الموضوع: اطرف المواقف التى تعرضت لها فى ايام الامتحانات

المشاركة الأصلية كتبت بواسطة eng_mostafa_89

طيب معلش حضلاتك اسمع دى
كان عندى السنة اللى فاتت دكتور ربنا يسمحة بقى بيدرس مادة الميكانيكا
وكان عامل امتحان شفوى
تدخل تجاوب يبقى انت بتاخد قرص
ولو ماجوبتش يبقى انت فاشل ومبذاكرش
وفى الاخر تاخد 5 من 10
فى حين ان الدكتور التانى اللى بيمتحن باقى نص الدفعة تجاوب تاخد 9 ماتجاوبش تاخد7
فين العدل هنااااااا؟؟
من ضمن المواقف اللى حصلت السنة دى مع اصحابى فى قسم مدنى فى امتحان الميد تيرم مادة ميكانيكا
الدكتور كان جايب مسألة بالنص من الكتاب بس غير المطلوب (تقريبا كان عايز عزم القصور الذاتى حوالين محور z وفى الامتحان كان عايزة حول محور x)
النتيجة طلعت اللى حالل صح جاب درجة وحشة واللى حالل غلط جاب درجة كويسة
تقريبا سألوا المعيدين عرفوا انة علم على المطلوب اللى كان فى الكتاب
يحاولوا يكلموا الدكتور الدكتور مبيجيش الجامعة علطول
وعندى قصص كتير على عدم المساواة وعدم احترام الدكترة لبعض وبيشتموا فى بعض امام الطالبة تخيل

موضوع لاشفوي ده فعلا بيحصل وشفته بعيني في جامعة القاهرة في احدي الكليات اتنين دكاترة راجل وست اللى يدخل للراجل تبقي امه داعية له اقلها جيد واللى يدخل للست امه داعية عليه اخره مقبول بعد ما يتهزأ بصراحة كان قمة الظلم
اما ان الدكاترة متحترمش بعضها او يشتموا بعض امام الطلبة دي بجد كارثة
عمري ما سمحت لنفسي اتطاول على زميل او اقلل من احترام او هيبة زميل امام الطلبة لان ده بيقلل قيمة وهيبة الكل امام الطلبة وبغض النظر عن الجامعة عيب اوي ان واحد ميحترمش الاكبر منه او يقلل من شأن الاقل منه

المشاركة الأصلية كتبت بواسطة baskota

ايه ده كله
كلها قصص غش
الحمدلله انا عمرى ما غشيت
لان ان عندى مبدأ اذا كنت انا مش عارفة الاجابة يبقا محدش غيرى هيعرف

والله يا بسكوتة انا كنت قربت احس ان الطلبة كلهم غشاشين اخيرأ حد رجع لي الامل

المشاركة الأصلية كتبت بواسطة ahmed0nouh

برغم ان الواحد ليه هوايات كتير , منها المهم ومنها الهايف
الا ان المذاكره عمرها ما كانت ولا هتكون واحده منهم , لدرجه انى ممكن امسك كتاب بتاع ماده بعد ما اخلصها اقراه بأستمتاع قوى وده مبيحصلش ابدا قبل الامتحان , مجرد جو الدراسه بيزهقنى ايا كانت الماده مشوقه

انا بقة كنت حريص دايما اتعامل مع المواد على اد عقلها
يعني لو دخلت عند مع المادة عمري ما افهم منها حاجة
كنت دايما بحاول اصاحب المادة علشان اقدر افهمها

المشاركة الأصلية كتبت بواسطة dr_ahmad

........................

- لقد تحول الحوار القائم إلى شخصنه وصراع شخصي وقد خالفتم بذلك القاعدة رقم (13) من قواعد المنتدى، لذا
فقد استحققتم تنبيه لمخالفة قواعد المنتدى.
يرجى مراجعة قواعد المنتدى
مشرف القسم 3

يا اهلا بالاشراف
اللى بنعمله في الناس بيتعمل فينا
استريحتوا يا درش انت ومكا
اديني اخدت تنبيه
على فكرة يا مشرف رقم 3 الحوار مش شخصنة ولا صراع شخصي كل ما في الامر ان الاخ قال معلومات غلط جدا وكان لازم تتوضح والا ممكن حد من الاعضاء اللى لسة طلبة يفتكرها حقيقية ويطالب بيها و ده هيوقعه في مشاكل مالهاش حل وطبيعي ان كان لازم اوضح انها غلط
اما ان الطالب يشيش ويحددوا عدد الحجارة فطبيعي لان اخونا ميدو كان كاتب ان واحد قاله ان الطالب مسموح له يخرج يدخن 4 مرات فكنت عايز اعرف الحكمة من 4 مرات تحديدا ليه مش 3 او 5 او اي رقم تاني؟
وعموما التنبيه مش مزعلنى لكن بجد لازم يبقي فيه تفهم للموضوع وقراءاة لكل المشاركات علشان تعرف ان مفيش شخصنة ولا حاجة
بدليل انى ومهندس مصطفي في اول الموضوع دخلنا نقاش حاد انتهي بان كل واحد فينا قدم احترامه للتانى يعني مش كل عضوين يتكلموا سوا تبقي شخصنة والا نبطل نتكلم مع بعض في الموضوعات وكل واحد يكتب موضوع ومحدش يدخل يعلق عليه ابدا خصوصا بالرفض والا يبقي بيشخصن الموضوع وياخد تنبيه
على فكرة ردي عليك دلوقت ممكن يعتبر شخصنة واخد تنبيه تانى لمجرد انى اختلفت معاك في الراي رغم ان اختلافي معاك لا يعني انى اقلل منك ابدا

المشاركة الأصلية كتبت بواسطة eng.geo

انا الحقيقة مش بتاع غش والحاجات ده بس لو زنقت قوي ممكن
لي واحد صاحبي قوي كان عندنا ميدترم رياضة وقاللي انا مش مذاكر حاجة فقلتلة ماتقلقش خليك ورايا وانا هخليك تشوف
هو علي العموم مش فاشل هو لما بيذاكر بيقي كويس زي حالاتي يعني
المهم اتوزع الامتحان والواد نقل مني الامتحان بالكامل
المهم بيقولوا تعالوا حطوا الورق هنا والنموذج (أ) هنا و (ب) هناك
احنا مكناش عارفين ان في نموذجين واحنا رايحين نسلم الورق فكل واحد باصص في ورقته عشان يعرف النوذج بتاعه وعرفنا واحناكل واحد رايح علي مكان شكل لن النموذجين مختلفين وعمالين بنبص لبعض في حصرة
بعد مانزلنا طبعا كنا ميتين من الضحك وقلتله ده اللي هيصحح ممكن يديلك بالسالب وممكن بستأصدك (يعني غشاش وغبي !!!!!!!!!!!!)
وكان يوم غريب لأن كان في امتحان بعديه وخو كان مذاكر الماده ده وانا كمان فكنا قريبين من بعض بس مابنكلمش بعض
المهم واحد كان بيكلم صاحبي علي سؤال وصاحبي كان لسة هايرد قام المعيد نادهله وقاله تعالي وهات ورقتك
طبعا الواد كان مش عارف يقول ايه كان عايز يقوله علي المادة الاولانية من كتر ماكان صعبان عليه ان المادتين دول يروحوا في يوم واحد

بصراحة صاحبك كان فيه حاجة غلط في اليوم ده خبطتين في الراس توجع