هوه الحاله الي كان فيها صاحب العربيه فقدان وزن تماما
ودي صعب اي حد في الدنيا يمسك العربيه فيها
عشان حضرتك اكييد كل لما تلمس الدركسيون يمين تلاقيه كله بقى في اتجاه اليمين تحاول تجيبه سنه شمال تلاقيه كله اترمى شمال
في الحاله دي متهيالي تسقط نقله حلو وكمان في حالات الزيت تسقط نقله برضو
عموما في التعويمات العاديه عليك وعلى الدركسيون تعدله في اتجاه مستقيم وتدوس سنه فرامل وهكذا الى ان توقف العربيه
عموما فكره عمل ال esp بتعتمد على الفرامل يعني هوه بيدوس فرامل وبيعدل الدركسيون لوحده حلو اوي ال esp ده
عموما موقف بتاعك حصل معايا في نيو اكسنت وزيرو كمان 160 وباخد حارات لليمين في صلاح سالم وواحد حيوان قدامي بينزل يمين برضو بس الفرق اني بزود لحد 160 وهو بيهدي معرفش ليه
لحد ما لقيته في وشي رحت دايس فرامل جدا وشمال في يمين وعينك ما تشوف الا النور
عربيه بتعرض وتخمس وعايشه حياتها على الاخر احاول اجيبها يمين الدركسيون كله يترمي يمين وشمال الاقيه كله اترمى شمال والناس كلها وقفت واعدت اعرض لوحدي في صلاح سالم تخيل في عز الضهرووقفت بالبركه
عموما الحمد لله بعد الموقف ده حصل معايا عده مواقف مشابهه بس اخف ضغط طبعا بس الحمد لله بتصرف حلو حتى بقى الموضوع بديهي ممكن انا معرفش انا بعمل ايه بس بلم برضو العربيه
وهيا في الاول والاخر تعتمد على نوع العربيه وقدرتك على التمكن فيها ونوع الموقف
المفضلات