الموضوع: تغيير كاوتش الصنى

بما اننا فى موضوع مهم عن تغير الكاوتش , وبصراحة موضوع مفيد , وفيه حاجات مفيدة فعلا عن مقاسات الكاوتش
كنت عاوز اسال سؤال ؟

لو زاد مقاس الكاوتس عرضه عن المسموح بيه فى الكتالوج , هل ياثر فى العفشة او استهلاك البنزين ولالا

السؤال التانى او الكاوتش عندى مخروم , لما اعمله اعمله ايه , هل اعمل بنظام الخوابير الامريكانى , ام اعمله بنظام لحام مكوى ؟!!!
اصلى سمعت ان ده ليه عيوب وده ليه عيوب , فعاوزين نعرف اى فيهم الافضل

عاوزين مشاركات مفيدة عشان الناس تستفاد من الموضوع , ويكون الموضوع جامع حاجات كتير فيه

تقبلوا تحياتى

المشاركة الأصلية كتبت بواسطة moonnight000

انا عندي تيدا 185/65 r15

حبيت أعرَّض الكاوتش بتاعي وبعد سؤالي وتفحصي في النت نظرياً وجدت أن أعرض كاوتش هو مقاس 205/55 r16


بس لما رحت عند بتاع الجنوط قالي انسب حاجة وان هو ركب جنوط كتيير لأصحاب التيدا بمقاس 205/50 r16
وفعلاً ركبت نفس المقاس اللي قال عليه وقال أيضاً أن 50 أفضل عند التحميل بالركاب .....

وجدت ثبات أكتر بعد تركيب الجنوط ولكن سنّة تقل في السحب بسيطة قوي وكمان ازدياد في استهلاك البنزين تكاد تكون غير ملحوظتين .........
دى كمان اللي ساق العربية التيدا من قبل وساقها دلؤتي لم يحس بأي فرق في السحب ......

إظاهر إني موهوم بعد ما ركبت الجنوط .........

تسلم ايدك على المعلومات دى يا احمد باشا , واكيد الناس حتستفاد بيها ,
بس اعتقد ان لو الواحد عرض الكاوتش بس من غير تكبير حجم الجنط مش حيكون فى زيداة فى استهلاك البنزين
والمقاس ده اللى كاتبه حلو اوى على التيدا , وان كنت شايف ان نفسى اشوف كاوتش اعرض من كدا عليها لان كمان حيخلى شكلها شيك بيه اوىىىىىى

وبعدين انا لما سوقت عربيتك العربية تمام , ومحستش بفرق كبير , فى التغير الا بس ان الدريسكيون ثبت شوية بمعنى انه تقل عن الاول , وده طبعا بيعطى ثبات اكتر, بس مش تقل للدرجة اوى او كان خفيف قبل كدا اوى عشان الناس بس متفهمش الكلام غلط

والسحب زى ما هو طلقة وكنت بشد بيها معاك وانت شوفت , لا العربية تمام وربنا يباركلك فيها

ملحوظة العربية اللى مع احمد خليجى يا جماعة ومفهاش abs عشان كدا قدر انه يغير براحته الجنط ويلعب براحته

مبروك الجنوط يا احمد , بسم الله ماشاء الله تحفة على العربية ,وشكلها روعة بجد , ربنا يكفيك شر الطريق

المشاركة الأصلية كتبت بواسطة aiman0173

من الخبرة لحام المكوي احسن وكان توكيل الكاوتش بتاع يوكوهاما في السعودية بيستخدم اللحام وكان ممنوع عندهم الخوابير

كمان واحد بتاع كاوتش كنت سألته عن الموضوع دا وقالي بالحرف ان الخابور بينتهك عرض الكاوتش ومع المشي والمطبات القوية ممكن بيخرج هواء من جانبه

عشان كدا انا سالت عشان نستفيد من المعلومات دى فعلا , وشاكر ردك يا استاذ ايمن

وانا سمعت ان الخوابير مش كويسة على الكاوتش , وان اللحام احسن , بس المهم فى اللى بيعملوهولك , لانه ممكن يبوظلك الكاوتش وياثر على السلك اللى فيها

ياريت نسمع راى باقى الاعضاء للافادة العامة