الموضوع: إرتفاع السيارات موديل 2010 عن الأرض (Ground Clearance)

المشاركة الأصلية كتبت بواسطة mshamy

شرح أكتر من ممتاز
تسلم أيديك يا احمد بك

ربنا يخليك يا محمد باشا, عايزين نرتب مقابلة بدل المقابلة إللي محدش فيها قابل التاني دي بتاعت المعرض.
ومبروك لمصر يا باشا ... شوفت الكلام إللي مكتوب عن المنتخب المصري من فرنسا هنا
http://www.nilemotors.net/Nile/121674-a.html
بجد حاجة تشرف

المشاركة الأصلية كتبت بواسطة nemo82

الله ينور على حضرتك, بس كان ليا استفسار, هل موضوع الحك ده بيأثر على السيارة, وياترى الواحد ممكن يتفاداه ازاى, وشكرا ليك على المعلومات القيمه

الله يخليك, أكيد بيأثر على أي عربية طبعا و حسب خشونة الحكة ... و على قد ما تقدر تتفادى أي حك من تحت, الأهم من إنك تطلع المطب بالراحة إنك تنزل من عليه بالراحة أكتر و رجلك تكون مريحة علي الفرامل (والدبرياج لو عربيتك مانيوال ومعشق غيار) ... حاول وإنت طالع على المطب بالعجل الأمامي توقف العجل على قمة المطب و تسيب العربية تنزل بوزنها ورجلك مريحة على الفرامل برضو ... ولو إنت شايف المطب عالي يبقى تعديه بالجنب شوية و بالراحة ... خصوصا لو عربيتك محملة وزن.
وربنا يستر في الأول و الآخر.

المشاركة الأصلية كتبت بواسطة mshamy

والله كان نفسي اتعرف على حضرتك بس قدر الله و ماشاء فعل...كاميرا فيديو سوني هاندي كام لسه في التليين جاية من عند اونكل سام مدفوع فيها 3 بواكي ...راحت في ستة إلا تلت...
الحمدلله على كل شيء ...بس فعلا كان مزاجي باظ و قولت امش علشان اللي معايا ما يتضيقوش...
تتعوض بأذن الله يا معلم

ألف مبروك لجمهور الكورة في مصر
وعلى رأي زيزو ...كده نتفرج على كأس العالم في بيوتنا وأحنا مرتاحيييين....
ومش مشكلة ان احنا ماروحناش كاس العالم....كاس العالم حيجي لحد عندنا ...ما احنا حنلاعب انجلترا و اسبانيا و امريكا و معرفش مين كمان...يعني كأننا طلعنا من دور ال16 في كأس العالم
ويا دار ما دخلك شر و قابضين فلوس تمام...ومزجنا عال العال ....واما نشوف الست خضرا حتعمل ايه..

أنا ماكنتش عايز أسألك و أفكرك بموضوع الكاميرا ده ... أصلي مجرب موقف شبهه بس كان موبايل ... قدر الله وما شاء فعل ... معليش يا باشا, فداك.

المشاركة الأصلية كتبت بواسطة الصيداح

جميل جدا
بس غريبة أن السيفيك أعلى من الكرورلا

المشاركة الأصلية كتبت بواسطة semsem kane

دة فية ناس بتفضل الكورولا عن السيفيك عشان الموضوع دة يطلع الفرق كدة انا مستغرب الصراحة لانى كنت راكب سيفيك 2007 وخدنا مطب صناعى وكنا اتنين بس قدام والعربية حكت فى المطبات يبقى ازاى بقى

المشاركة الأصلية كتبت بواسطة Sameh

اللى فاهمه إن ال الخلوص ال clearance بيتقاس من أوطى نقطة فى العربية ، يعنى ممكن يكون عتب الكورولا أعلى من السيفيك إنما الشكمان مثلاً منخفض شوية فممكن يحك برغم إن العتب يفوت بسهولة ، عشان كدة الأرقام تبدو غربية شوية وشايفين ارتفاع الأوكتافيا والكورولا الحقيقى أوطى من السيفيك ؟

المشاركة الأصلية كتبت بواسطة Sameh

فيه ناس كتيرة بتحجم عن شراء السيفك عشان الإرتفاع بس ، لو الموضوع ده طلع غير كدة المقارنات هتبقا مختلفة خالص

