الموضوع: مخالفة عشان العربيه مركونة ومتربة!!!

انا لسه مسافر السعوديه من كام يوم كده دخلت البيت لقيت الورقة دي جوه البيت بسأل بابا خير قالي أصلي سافرت إسبوع ورجعت وراكن العربيه في جراج العمارة (مش في الشارع واخدين بالكم) هو الجراج في الدور الأرضي وباين من الشارع بس هو جراج خاص المهم الورقة أهي ودي من البلديه


طبعا مش كل السعوديه كده بس الجبيل وينبع كده عشان مدن صناعيه

المشاركة الأصلية كتبت بواسطة ashturbo

غالباً الحكاية دي موجودة جوا الهيئة الملكية بس يايوكو ودي ياجماعة للي ميعرفش هي حاجة كدة زي كمبوند كبير وفيه كل الخدمات وأنظف من المدن العادية بيبقى حاجة كدة زي قرية سياحية ودي السعودية بتعملها علشان الجبيل وينبع منطقتين بتروليتين وفيها مشروعات كبيرة واللي بيشغل المشروعات دي غالباً أجانب غير سعوديين وفيها أمريكان وبريطانيين وفرنساويين ولبنانيين ومن كل الجنسيات وبيبقى نظامها غير نظام الدولة يعني الستات الأجانب ممكن يمشوا كاشفين وشهم وشعرهم عادي ولابسين اللي عاوزينه بردوا عادي بس بشكل غير فاضح طبعاً ...... أعتقد الحكاية دي مجرد أجراء أمني علشان متتسابش عربية لفترة طويلة ويكون فيها قنبلة فبيبقى في دوريات بتحصر العربيات اللي بتوقف لمدة معينة والحصر ده يومياً بينما لو الحكاية دي في أي مدينة تانية برا الهيئة الملكية أعتقد مش هتتسحب .

تمام بس مش قوي كده هي مش كومبوند هي مدينه صناعيه وتتبع الهيئة الملكيه يعني تقدر تقول البلديه بتاعتها برئاسة الإمارة عدل وبيتدفع فيها فلوس بالهبل عشان دي تعتبر أهم مدينه صناعيه في السعوديه وبتجيب أكبر دخل
أما موضوع الستات فالجبيل والخبر والدمام كده بس حتى الي كاشفين شعرهم عليه إشارب منظر وممكن الإشارب على الكتاف وخلاص