كلام جميل يا أستاذ Ramyar والله يباركلك في العربية إنشاء الله. أنا حبقى برضو أعمل نفس الموضوع ده وأشوف الإستهلاك عنديانا معايا برسونا 2010 اوتوماتك لسه مستلمها 31/12
العربيه علي الكمبيوتر بتاع الرحلات بتعمل 7.1 داخل البلد وعلي السريع 6.8 وبصراحه انا محسبتلهاي بي البلدي لاكن وانا رايح صيانه الالف الاسبوع الي فات قلت احسب بي البلدي وكانت العربيه عامله 1845 كيلو وانا في بدايه طريقي من البحر الاحمر الي القاهره
قلت فرصه احسب المعدل
رحت فولت العربيه وصممت اني انا الي افولها بايدي وفعلا نزلت ومسكت المسدس وفولت العربيه لغايه البنزين ما الزور لدرجه اني حركت البوابه الي في المكان الي بيدخل فه المسدس لقيت ان البنزين فوق وتحت البوابه دي واستنيت حوالي دقيقتين وهزيت العربيه كام مره و كشفت تاني لقيت البنزين زي ماهوه
المهم حاسبت ومشيت وكان العداد معدي الشرطه الاخيره بشويه
اتكلت علي الله ومسكت الطريق السريع و كنت ماشي سرعه ثابته 95 الي 100 ثابت ومكان معايا في العربيه غير والدي والوصله الاولي 105 كم
وفي اول بنزينه قلت ياواد خش فول تاني وشوف ايه النظام وساعتها كمبيوتر العربيه كاتب 6.9
وطبعا انا الي نزلت افول مارضتش اخلي الراجل بتاع البنزينه الي يفول
وكانت المفاجاه
كام
كام
كام
3.65 لتر
انا بصراحه ماكنتش مصدق بس انا الي مفول بايدي
مستحيل ياجماعه دي مش توك توك
عملت الي مايتعملش والبنزين عمال يطلع بره
احرك البوابه مافيش فايده
البنزين فوق وتحت البوابه
علي اول الزور
لدرجه ان وانا بقفل الغطاء الفبر الي بيتلق قلاوظ البنزين وقع علي الفجوه
المهم قلت مش معقول ولما روحت التوكيل قلتلهم هناك قالولي المفروض من 6.8 الي 9.0 لكل 100 كيلو بس كده بس الله ماشاء الله
ومن ساعتها كل ما احسب للعربيه الاقي الاستهلاك مابين 4.0 الي 5.0 لتر لكل 100 كيلو حتي الناس الي في البنزينه خلاص حفظوني اول ما بدخل محدش بيجي عندي بيسيبوني افول وبعد كده اروح احاسب
ياتري ايه رايكم في الموضوع ده
المفضلات