودك للبحث
و توثيق الموضوع ....

**محمدايهاب** · 17-12-2007 02:18 AM

شكرا يا أحمد أنور على المعلومة
يبقى كده الكلام صح التنظيم اسمه السبعة الكبار و فيه روسيا
و لكن بردوا كان في اتجاه لإخراج روسيا و ادخال الصين و أنا متأكد من المعلومة دي

**sab3aawy** · 17-12-2007 12:52 PM

المشاركة الأصلية كتبت بواسطة Abu Aly

.. و الداتسون بالذات كان يتم انتاجها قبل الطفرة التى حصلت للصناعة اليابانية لاحقا و ليس معنى ان نيسان استحوزت عليها فيمكنا مقارنتها بسيارات النيسان الحالية بل استحواذها يدل على انها كانت شركة واقعه ! .

اخونا العزير أبو على

نيسان استحوذت على شركة دات مالكة العلامة داتسون بالفعل ، لكن الكلام ده تم فى فترة سابقة بكثييييييييير على معرفتنا بكل من نيسان او داتسون ، تم ذلك عام عام 1933، يعنى قبل الحرب العالمية الثانية وقبل ما انا وانت نتولد بكتييييييير ،برغم ان شركة نيسان تضع اسم نيسان على بعض سياراتها إلا انها ظلت تنتج سيارات تحت اسم داتسون حتى عام 1986 ، حيث اتخذت نيسان قرارا بوقف البيع سيارات تحت اسم داتسون فى امريكا عام 1981 وبدأ تفعيل القرار فى كل اسواق نيسان حتى تم بيع آخر سيارة تحمل اسم داتسون فى العام 1986

مع العلم ان شركة انيسان طرحت موديلا حديثا من سيارات النصف نقل فى اليابان تحت اسم داتسون فى عام 2001، علما بأن هذة هى السيارة الوحيدة المسماه داتسون حاليا وتباع بهذا الإسم فى اليابان فقط

الملخص فى النهاية ان علامة داتسون هى علامة مملوكة لشركة نيسان من ايام العربية ام منافللة وقبل ما الملك فاروق يتسلم حكم مصر ب3 سنوات، وكل السيارات اللى حضرتك شفتها فى السبعينات تحمل اسم داتسون هى منتجات شركة نيسان ، يعنى لافيه شركة وقعت فى السبيعنات ولا شركة تانية اشترتها

فاضل اضيف حاجة واحدة، ان السيارات اليابانية فى مصر فى السبعينات كانت حالة خاصة جدا لانها لم تكن منتشرة ولا لها قطع غيار وبالتالى كان لازم تموت وتضمحل مهما كانت جودتها، وهو نفس ما حدث لسيارات الأوبل والاودى والفولفو والباسات موديلات السبيعنات اللى كانت موجودة فى مصر، فهل ينفع انى اقول ان الأوبل والأودى والباسات عربيات سيئة لأنها هكعت بسرعة فى مصر علشان مالهاش قطع غيار؟
لو فعلا عايز تقيس جودة الداتسون 120 والداتسون 240 بص عليهم فى امريكا وكندا واستراليا هتلاقى ان العربيات دى كانت شغالة فى منتهى الكفاءة حتى سنوات قريبة جدا لتوافر قطع الغيار والصيانة

ودى روابط للإستزادة

http://en.wikipedia.org/wiki/Datsun

http://en.wikipedia.org/wiki/Nissan_Motor_Co.%2C_Ltd.

http://en.wikipedia.org/wiki/Nissan_Hardbody

**Abu Aly** · 17-12-2007 01:07 PM

شكرا سبعاوى باشا على المعلومات القيمة .. سأقوم بعمل updating لمعلوماتى عن الداتسون و النيسان .. ربما ما قلته عن اسباب مشكلة السيارات المختلفة فى السبعينات يشرح الموضوع لكن انت اكدت ما قلته عن داتسون السبعينات و حالتها اللى هكعت بسرعة .. لكن اذا عرف السبب بطل العجب .. شكرا .. و فعلا طلعت قماش !!