إرتفاع السيارات موديل 2010 عن الأرض (Ground Clearance)

**Horsepower** · 28-01-2010 09:34 AM

المشاركة الأصلية كتبت بواسطة oilman

متهيالى فيه حاجه غلط انا كنت حاشترى السيفيك بس جبت الكورولا ليه بقى انا قمت بقياس الجراوند كليرانس بنفسى بطريقه بلدى جبت ورقه ايه فور وحططها تحت اوطى حته فى العربيتين وتم ثنى الورقه على ارتفاع كل منهم وتم القياس بالمسطره وكانت النتيجه كالاتى الفرق على الاقل 2.75 cm
يعنى الكورولا كان 14.85 والسيفيك كان 12
ديه تجربه عملى وليس كلام ورق

ممكن أسأل حضرتك من عند أنهي مكان تحت السيفيك لقيت الفرق 12 سم؟
(أحمد سامي)

**OilMan** · 28-01-2010 10:07 AM

حضرتك هو مش الفرق انما ارتفاع السيفيك انما الفرق 2.75

المشاركة الأصلية كتبت بواسطة horsepower

ممكن أسأل حضرتك من عند أنهي مكان تحت السيفيك لقيت الفرق 12 سم؟
(أحمد سامي)

**Horsepower** · 28-01-2010 10:17 AM

المشاركة الأصلية كتبت بواسطة oilman

حضرتك هو مش الفرق انما ارتفاع السيفيك انما الفرق 2.75

أنا فاهم إن ال 12 سم أكيد مش الفرق بين السيفيك و الكورولا أنا أقصد من أنهي مكان في السيفيك لقيت ال 12 سم دول الفرق بين تحت السيفيك و الأرض.
بالمناسبة حضرتك عارف إن قبضة إيدك إرتفاعها أكبر من 12 سم؟ ... يعني على كلامك المفروض إنك متقدرش تدخل إيدك و هي مقفولة تحت السيفيك ... كدة إحنا بنتكلم على كنبة مش عربية

أنا بهزر معاك طبعا.
بس أنا عايز أعرف إنت قيست 12 سم بتوع السيفيك منين بالضبط.

**Sameh** · 28-01-2010 10:20 AM

المشاركة الأصلية كتبت بواسطة oilman

متهيالى فيه حاجه غلط انا كنت حاشترى السيفيك بس جبت الكورولا ليه بقى انا قمت بقياس الجراوند كليرانس........

فيه ناس كتيرة بتحجم عن شراء السيفك عشان الإرتفاع بس ، لو الموضوع ده طلع غير كدة المقارنات هتبقا مختلفة خالص

**OilMan** · 28-01-2010 10:25 AM

ده حضرتك متوسط تلات قرءات من نص العربيه ومن الامام ومن الخلف وكمان قيسنا من تحت علية الشكمان والعتب

المشاركة الأصلية كتبت بواسطة horsepower

أنا فاهم إن ال 12 سم أكيد مش الفرق بين السيفيك و الكورولا أنا أقصد من أنهي مكان في السيفيك لقيت ال 12 سم دول الفرق بين تحت السيفيك و الأرض.
بالمناسبة حضرتك عارف إن قبضة إيدك إرتفاعها أكبر من 12 سم؟ ... يعني على كلامك المفروض إنك متقدرش تدخل إيدك و هي مقفولة تحت السيفيك ... كدة إحنا بنتكلم على كنبة مش عربية

أنا بهزر معاك طبعا.
بس أنا عايز أعرف إنت قيست 12 سم بتوع السيفيك منين بالضبط.

**Horsepower** · 28-01-2010 11:14 AM

المشاركة الأصلية كتبت بواسطة oilman

ده حضرتك متوسط تلات قرءات من نص العربيه ومن الامام ومن الخلف وكمان قيسنا من تحت علية الشكمان والعتب

كده يبقو خمس قرآت مش تلاتة

شوف يا سيدي أحب أؤكد لك إن ال Ground Clearance للسيفيك و هي المسافة بين أوطى نقطة في السيفيك و الأرض هي 154.3 مم و ده أكيد مش بس من موقع الشركة هنا CIVIC Specifications
ده كمان عن تأكيد شخصي مني قبل ما أشتريها.

**OilMan** · 28-01-2010 12:24 PM

بس احنا اخدنا على التلات متوسطات ولم نعتبر القرئتين بتوع العتب والشكمان احنا اخدناهم من باب الاعتبار فقط وليس فى المتوسط مع تحياتى ليك

**nemo82** · 28-01-2010 07:16 PM

أستاذ أحمد, ممكن افهم ازاى الWheelbase ممكن تسبب ان السيفيك تتحك والكورولا لأ؟
الظاهر انك هاتقلب معايير الاختيار مابين الاختين تماما!!!

**Horsepower** · 28-01-2010 07:53 PM

المشاركة الأصلية كتبت بواسطة nemo82

أستاذ أحمد, ممكن افهم ازاى الWheelbase ممكن تسبب ان السيفيك تتحك والكورولا لأ؟
الظاهر انك هاتقلب معايير الاختيار مابين الاختين تماما!!!

مش قلب معايير إختيار بس مش عايز حد يكون فاهم شيء مش صحيح.
شوف يا سيدي, ال Wheelbase دي هي المسافة بين محور العجل الأمامي و الخلفي ... ماشي كدة ... لما المسافة دي بتكون صغيرة و تطلع مطب يتلاقي قبل ما العجلتين الأمامي ينزلو من على المطب بيكون العجل الخلفي طلع على المطب وكدة العربيه ماتحكش ... شبه إنك تاخد المطب بالجنب شوية ... إنما لما الWealbase بتكون كبيرة شوية بتالقي العجل الأمامي طلع على المطب و نزل من عليه و الخلفي لسة على الأرض ... يعني يبقى كامل المطب تحت العربية ... مش بس كدة ... ده كمان أول ما العجل الأمامي ينزل من على المطب العربية بتريح شويه من قدام بسبب وزنها و حركتها (تحليل قوى) ... و بالتالى الخلوص بيقل ... تقوم العربية تحك في المطب.
بس يا سيدي... هيه دي الحكاية.

طبعا ال10 سم الفرق بين السيفيك و الكورولا في ال Wheelbase مش كتير بس ممكن يعملو كدة.
عايز أوضح حاجة تانية إن كل ما كبرت مسافة ال Wheelbase كل ما ثبات العربية زاد و إحساس خشونة الطريق يقل.