اطرف المواقف التى تعرضت لها فى ايام الامتحانات

**dr-mohamed** · 17-01-2010 04:02 AM

المشاركة الأصلية كتبت بواسطة dr_ahmad

ايوة يا دكتور انا اللي اخذت تنبيه علشان يمكن المشرف شاف كلامي قاسي شوية ولكن ملخصه باسلوب تاني مع الاعتذار لاسلوبي السابق
ان كنت بقولك سيب الطلبة تفضفض عن نفسها يا دكتور وبلاش تراقب عليهم هنا كمان واحكيلنا عن ذكرياتك في الامتحان زي ما بنعمل
بس خلاص
وارجوك الحق وخد كلامي بصدر رحب لحسن اتوقف وللا حاجة
انا حبيت اوضح لك واوضح للاخت بسكوته علشان محدش يفهمني غلط
واسمح لي اقتبس كلامك علشان يكون في صالحي

انا سعيد بالحوار معاك يا دكتور احمد انت وبقية الاخوة هنا كلهم والحمد لله
وانا مش داخل اراقب هنا ولا حاجة
فيه مراقبين دي شغلتهم وبجد كان الله في عونهم علشان يقدروا يعملوا رقابة على موقع كبير زي ده فيه ناس من كل النوعيات
والاخوة المراقبين بيتدخلوا اول ما يلاقوا احتمال خطر او مشادة وده انا لاحظته وده سلوك طيب منهم طبعا والمفروض محدش يزعل منهم ومننساش ان كلهم متبرعين يعني جهد بدون مقابل الا حب الموقع والاعضاء
والحمد لله انا سبق ونفذت طلبك قبل ما تطلبه وحكيت وانا براقب ووانا طالب كمان بس الحمد لله مغشتش لكن اخدت ملحق ضيع عليا الصيف كله

المشاركة الأصلية كتبت بواسطة dr_ahmad

وعلى فكرة يا دكتور احنا كنا في اللجنة واحنا في الكلية كنا نشرب شاي وقهوة وندخن واللي عايز يروح الحمام يروح عادي جدا بس محدش بيطلع برة القاعة

بجد يا دكتور كل ده غلط وممنوع وانا قلت الصح علشان محدش يفتكر ان ده الصح ويطالب بيه ويعمل لنفسه مشكلة
طيب الطلبة ماشي لكن وصلت ان المراقبين والملاحظين كمان اتمنعوا السنة اللى فاتت من جميع انواع المشروبات والتدخين ولا حتي خارج القاعة
يعني العرف الاول كان ان الدكتور او المعيد اللي عايز يشرب شاي او سيجارة يخرج من اللجنة وزمايله موجودين بيسدوا مكانه
السنة اللى فاتت فوجئنا بقرار بمنع اي مشروبات ولا حتي المياه بحجة انفلوانزا الطيور
وللاسف الشديد انا مدمن شاي يعني لو مشربتش كل نص ساعة كوباية شاي ابقي عصبي وممكن اتسبب في كارثة وطلبت من الفراش شاي قالي يا دكتور ممنوعة باوامر من ....... فما كان مني الا انى قلت له اطلع للدكتور فلان رئيس اللجان قول له انى مروح يا اما الشاي يجي لي المدرج وفعلا لان رئيس اللجان عارفني كويس بعت لي الشاي وشربته خارج اللجنة
اما اللجنة نفسها فكان ممنوع فيها حتى شرب المياه

**fady.bekatcho** · 18-01-2010 03:33 AM

انا بقى هقلكم على موقف حصل مع اخويا
هو توائمى وفنفس الجامعة

اخويا بيقعد مثلا وبيبقى حوالى 7 او 8 من صحابنا يمكن كلهم بنات مثلا

المهم فى اول مادة بعد ما خلصنا لانى فى لجنة وهو فى لجنة بسالة عملت اية
قالى مية مية يا راجل
دا حتى المراقب لقيتة فجاة جايبلى كباية شاى وبيقولى خد اشرب علشان تظبط الدماغ وتعرف تغشش صحابك

وانا افتكر ان فى تانية التيرم الاول
كان عليا مادة نظرى كلها وانا بكرة النظرى
قعد حفظتها وقلت انام واصحى على 12 بليل اقعد اذاكر ل8 واطلع على امتحانى الساعة 9
المهم صحيت ما لقتش اخويا ولا صحبنا الى معانا فى الشقة اصلنا طلبة مغتربين
بتصل بيهم لقيتهم على الكوفى شوب بيذاكروا
رحت خدت الكتب وفضلنا للصبح انا واخويا على القهوة كل نص ساعة ينزلى شاى او قهوة والشيشة جنبى وعمال بحفظ
خلصتها ورحت الامتحان
انى افتكر كلمة ابدا وناس ام المادة خالص وعمال اضحك كل ما ابص فى ورقة الاسئلة
فزميلتى الى بتقعد جنبى علطول بغششها
هيا فاشلة شوية
الحمدلله طلعت المادة الوحيدة الى عرفت تحلها وربنا سهلها معايا وجبت فيها جيد جدا كمان