المشاركة الأصلية كتبت بواسطة oilman

متهيالى فيه حاجه غلط انا كنت حاشترى السيفيك بس جبت الكورولا ليه بقى انا قمت بقياس الجراوند كليرانس بنفسى بطريقه بلدى جبت ورقه ايه فور وحططها تحت اوطى حته فى العربيتين وتم ثنى الورقه على ارتفاع كل منهم وتم القياس بالمسطره وكانت النتيجه كالاتى الفرق على الاقل 2.75 cm
يعنى الكورولا كان 14.85 والسيفيك كان 12
ديه تجربه عملى وليس كلام ورق

أنا كند فتحت موضوع عند قسم الكورولا بالمنتدى هنا, و اليوم أحد الأعضاء ملاك الكورولا 2009 رد عليا ... ممكن يكون زار الموضوع هنا الأول بس يكفي إنه مقتنع ... برجاء الزيارة خصوصا "oilman"
http://www.nilemotors.net/Nile/12142...post3872326681

السلام عليكم اولا اشكرك على اسلوبك ثانيا حضرتك كنت بتسال او بتتكلم على الخلوص او الارتفاع عن الارض وليس سببه ايه انى الشكل بيقول انى الهوندا اوطى على العموم انا ما زلت مقتنع لسببين اولا انى قيست بنفسى ثانيا انى اخدت مطب بالعربيتين بعربيتى وبعربية واحد صديق وبنفس الحموله يعنى كنا تلاته هما هما نفس التلاته اللى ركبوا العربيتين عامة فى الاول وفى الاخر تفسير استاذ كريم للموضوع سليم انما اساس الموضوع هو مين اوطى وليس ليه هى اوطى وفى المطب وبالعربيتين التويوتا عدت ومفيش اى احتكاك انما الهوندا حكت واضطريت لاخذه بالميل واحب ااقول لحضرتك حاجه مهمه الاتنين ماركتين ما شاء الله لا غبار عليهم انما العيب فى شوراعنا والساده المتخصصين فى عمل المطبات او بمعنى اصح الموانع واضيف لحضرتك انى كنت حشترى الهوندا ولكن لنصيحة صديق يقطن معى فى نفس المكان لا لانه بيشعر بقهره كل ما بتحك منه فى اى مطب كانها بتحك فى قلبه وليس فى العربيه واخيرا تقبل تحياتى وارجو انى اكون وضحت وجهة نظرى وشكرا للاستاذ كريم على المشاركه وياريت اشوفك قريب يا كريم باشا

المشاركة الأصلية كتبت بواسطة Horsepower

مش قلب معايير إختيار بس مش عايز حد يكون فاهم شيء مش صحيح.
شوف يا سيدي, ال Wheelbase دي هي المسافة بين محور العجل الأمامي و الخلفي ... ماشي كدة ... لما المسافة دي بتكون صغيرة و تطلع مطب يتلاقي قبل ما العجلتين الأمامي ينزلو من على المطب بيكون العجل الخلفي طلع على المطب وكدة العربيه ماتحكش ... شبه إنك تاخد المطب بالجنب شوية ... إنما لما الWealbase بتكون كبيرة شوية بتالقي العجل الأمامي طلع على المطب و نزل من عليه و الخلفي لسة على الأرض ... يعني يبقى كامل المطب تحت العربية ... مش بس كدة ... ده كمان أول ما العجل الأمامي ينزل من على المطب العربية بتريح شويه من قدام بسبب وزنها و حركتها (تحليل قوى) ... و بالتالى الخلوص بيقل ... تقوم العربية تحك في المطب.
بس يا سيدي... هيه دي الحكاية.

طبعا ال10 سم الفرق بين السيفيك و الكورولا في ال Wheelbase مش كتير بس ممكن يعملو كدة.
عايز أوضح حاجة تانية إن كل ما كبرت مسافة ال Wheelbase كل ما ثبات العربية زاد و إحساس خشونة الطريق يقل.

والله
إنك فنان
أنا فهمت كدة الموضوع من ساسه لراسه
جزاك الله كل خير وزادك علما

والله اللي يفهم الموضوع تمام زي ما أوضحت حضرتك

يعرف أن إنخفاض السيفيك هذا وهم
ممكن العتب يكون منخفض
لكن كبر قاعدة العجلات والتي هي ميزة
هي سبب الحك في المطبات

السلام عليكم
الإنطباع العام عن السفك هو إنها واطية وبتحك في المطبات
والسبب الرئيسي في المشكلة دي مش ال(ground clearance)
المشكلة إن (span) بتاع السفك كبير بمعنى إن المسافة بين أكس العجل الامامي واكس العجل الخلفي كبيرة وبالتالي في فرصة أكبر إنها تحك في النص.