الموضوع: إرتفاع السيارات موديل 2010 عن الأرض (Ground Clearance)

انا عندي تعليق صغير بعد اذنكم في موضوع الحكه ده
لأن في عامل مهم جدا احنا متكلمناش عليه وهو نعومه و قوه المساعدين و السوسات
لأن السيفيك المساعدين و السوسات ممكن تكون اطري من الكورولا و الاوكتافيا و بالتالي بعد التحميل فيها بيقل الارتفاع عن الأرض اكتر من العربيتين التانيين و كمان مع قاعده عجلات اكبر يبقي اكيد السيفيك هتحك اكتر منهم
انا رأيي ان الأرتفاع المفروض يتقاس عند وزن التحميل الأقصي للعربيه
مش زي ما الشركات بتعمل و تقيسه و العربيه فاضيه لأن في الحاله دي بيكون غير واقعي لأن عمر ما العربيه هتمشي او تعدي مطب و هي فاضيه
ولا ايه رأيكم؟؟؟

كلام حضرتك مظبوط 100% انا كنت حشترى السفيك قبل الكورولا
بس انا عملت تجربه عمليه عندى جارى عنده السيفيك وركبت معاه وكمان اخوه كان معانا ومشينا فى المقطم واخدنا مطبين للاسف كان لازم يعرض العربيه لانه حك بيها بس بسيط وليا احد اصدقائى معاه الكورولا هو مش صديق هو السائق الخاص بى فى الشغل واخدنا العربيه وكمان معانا سائق اخر وطلعنا المقطم واخدنا نفس المطبين فوجئت انه عدى عدل من غير ما يعرض وكمان مفيش اى احتكاك وطبعا ده الى خللانى اجيب الكورولا ومن ساعتها لو تقابلت بالصدفه مع سيفيك على اى مطب الاقيه هو يعرض وانا اعدى عادى جدا
اتضح انى قاعدة العجلات مختلف يعنى السيفيك اطول wheel base وهو ده الذى مؤدى للاحتكاك او محللى لما بتعدى لعجله الاولى بتبقى التانيه لسه على الارض يعنى بتلبس المطب فى النص تمام وكنت اخدت راى بعض ملاك السيفيك وكل واحد كان كلامه واحد انه كل ما بيحك الحكه بتوجع قلبه وهو هو نفس عيب المازدا3 بس طبعا ده مش يقلل من قدرات العربيتين طبعا

المشاركة الأصلية كتبت بواسطة semsem kane

دة فية ناس بتفضل الكورولا عن السيفيك عشان الموضوع دة يطلع الفرق كدة انا مستغرب الصراحة لانى كنت راكب سيفيك 2007 وخدنا مطب صناعى وكنا اتنين بس قدام والعربية حكت فى المطبات يبقى ازاى بقى