وانا فى ثانوى بقى كنا انا واخويا فى لجنة واحدة منازل
كان فى امتحان مش فاكر اية بالظبط انا ما كنتش عارف احل
اخر ما زهقت رحت نايم على البتاع الى بنقعد عليها دى وقايل لاخويا لما تحل ابقى ابعتلى الاجابة
ونجحت فيها برضوا

ومرة فى نفس السنة خلينا المراقب يسيب اللجنة ونغش باكونت لعبة اولاين اسمها gunbound اكتشفنا بالكلام انة بيلعبها لسة بادى فيها
رحنا قلنالنة هنديك اكونت ليفيل اعلى بكتير بس سبنا نغش راح قالنا موافق

دا غير فى تانية جامعة برضوا كان عليا امتحان وراح مجمع الاهرام الى فى العرب ولع
وانا فى سابع نوعة لقيتة اخويا بيصحينى بيقلى الحق المجمع بيتحرق اصلا كنا ساكنين وراة فى اخر الشارع قلتلة يا عم سبنى انام علشان الامتحان بكرة
لما لقيت الموضوع جد رحت صحيت ونزلنا نساعد وصورنا وبلاوى ورحت ابدعت فى الامتحان

**acc_gr2004** · 19-07-2011 05:06 PM

انا ذكريات مع الامتحانات كتييييييرة جداااااااااااااا ودا لانى كنت مرابط فى كلية التجارة جامعة القاهرة لسبع سنوات ... خد عندك بقى
المهم من ذكريات الامتحانات :
* كنا بنمتحن فى مدرج العيوطى وكان امتحان غبى بتاع مادة Sales تسويق بالانجليزى .. وكانت تقريبا الدفعة كلها بهايم (كلها بلا استثناء ) المهم ماكانش حد عارف اى حاجة .. حتى الدحيحة كانو حافظين بغباء .. وفى اثناء اللجنة كنت قاعد فى تانى بنج من الامام عند الدكتور .. وصاحبى الانتيخ تامر كان قاعد ورا خالص على دكة بعد البنجات .. واثناء الامتحان قامت مشاجرة بين طالب ومراقب بدات بالزعيق ثم الشد ثم الشتيمة الخفيفة ثم ذكر الوالدين بابشع الافاظ ثم الاشتباك بالايد والارجل والدنيا ظاطت والكل قام علشان يحوش ويفض الخناقة .. رحت انا قايم واقف على البنج وطاير على صاحبى الانتيخ اللى قاعد ورا خالص وقعدت جنبة لاقيتة ما شاء الله معاه كل ماتشتهيه الانفس من برشام ومذكرات وملخصات .. لو اقول لكو مدى الهدوء النفسى اللى كنا حاسينه واحنا قاعدين جنب بعض وبنطلع الاجابة بمنتهى الهدوء من المذكرات .. ولا كاننا فى المراجعة النهائية قبل الامتحان وبنحل براحتنا نماذج الامتحانات .. واستمر الحال كدة حوالى 25 دقيقة طبعا كنا طلعنا الاجابات ونقلناها وخلصنا حل .. لسه استنى الموضوع ماخلصش ...

المهم فضو الخناقة وكل واحد رجع مكانة والجو بدا يتظبط .. وبعد نص ساعة كمان الواد اللى كان بيضرب المعيد طئت فى دماغة وقام وعايز يضربة تانى .. متعرفوش بقى يئس ولا اتخنا ولا ايه اللى حصل .. وتم تكرار المشهد السابق .. بس المرة دى بقى رجعت لصاحبى وقمنا بعمل مراجعة على جميع اجوبتنا وذلك لضمان التاكيد والاطمئنان ..

ملحوظة عجيبه : انا جبت 17 من 20 وصاحبى جاب 11 من 20 رغم ان الورقتين كربون كربون كربون .... ارزاق

**tananybasha** · 20-07-2011 12:02 AM

انا دخلت لجنة غلط
اول يوم امتحانات فى الجامعه
دخلت امتحان بتاع كلية تانى فى مبنى الأمتحانات
ابص فى الورقه
ايه ده
طلعت كلية تانى
خرجت و المادة كانت هتضيع عشان اقنع المراقب انى دخلت لجنة غلط